المشاركة الأصلية كتبت بواسطة adham
لا و اللي ينرفزك بقى اللي فاكرين نفسهم بلطجية و بُرم
من سنة بالضبط في رمضان الماضي
ماشي في شارع النادي الاهلي مروح قبل الفطار بشوية
قدام مترو ماركت عربية لانسر فضي راحت خارجة من ركنة بسرعة و لا كأنة شارع فاضي في التجمع الخامس
طبعا انا ايدي عالكلاكس و رجلي عالفرامل و كاسر شمال ناحية الفتحة الشمال, كان جاي منها ماتريكس الراجل ضرب فرامل علشان فهم اللي بيحصل
المهم دي كابسة و مكملة و لا كأن فية حاجة بتحصل و بتدي كلاكسات و بتشوح بايديها متضايقة من الازعاج اللي سببناة لحضرتها !!! عادي بقى طالعة من ركنة و الشارع فاضي قدامها و يولع الناس اللي بتحارب علشان تفاديها عالشمال
المهم انا عديت بعدها قبل الماتريكس اللي وقفت و مشيت, قوم اية .... اجي وراها اعدي منها تقوم حادفة عليا تاني قلت لا دي غشيمة قوي و انا صايم و مش طالبة غباوة نسوان , جيت اعديها من اليمين و راحت حادفة عليا تاني , قلت لا دي مابدهاش دي بقى بتستهبل و فاكرة نفسها راكبة مدرعه, عدلت نفسي و رحت مديها فلاشر نور عالي و داخل معديها من الشمال و انا متوقع اللي هيه حاتعملة بالضبط
و فعلا ما كدبتش ظني و راحت حادفة عليا شمال فاكرة انها بتترازل عليا و بتخوفني مش فاهمه الغبية اني انا اساساً لولا خايف عليها و متقي ربنا فيها و في عربيتها يعلم الله كنت عملت فيها اية
دي راحت حادفة شمال بكل قوتها و انا ايدي عالكلاكس و رحت كابس بنزين و باسمع احلي طرقعه في الجنب اليمين و شايف مرايات بتطير و اكصدام بيتفك ورفرف بيتطبق دي اخيرا بقى فهمت غلطتها متأخر بعد فوات الاوان و فهمت ان انا مش حاقف و لا حاهدي و دي مشكلتها و تتعامل و راحت حادفة تاني يمين و لما جت الاشارة بعد شوية وقفت ورايا ب 20 متر برغم انها العربية التالية لي في الشارع و انا عمال اقول اللهم اخزيك يا شيطان كنت بافكر احط مارشدير اخليها تغير شبكة و فوانيس علشان تتعلم تسوق بأدب و تحترم الناس اللي ماشية في الشارع, (ملحوظة انا عندي عتب ستانلس بارز عن جسم العربية اكتر من 10 سم متثبت في الشاسية من تحت و دفندر امامي ستانلس جايب من اول داير العجل يمين و شمال)
احتجت بس شوية كومباوند امسح تجريحه مرايتها (قبل ماتطير تقريبا) عملت خط اسود تحت اكرة الباب اليمين