السلام عليكم و رحمه الله
انا كنت عايز اعرف اشتري رخام او جرانيت علشان يتحط علي ترابيزه
الاطوال: 80 سم * 45 سم
83.5 * 45 سم
184 سم * 51 سم و القطعه دي محتاجه يتخرم فيها علشان هيتحط فيها حوض
ياتري حد يعرف تكلف كام و الاقي فين؟
عرض للطباعة
السلام عليكم و رحمه الله
انا كنت عايز اعرف اشتري رخام او جرانيت علشان يتحط علي ترابيزه
الاطوال: 80 سم * 45 سم
83.5 * 45 سم
184 سم * 51 سم و القطعه دي محتاجه يتخرم فيها علشان هيتحط فيها حوض
ياتري حد يعرف تكلف كام و الاقي فين؟
روح شق التعبان في المعادي علي الاوتوستراد امام معسكر الامن المركزي وهناك هتلاقي ورش ومصانع الرخام
كتر خيرك علي الرد
بس انا معرفش فين تحديدا شق التعبان ده ممكن توصيف اكتر ليه و يا تري التكلفه في حدود كام و لو تقريبا
احنا لسه عاملين شغل رخام ... بس حوائط وده تقريبا نفس اللي بيركب للمطابخ والتربيزات
المتر المربع للرخام العادي (الجلالة) بيبدأ من 90 المتر المربع
الرخام الاسود (بيبقى ضعيف وبيبقى مدعم بشبكة في الظهر) بيبدأ من 380 جنيه للمتر المربع
الرخام الاخضر بيبدأ من 330 جنيه المتر المربع
والجرانيت الأحمر بيدأ من 350 جنيه المتر المربع
والشطف للجوانب المتر الطولي ب 5 جنيه
والاسعار دي بالتركيب
الاسعار دي من شهر تقريبا وممكن تختلف من مكان لآخر بفرق بسيط
من الاوتوستراد و انت جاي من مدينة نصر كمل و عدي الدويقة و المقطم و قبل ماتوصل المعادي بشوية ادخل يمين من بعد الكوبري اللي لافف شمال بعد مدخل المقطم (بيبقى فوقية كوبري لصلاح سالم)
المهم بعد الكوبري دة بشوية شق التعبان اول فتحه عمومية يمين
الرخام هناك بتلتين تمنة في مدينة نصر و شغلهم نضيف
هم اساس الرخام في مصر
شق الثعبان
طريق الاوتوستوراد بعد المعادي امام سجن طرة تروح بالنهار هتلاقي كل حاجة فيه رخام كسر رخام ظلط سن الوان
حاول تبعد عن الرخام في المطبخ علشان ضعيف
الأفضل الجرانيت وفي منه انواع كتير
فيردي غزال او جندولا او جرانيت احمر كلهم في حدود 350 بالتركيب
وفي جرانيت اسود في حدود 500 بالتركيب
لو اللون اللي هتختاره هيكون رخام مش جرانيت
اطلب انه يتعمل طبقتين 2 سم فوق بعض علشان يتحمل
ومعظم الألوان الفاتحه زي الكريما مارفل والسيسليا بتبقع
يا رجاله متشكر علي المساعده القويه دي كتر الف خيركو
الموضوع و ما فيه ان واحد صاحبي بيجدد عيادته و كنت عايز اهاديه الرخام اللي بيتحط فوق الكابينت ( الشيء المليان ادراج في عياده الاسنان) و الرخامه دي مجرد سطح علشان يبقي سهل التنضيف و بنحط عليه اجهزه لكن مش بتكون تقيله اللهم الا جهاز التعقيم ده اللي فعلا تقيل و فعلا اللي كان راكب كان لونه فاتح و فعلا بقع
بالمناسبة تقدر تغمق لون الرخام بانك تدهنة بالزيت (زيت الطعام) ثم تمسحه بسلك الومنيوم و تسيبة فترة و بعدين تغسلة عادي بالصابون و المياة
ولو عاوز لون معين تشتري اكسيد باللون المطلوب و تدوبة في الزيت الاول ثم تدهن بية الرخام
دي طريقة مجربة
البقع اللي في الرخام نتيجه سوائل مدلوقة علية ممكن تطلع بالتنظيف بمادة كاوية قوية زي صودا كاوية او منظف زي البنزين او التنر مثلا