الموضوع: مقارنة بين الصنى سوبر صالون و الإلنترا الأتوماتيك

الالنترا طبعا بدون كلام

و بالنسبة للثبات على الطريق و استهلاك البنزين و كمان المتانة يعنى الصاج و العفشة و كمان الإرتفاع عند التحميل لأنى راكب سيفيا و مستوى مطبات تقريبا الشكمان بيسلم على كل مطبات القاهرة كمان شىء مهم التوكيل لسة نيلة وللا فيه تحسن.....اسف للتطويل بس الموضوع محير وكمان دول مية الف مش شوية

الصني طبعا.
عربية شيك و محترمة و ياباني و لها سمعة ممتازة. انا مش عارفة ايه اللي يخلي الواحد يشتري الالنترا بالسعر ده. على فكرة غبور بيلعب لعبة تسويقية بحتة, يحط سعر للعربية تخليك تفتكر ان قيمتها عالية و تقارنها بحاجات عالية قوي زي السيفيك او الكورولا ..الخ بس يكون ارخص شوية بحيث انه يغري الناس. بصراحة كل اسعار هيونداي تهريج و كمان غبور بيشيل نص كمالياتها عشان الفرق يبقى في جيبه.

و على فكرة موضوع التجميع المصري ده اللي بوظ سمعته الفيرنا بتاعت غبور. بس عن تجربة الصني تقفيلها ممتاز و المصنع بتاعها ملك شركة نيسان الام و تحت اشرافها.و كفاية ان الصني لما بقت تتجمع في مصر اسعارها نزلت, ده لوحده يعرفك انك يتتعامل مع ناس محترمة مش زي ما بيعمل غبور و منصور يجمعوا في مصر عشان يقللوا التكلفة و يغلوا السعر عشان الفرق يبقى في جيوبهم.
و بصفة عامة الياباني معروف انه معمر عن الكوري

كلام معقول جدا لكن الناس اللى ركبوا اللإنترا بيشكروا فيها جدا و كمان الصنى اصحابها بيشكروا فيها و حاجة تحير خاصة ان الإلنترا اشيك و شكلها احدث و الصنى شكلها قديم شوية و غبور كمان كتوكيل الناس بتشتكى من الزحمة و المعاملة

على فكرة انا مش بقول ان الالنترا وحشة بس رأي ان سعرها مبالغ فيه, و موضوع ياباني و كوري ده يفرق. يعني الالماني مثلا اغلى بكتيير من الياباني مش عشان الياباني وحش انما الالماني يتفوق عليه وده الطبيعي. برضه الياباني يتفوق على الكوري و المفروض يكون ارخص لكن الاسعار عندنا بتخضع لمزاج الوكيل و شوية شوية الناس تبتدي تنسى ان في حاجة اعلى من التانية.
موضوع الشكل ده بقى ماتاخدش فيه رأي حد المهم ذوقك انت. انا مثلا شايفة ان الصني في منتهي الشياكة و الجمال و عاجبني جدا, ازواق.