الموضوع: الرحمة بينا يا ستات بقى :(

المشاركة الأصلية كتبت بواسطة shooter123

واضح انك اول مرة تسوق في مصر
يا ابني ده الطبيعي بتاع سواقة الستات
حاول تتأقلم

مش اول مرة ولا حاجة
بس زهقت من كده بجد

المشاركة الأصلية كتبت بواسطة waelfarid

وانت سايق حاول تدي فرصة لنفسك تلعب شطرنج وتحط نفسك مكان الاخرين وتقلل قدامهم الاختيارات بانك لما تاخد الملف علي الضيق يو ترن حاول انك ما ترجعش بضهرك بقدر الامكان وخطف مشوب بالحذر ويكون علي شمالك حتة واسعة بس ما تعديش العربية اللي وراك ولا يمنع حذر من قدر وحط اعصابك في فريزر مش تلاجة وانت سايق وربنا يسترها مع الجميع

هو انا مش فاهم ارجع بضهري ازاي و انا في يو ترن
بس الوضع تقريبا كان كده و عربيتي انا اللي باللون الرمادي

المشاركة الأصلية كتبت بواسطة walidzakzok

" حركات هستيرية بإيديها الاتنين "
الجملة دي ممكن تتفهم غلط لان فيه ستات شلق اوقات بيشتمو ويعملو اشارات مبتذلة مع انهم هما اللى غلطانين

بص انا مش فاهم قصدك ايه بتتفهم غلط , بس هي كانت عمالة تعمل كده بهيستيريا بإيديها الاتنين و هي سايقة (بتقول لي انت مجنون يعني )

المشاركة الأصلية كتبت بواسطة Halahassan

انتوا والله عندكم حق، أنا ست و بكره سواقة الستات.. و نفسي يمنعوا كل الستات من السواقة (ماعدا أنا)
الحمد لله أنا سواقتي ممتازة بشهادة الشهود، حتى دايما الشباب والرجالة اللي في عيلتي أو أصحابي يقولولي يا ريت كل الستات يسوقوا زيي ....

و الله هما الستات نوعين , قلة حريفة جدا و متمكنة اوي ( يا ريت كلهم كده ) , و الباقي بيبقى عندهم توحد

المشاركة الأصلية كتبت بواسطة devilishtigers

لو حضرتك في السواقة جامدة كدا ياريت فعلا كل الستات تبقى زي حضرتك
انا بسوق بقالي 4 سنين وكل مرة المخالفات صفر بس بيخدوا 5 جنيه.
والحمد لله ماليش مغامرات مع سواقة السيدات حتى الان

انا باسوق بقى لي سنتين , اول تجديد كنت مخالفات زيرو برده الحمد لله , بس المرة الجاية ان شاء الله هايبقى عندي انا عارف ( كسرت اشارة مرة و انا مش واخد بالي , ده غير اني بامشي على الدائري كتير فوارد اوي يبقى عندي مخالفات تخطي سرعة مع اني باخد بالي )
بخصوص ان مالكش مغامرات مع السيدات , متأكد انك عايش في القاهرة على الأقل ؟؟؟

المشاركة الأصلية كتبت بواسطة modo88

علي رأي المثل امشي ورا اتوبيس هيئه ولا تمشي ورا ست سايقه :d

انا باعمل كده فعلا بابعد اصلا على طول

المشاركة الأصلية كتبت بواسطة Hossam_Hassan

احصائية سريعة على الماشى عملتها ايام ما كنت باروح كل يوم من المقطم للمطار، الاحصائية كانت على 6 ايام و نتائجها:
.

أتفق