اوبتراوى جديد وارجو المساعدة فى التكييف..

السلام عليكم ورحمة الله وبركاته...
انا لسة جديد هنا فى قسم الاوبترا وكنت سيناوى من قبل...
انا لية شارى العربية وهى موديل 2006 بس مش عارف خليجى ولا لا هى 2 زجاج كهرباء...
المهم بقى المشكلة اللى هتجننى ان التكيف اول متشغلة بيكون فريزر واتفتح وبعد عشر دقايق كدة تلاقية اتخنق ومش مطلع هوا حتى لو عملت المروحة على 4 بتسمع فعلا صوت الهوا بيزيد بس مش بيطلعلى الصوت بيكون طالع بالظبط من تحت درج الطابلوة اللى هو مكان الفلتر ...
قلت اغير الفلتر مفيش بردو قلت اشيلة مفيش بردة...
لازم يشتغل عشر دقايق ويتقفل زيهم ويرجع يشتغل تانى...
مش عارف اعمل اية؟؟؟
حد عارف حل للموضوع؟؟
ارجو المساعدة...
وربنا يجزيكم خير ان شاء الله....

هو عيب اول مرة يعدى علية
لكن الى بتحكية دة معناة ان فية حاجة بتسخن تخلى الهواء مايخرجش ممكن جدا يكون فيوز
انا شايف انك تروح لحد كويس يكشف ليك على دورة التبريد و الفيوزات
لو تحب اوصفلك حد فى مدينة نصر انا تحت امرك هو عندة كشف بالكمبيوتر و الكشف دة احسن حل
و طبعا اهلا بيك اخ عزيز بين اسرة شيفورلية
بالتوفيق

ممكن تعمل حاجة... ممكن تشغل التكيف وانت بره والكبوت مفتوح وتشوف لو الكومبرسور بيفصل ولا ايه

بس انا مش عارف طب لو بيفصل حتى نعمل ايه... نغير ترموستات؟

يا باشا العلاج عندي .. ضغط الفريون زياده اوي عشان كده بيخلي المواسير تتلج ومطلعش التبريد و دي حلها بسيط اوي بتروح لي اي حد بتاع تاكيفات قوله يكشفلك على ضفط الفريون لو لاقيه زياده بيسرب منه شويه لحد ما يزبط الضغط و ده حصل معايه بالظبط و كمان بالمره غير فلتر التاكيف الاصلي بتاعها عامل 140 ..لو انته ساكن في مدينة نصر او قريب روح لي بنزينة كالتكس إلى في عباس العقاد ابليها بي متر بالظبط هتلاقي ميكانيكي تكيف مضمون و عن تجربه في كذا عربيه ..وانشاء الله خير

الف الف شكر ليكو يا احلى رجاله ع المساعدة...
انا هجرب موضوع ضغط الفريون مع ان الفريون لو زايد واحد قللى انو مش هيسقع...
هجرب وارد على حضارتكم..

الفلتر الاصلى فى التوكيل بيعمل 193 جنيه

انا ساعات المشكله دى بتحصل معايا على فترات متباعده وبفصله 5 دقايق ويرجع يشتغل تانى كويس
سالت واحد بتاع تكيف قالى الكنترول بتاع الترموستات فيه مشكله
انا مفهمتش حاجه من اللى قاله ده

منا بجيبه من بره من واحد اسمه النجار في شارع دمشق و بشتريه بي 140

انا شاريه ب175 الاصلى
بس من طنطا

احب اوضح حاجة يا رجالة ان تكييف الوبترا مالهوش ترموستات علشان كدة لما تشغل التكييف فترة طويلة يقلب بمروحة لان الكومبروسر بيفضل غشال لغاية المواسير ماتلج و تتسد و يبقي المروحة بس هيا اللي شغالة و عشان كدة يفضل اغلاق التكييف كل نص ساعة 10 دقايق علشان الثلج مايسدش المواسير وو كمان يفضل ان مؤشر الحرارة الازرق مايبقاش علي الاخر خلية ورا شوية و بالتوفيق

و ياريت لو حد عندة تاكيد للكلام دة يقول علشان انا مش متاكد اوي لكن قرات عن الموضوع دة في الورشة و عن الاوبترا بالتحديد

شكراااا

يعنى العيب دة شائع فى كل الاوبترا؟؟

خيييييييييييييير ان شاء الله مش تقلق ان شاء الله هتصلحها وتبقى زى الفل بس انا مش عارف مش بيعجبنى تكييف الاوبترا خالص مش عارف ليه...............وابقى طمنى

لية مش بيعجبك تكيف الاوبترا ؟
واية الملحوظات عنة ؟

اقتباس:

---

المشاركة الأصلية كتبت بواسطة hema_fg2

خيييييييييييييير ان شاء الله مش تقلق ان شاء الله هتصلحها وتبقى زى الفل بس انا مش عارف مش بيعجبنى تكييف الاوبترا خالص مش عارف ليه...............وابقى طمنى

---

ليه يا باشا دا انت في احلى جو فى الدنيا كلها " جو مصر " ، وانا هنا في السعوديه والجو أجارك الله 49 و 50 وجفاف رهيب جو الرياض وقبله كان جو جده 46 و 45 ونسبة رطوبه حدجث ولا حرج ورغم كده ولله الحمد التكييف تمام . وطبعاً دى تجربتي وده رأي الخاص