هل البخيل بيكون عارف انه بخيل ؟؟؟

**grumby78** · 09-09-2010 04:35 AM

المشاركة الأصلية كتبت بواسطة otefa

ممكن يكون متربي علي كدة وبالتالي شايف أن ألي بيعمله هو الصح والي بيعمل غير كدة(الكريم ) هو الغلط.........متهيألي هو أكيد كدة عارف أنه بخيل في نظر الكريم ..........بس في قناعة نفسه أن سلوكه( البخيل )هو الصح والسلوك (الكريم) هو الغلط.....والله أعلم

ممكن تكون فعلا التربيه ليها عامل كبير في كده

**BLOODY_STONE** · 09-09-2010 04:36 AM

اكيد يعني بيسمع كلام من ناس بتقوله يا بخيل و كده ... ولا ايه؟

**grumby78** · 09-09-2010 04:38 AM

المشاركة الأصلية كتبت بواسطة abdo_general

لو البخيل عرف انه بخيل مش هيبقي بخيل

عارف بص في ايه في القرءان بتقول
بسم الله الرحمن الرحيم
"قل هل انبئكم بالاخسرين اعمالا الذين ضل سعيهم في الحياة الدنيا وهم يحسبون انهم يحسنون صنعا"

انا طبعا مش عاوز اقول ان صاحبك مفسد في الارض ولا حاجة

والايه في سورة البقرة الي في صفحة رقم 3 في القراءن

بتقول بسم الله الرحمن الرحيم
" واذا قيل لهم لا تفسدو في الارض قالو انما نحن مصلحون * الا انهم هم المفسدون ولاكن لا يشعرون "

لو دققت في الايات الكريمة دي هتلاقيها عاوزة توصلك فكرة حلوة اوي

ان اغلب الناس الي بتغلط مش بتبقي مقتنعة انها غلط ولا حاسة انها غلط

وانا مش قصدي ان البخيل بيغلط زي دول
بس قصدي ان محدش بيبقي مقتنع انه بخيل

وهتلاقي عنده مبررات توضح عدم بخل وتفسر وجهة نظره في حرصه الاقتصادي

وخد بالقياس بقي علي اي صفات في البشر

علشان كده لما نيجي ننصح حد المفروض من نكلمه من منطلق انه غلط

نكلمه من منطلق اقتناعه ونحاول نعدل ونصحح وجهة نظره

استشهاد رائع بالقران الكريم
وتحليل جميل خصوصا جزئية كيف نصحح سلوك خاطئ مع الاختلاف ان البخل اظن انه لايمكن ان يتخلص منه صاحبه

**abdo_general** · 09-09-2010 03:54 PM

المشاركة الأصلية كتبت بواسطة grumby78

استشهاد رائع بالقران الكريم
وتحليل جميل خصوصا جزئية كيف نصحح سلوك خاطئ مع الاختلاف ان البخل اظن انه لايمكن ان يتخلص منه صاحبه

ربنا يخليك

بس اي صفة وحشة مش مستحيل التخلص منها

حتي البخل صدقني
وربنا يهديه ويهدينا ان شاء الله

**نور القمر** · 09-09-2010 04:20 PM

طيب شوفوا الحكاية دي واحكموا بخيل ولا تصنيفه ايه
واحدة بتقولي انها هتعمل بسكويت واني ممكن اعمل معاها جزء ليها وجزء ليا
قولت لها انا تعبانة ومش هقدر اعمل واني بشتري جاهز من زمان وبريح نفسي
النهاردة تقولي في التليفون هتشتري الكحك منين
قولت لها من الفرن الفلاني كويس وبشتري منه كل سنة
قالت فوتي عليا عشان ندوقه لو طلع حلو نشتري !!!!!
طيب ماتشتري نص كيلو وتجربيه !!!!!!! طبعا ده اللي قولته في سري لكن ردي عليها حاضر هفوت ان شاء الله

**maka** · 09-09-2010 05:00 PM

تقريبا البخل ده مرض نسبى بيتفوت بين الشخص و الاخر

على فكرة انا اعرف واحد بخيل قوى رغم ان ربنا موسعها عليه و قولتله فى وشه انت بخيل لقيته اتصدم و بلم و قالى انا اكتر واحد بيصرف

**maka** · 09-09-2010 05:05 PM

المشاركة الأصلية كتبت بواسطة نور القمر

النهاردة تقولي في التليفون هتشتري الكحك منين
قولت لها من الفرن الفلاني كويس وبشتري منه كل سنة
قالت فوتي عليا عشان ندوقه لو طلع حلو نشتري !!!!!
طيب ماتشتري نص كيلو وتجربيه !!!!!!! طبعا ده اللي قولته في سري لكن ردي عليها حاضر هفوت ان شاء الله

ده ممكن يخش تحت نطاق الحرص الشديد اوى او الاستنصاح او الفهلوة لان فعلا نص كيلو او كيلو مش هيخرب ميزانية البيت

فيه حاجة دايما بلاحظها فى الناس انها ممكن تمسك ايديها اوى و تقرص على نفسها و فى الاخر تلاقيها صرفت الفلوس كلها فى حاجات اقل اهمية ........ طاب ما الاعتدال حلو من الاول

**Hossam_Hassan** · 09-09-2010 05:10 PM

زمان كنت شغال فى شركة فى المهندسين، واحد زميلى ساكن فى التجمع كل يوم اوصله معايا فى طريقى للمقطم من و الى ميدان السيدة عائشة و فى حوار بيننا اكتشفت انه عنده عربية زيرو مشتريها من شهور و لما سالته مش بيستخدمها فى مشوار الشغل ليه خصوصا ان مواصلات بيته مش سهلة، قالى "هين نفسك ولا تهين عربيتك"، بصراحة مقدرتش ارد علشان ما اغلطش فيه و تانى يوم طنشته الصبح و بعد الضهر لما جه ينزل معايا قولتله أسف مش هقدر اوصلك بعد كده علشان خايف على المساعد اليمين يستهلك بسرعة، طبعا هو فهم بس الغريب بقى انه مزعلش و فضل يتنطط بين عربيات الزملاء بأى طريقة.

**نور القمر** · 09-09-2010 05:15 PM

هههههههههه
زي واحد معرفة كل ما يشوفني خارجة بالعربية كان يحاول يقنعني اني اخرج بمواصلات واوفر العربية وان المواصلات اوفر وارخص
بعد عدد من محاولات اقناعي قلت له هو احنا شاريين العربية عشان نركنها تحت البيت !!!!
هو بقه مش مستوعب ان مشوار ينفع اروحه بمكروباص بجنيه رايح جنيه جاي اروحه بالعربية واستهلك بنزين واستهلكها شخصيا ده غير ما يمنعش خبطة كدة ولا حكة كدةولا فانوس كدة

**maka** · 09-09-2010 05:19 PM

و مسمعش عن حاجة اسمها بهدلة المواصلات

ما هى لو كانت ادمية و مكيفة و مريحة كان الكل ركن عربياته

الموضوع: هل البخيل بيكون عارف انه بخيل ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هو انا بخيل .... لاني مبشغلش التكيف بتاع اليارس !!!

البخيل والخروف

قصة البخيل و نظرية (ها كده أحسن و لا من غيرها خالص........)

الفتيس أحيانا بيكون تقيل ومحجر واحيانا بيكون خفيف.. ايه السبب؟

رساله من بخيل الى زوجته

الكلمات الدلالية لهذا الموضوع

المفضلات

المفضلات

ضوابط المشاركة