هل البخيل بيكون عارف انه بخيل ؟؟؟

اولا كل سنه وانتم طيبين
ليا واحد صاحبي شغال في شغلانه مرموقه ومرتبه ممتاز ربنا يباركله المشكله انه بخيل جدا والمشكله دي بتنعكس علينا احنا صحابه . اوقات نخرج يقعد يلف ويدور عشان مانقعدش في حته ويقضيها تمشيه . واوقات ييجي علينا واحنا قاعدين في كافيه مايطلبش حاجه ويقعد مده طويله ويسبب لنا حرج في المكان عشان غالبا بتكون اماكن فيها حد ادنى للفرد من الطلبات . واوقات يطلب ومايدفعش او يدفع اقل من حسابه ويعمل اهبل وانا مش بارضى احرجه . المهم فوجئت بيه من كام يوم بيكلمني وهو متضايق على واحد يعرفه وبيقولي عن الشخص ده انه بخيل قوي وحريص في مصروف بيته وبيحسبها بالجنيه وبيعمل كشف حساب شهري بكل مصاريفه وفواتيره ويقارنها في الشهور وقعد يحكيلي وهو متضايق وانا باسمع ومش عارف ارد . لدرجة انه مره انتقد فيا اني اشتريت حاجه تكييف شباك لغرفة المعيشه عندي وده مش استرخاص لان ده مزاجي وانا عندي تكييفين اخرين سبليت في البيت ولقيته بيقولي " ماجبتش سبليت ليه هوا ليه الاسترخاص ده " ؟؟!!
قعدت سرحان وبسأل نفسي : هل البخيل بيكون عارف انه بخيل ؟؟؟

اى بخيل بيكون عارف انه بخيل بس بيعمل نفسه مش واخد باله
لكن صاحبك بس هو اللى ميعرفش انه بخيل

تصدق سؤال وجية فعلا

متهيألى بيكون عارف من الناس القريبين منة اكيد بيقولولة

بس هو مش بيحس بكدة والله اعلم بس حكاية زميلك دة

غريبة قوى ممكن يكون مش معاه فلوش بجد وعلية التزامات مش يقولها لحد او بيحوش مثلا لحاجة معينة والله اعلم

متهيألى هو شايف نفسه حريص مش بخيل.

طيب هو عامل أيه في بيته ..........مكفيه وعايش كويس؟
مظهره وكدة مبهدل ولا واخد باله من نفسه؟
يعني أنت شايفه بخيل علي نفسه ولا علي ألي حواليه!

والهي هو بخيل حتى على نفسه وبيته ودائم الشكوى من البلد واسعارها ولبسه عادي جدا مع ان دخله عالي يعني فوق 7 الاف جنيه وماعندوش اي التزامات او حتى اقساط شهريه على حد علمي . انا كتبت الموضوع ده عشان انا صدمت من كلامه ليا اني باسترخص وكمان كلامه على صاحبه ....

ممكن يكون متربي علي كدة وبالتالي شايف أن ألي بيعمله هو الصح والي بيعمل غير كدة(الكريم ) هو الغلط.........متهيألي هو أكيد كدة عارف أنه بخيل في نظر الكريم ..........بس في قناعة نفسه أن سلوكه( البخيل )هو الصح والسلوك (الكريم) هو الغلط.....والله أعلم

عارف هو ممكن يكون بيفكر بمبدأ ان دى سلعة معمرة فا لازم يجيبها حاجةكويسة عشان لو جاب حاجة اى كلام هيصرف عليها اكتر لكن اللبس والأكل و الشرب دة حاجات بتروح وتيجى من وجهة نظرة طبعا و فلوس عالفاضى والله واعلم

صاحبك ده بيشتغل نفسه

لو البخيل عرف انه بخيل مش هيبقي بخيل


عارف بص في ايه في القرءان بتقول
بسم الله الرحمن الرحيم
"قل هل انبئكم بالاخسرين اعمالا الذين ضل سعيهم في الحياة الدنيا وهم يحسبون انهم يحسنون صنعا"

انا طبعا مش عاوز اقول ان صاحبك مفسد في الارض ولا حاجة

والايه في سورة البقرة الي في صفحة رقم 3 في القراءن

بتقول بسم الله الرحمن الرحيم
" واذا قيل لهم لا تفسدو في الارض قالو انما نحن مصلحون * الا انهم هم المفسدون ولاكن لا يشعرون "

لو دققت في الايات الكريمة دي هتلاقيها عاوزة توصلك فكرة حلوة اوي

ان اغلب الناس الي بتغلط مش بتبقي مقتنعة انها غلط ولا حاسة انها غلط

وانا مش قصدي ان البخيل بيغلط زي دول
بس قصدي ان محدش بيبقي مقتنع انه بخيل

وهتلاقي عنده مبررات توضح عدم بخل وتفسر وجهة نظره في حرصه الاقتصادي

وخد بالقياس بقي علي اي صفات في البشر

علشان كده لما نيجي ننصح حد المفروض من نكلمه من منطلق انه غلط

نكلمه من منطلق اقتناعه ونحاول نعدل ونصحح وجهة نظره

اقتباس:

---

المشاركة الأصلية كتبت بواسطة otefa

ممكن يكون متربي علي كدة وبالتالي شايف أن ألي بيعمله هو الصح والي بيعمل غير كدة(الكريم ) هو الغلط.........متهيألي هو أكيد كدة عارف أنه بخيل في نظر الكريم ..........بس في قناعة نفسه أن سلوكه( البخيل )هو الصح والسلوك (الكريم) هو الغلط.....والله أعلم

---

ممكن تكون فعلا التربيه ليها عامل كبير في كده

اكيد يعني بيسمع كلام من ناس بتقوله يا بخيل و كده ... ولا ايه؟

اقتباس:

---

المشاركة الأصلية كتبت بواسطة abdo_general

لو البخيل عرف انه بخيل مش هيبقي بخيل


عارف بص في ايه في القرءان بتقول
بسم الله الرحمن الرحيم
"قل هل انبئكم بالاخسرين اعمالا الذين ضل سعيهم في الحياة الدنيا وهم يحسبون انهم يحسنون صنعا"

انا طبعا مش عاوز اقول ان صاحبك مفسد في الارض ولا حاجة

والايه في سورة البقرة الي في صفحة رقم 3 في القراءن

بتقول بسم الله الرحمن الرحيم
" واذا قيل لهم لا تفسدو في الارض قالو انما نحن مصلحون * الا انهم هم المفسدون ولاكن لا يشعرون "

لو دققت في الايات الكريمة دي هتلاقيها عاوزة توصلك فكرة حلوة اوي

ان اغلب الناس الي بتغلط مش بتبقي مقتنعة انها غلط ولا حاسة انها غلط

وانا مش قصدي ان البخيل بيغلط زي دول
بس قصدي ان محدش بيبقي مقتنع انه بخيل

وهتلاقي عنده مبررات توضح عدم بخل وتفسر وجهة نظره في حرصه الاقتصادي

وخد بالقياس بقي علي اي صفات في البشر

علشان كده لما نيجي ننصح حد المفروض من نكلمه من منطلق انه غلط

نكلمه من منطلق اقتناعه ونحاول نعدل ونصحح وجهة نظره

---

استشهاد رائع بالقران الكريم
وتحليل جميل خصوصا جزئية كيف نصحح سلوك خاطئ مع الاختلاف ان البخل اظن انه لايمكن ان يتخلص منه صاحبه

اقتباس:

---

المشاركة الأصلية كتبت بواسطة grumby78

استشهاد رائع بالقران الكريم
وتحليل جميل خصوصا جزئية كيف نصحح سلوك خاطئ مع الاختلاف ان البخل اظن انه لايمكن ان يتخلص منه صاحبه

---

ربنا يخليك

بس اي صفة وحشة مش مستحيل التخلص منها

حتي البخل صدقني
وربنا يهديه ويهدينا ان شاء الله

طيب شوفوا الحكاية دي واحكموا بخيل ولا تصنيفه ايه
واحدة بتقولي انها هتعمل بسكويت واني ممكن اعمل معاها جزء ليها وجزء ليا
قولت لها انا تعبانة ومش هقدر اعمل واني بشتري جاهز من زمان وبريح نفسي
النهاردة تقولي في التليفون هتشتري الكحك منين
قولت لها من الفرن الفلاني كويس وبشتري منه كل سنة
قالت فوتي عليا عشان ندوقه لو طلع حلو نشتري !!!!!
طيب ماتشتري نص كيلو وتجربيه !!!!!!! طبعا ده اللي قولته في سري لكن ردي عليها حاضر هفوت ان شاء الله

تقريبا البخل ده مرض نسبى بيتفوت بين الشخص و الاخر

على فكرة انا اعرف واحد بخيل قوى رغم ان ربنا موسعها عليه و قولتله فى وشه انت بخيل لقيته اتصدم و بلم و قالى انا اكتر واحد بيصرف :C_laugh[1]:

اقتباس:

---

المشاركة الأصلية كتبت بواسطة نور القمر

النهاردة تقولي في التليفون هتشتري الكحك منين
قولت لها من الفرن الفلاني كويس وبشتري منه كل سنة
قالت فوتي عليا عشان ندوقه لو طلع حلو نشتري !!!!!
طيب ماتشتري نص كيلو وتجربيه !!!!!!! طبعا ده اللي قولته في سري لكن ردي عليها حاضر هفوت ان شاء الله

---

ده ممكن يخش تحت نطاق الحرص الشديد اوى او الاستنصاح او الفهلوة لان فعلا نص كيلو او كيلو مش هيخرب ميزانية البيت

فيه حاجة دايما بلاحظها فى الناس انها ممكن تمسك ايديها اوى و تقرص على نفسها و فى الاخر تلاقيها صرفت الفلوس كلها فى حاجات اقل اهمية ........ طاب ما الاعتدال حلو من الاول

زمان كنت شغال فى شركة فى المهندسين، واحد زميلى ساكن فى التجمع كل يوم اوصله معايا فى طريقى للمقطم من و الى ميدان السيدة عائشة و فى حوار بيننا اكتشفت انه عنده عربية زيرو مشتريها من شهور و لما سالته مش بيستخدمها فى مشوار الشغل ليه خصوصا ان مواصلات بيته مش سهلة، قالى "هين نفسك ولا تهين عربيتك"، بصراحة مقدرتش ارد علشان ما اغلطش فيه و تانى يوم طنشته الصبح و بعد الضهر لما جه ينزل معايا قولتله أسف مش هقدر اوصلك بعد كده علشان خايف على المساعد اليمين يستهلك بسرعة، طبعا هو فهم بس الغريب بقى انه مزعلش و فضل يتنطط بين عربيات الزملاء بأى طريقة.

هههههههههه
زي واحد معرفة كل ما يشوفني خارجة بالعربية كان يحاول يقنعني اني اخرج بمواصلات واوفر العربية وان المواصلات اوفر وارخص
بعد عدد من محاولات اقناعي قلت له هو احنا شاريين العربية عشان نركنها تحت البيت !!!!
هو بقه مش مستوعب ان مشوار ينفع اروحه بمكروباص بجنيه رايح جنيه جاي اروحه بالعربية واستهلك بنزين واستهلكها شخصيا ده غير ما يمنعش خبطة كدة ولا حكة كدةولا فانوس كدة

و مسمعش عن حاجة اسمها بهدلة المواصلات


ما هى لو كانت ادمية و مكيفة و مريحة كان الكل ركن عربياته

اقتباس:

---

المشاركة الأصلية كتبت بواسطة hossam_hassan

زمان كنت شغال فى شركة فى المهندسين، واحد زميلى ساكن فى التجمع كل يوم اوصله معايا فى طريقى للمقطم من و الى ميدان السيدة عائشة و فى حوار بيننا اكتشفت انه عنده عربية زيرو مشتريها من شهور و لما سالته مش بيستخدمها فى مشوار الشغل ليه خصوصا ان مواصلات بيته مش سهلة، قالى "هين نفسك ولا تهين عربيتك"، بصراحة مقدرتش ارد علشان ما اغلطش فيه و تانى يوم طنشته الصبح و بعد الضهر لما جه ينزل معايا قولتله أسف مش هقدر اوصلك بعد كده علشان خايف على المساعد اليمين يستهلك بسرعة، طبعا هو فهم بس الغريب بقى انه مزعلش و فضل يتنطط بين عربيات الزملاء بأى طريقة.

---

أعوذ بالله ده مش بخل بس ده كمان أستنطاع وأستغلال للناس ونوع من الأنانية وحب الذات وعدم الأحساس بمصلحة الأخرين..........مصلحتي وبس
بس كويس ردك عليه بالصورة الطريقة هههههههههههههههههه

بحكم خبرتي مع هذه الفئة تسمحلي اجيبلك من الاخررررررر. البخيل بيبقي مقتنع تمامااااااااااا انه مش بخيل وانه حريص والاكتر من كدة بيبص للناس التانية انها سفيهة بمعني تضع القرش في غير موضعه مع انه ممكن يتكلم في حاجات بسيطة جنيه او اعدة في كافيه او خروجة ده كله بيبصلها حاجات تافهة ميصحش اصرف فيها فلوس. وفي الحوار بتاع التكييف ده او اي حاجة زات قيمة تلاقيه ممكن يدفع كل اللي معاه عشان يجيب حاجة غالية بس معمرة وماركة كويسة وده مش عبط لالالالالالالالالا ده ذكاء عشان بيفكر تفكير مستقبلي فالصيانة وقطع الغيار فهو عارف اللي فيها او ( القرد مخبي عياله فين).
ونصيحة من واحد مجرب في خروجة او اعدة في كافيه وعمل حركة نقص او زي مابتقول عملب عبيط ودفع فلوس قليلة احرجه مرة هيتظبط معاك علي طول لانه بيبقي فاكر ان الناس مش واخدة بالها. وجرب وهتدعيلي

اقتباس:

---

المشاركة الأصلية كتبت بواسطة نور القمر

طيب شوفوا الحكاية دي واحكموا بخيل ولا تصنيفه ايه
واحدة بتقولي انها هتعمل بسكويت واني ممكن اعمل معاها جزء ليها وجزء ليا
قولت لها انا تعبانة ومش هقدر اعمل واني بشتري جاهز من زمان وبريح نفسي
النهاردة تقولي في التليفون هتشتري الكحك منين
قولت لها من الفرن الفلاني كويس وبشتري منه كل سنة
قالت فوتي عليا عشان ندوقه لو طلع حلو نشتري !!!!!
طيب ماتشتري نص كيلو وتجربيه !!!!!!! طبعا ده اللي قولته في سري لكن ردي عليها حاضر هفوت ان شاء الله

---

ههههههههههههههههههههههه جامدة صاحبتك ده لاء وقااااااااااااااااااااااد رة. بتعمل كدة عشان لو معجبهاش تقول الحمد لله اني مطلعتش زي ( انتي ) وروحت اشتريت الكحك الوحش ده وتبقي انتي الزبونة اللي لبست الكحك الوحس مع انها كانت بتفكر تعمل زيك.

بس ده مش نصاحة او بخل ده اسمه ( استنطاع ) زي حوار زميلنا لما كان بيوصل زميله فالشغل بعربيته لحد ماخد منه موقف اول ماعرف انه عنده عربية زيرو.

الله يكون في عون الناس اللي عايشة مع الاصناف ده من البشر

اخى الفاضل على فكره صاحبك بخيل وهوه عارف انه بخيل بس هوه بيحاول على قد مايقدر ان اللى حواليه مايحسوش بكده وعشان كده بيرمى اللى حواليه بصفة البخل وينتقدهم فى تصرفاتهم زى ماعمل معاك وبكده هو فاكر انه بينفى عنه صفة البخل:O_stupid[1]:

اقتباس:

---

المشاركة الأصلية كتبت بواسطة maka

تقريبا البخل ده مرض نسبى بيتفوت بين الشخص و الاخر

على فكرة انا اعرف واحد بخيل قوى رغم ان ربنا موسعها عليه و قولتله فى وشه انت بخيل لقيته اتصدم و بلم و قالى انا اكتر واحد بيصرف :c_laugh[1]:

---

فعلا المواجهه مفيده جدا مع الناس دي خصوصا لما يبتدي يتعدى عليك في الكلام او يتهمك بشيء مش فيك . انا من ساعة ماقالي الكلام ده وانا متنرفز منه ...

اقتباس:

---

المشاركة الأصلية كتبت بواسطة نور القمر

طيب شوفوا الحكاية دي واحكموا بخيل ولا تصنيفه ايه
واحدة بتقولي انها هتعمل بسكويت واني ممكن اعمل معاها جزء ليها وجزء ليا
قولت لها انا تعبانة ومش هقدر اعمل واني بشتري جاهز من زمان وبريح نفسي
النهاردة تقولي في التليفون هتشتري الكحك منين
قولت لها من الفرن الفلاني كويس وبشتري منه كل سنة
قالت فوتي عليا عشان ندوقه لو طلع حلو نشتري !!!!!
طيب ماتشتري نص كيلو وتجربيه !!!!!!! طبعا ده اللي قولته في سري لكن ردي عليها حاضر هفوت ان شاء الله

---

استخسار ...

اقتباس:

---

المشاركة الأصلية كتبت بواسطة hossam_hassan

زمان كنت شغال فى شركة فى المهندسين، واحد زميلى ساكن فى التجمع كل يوم اوصله معايا فى طريقى للمقطم من و الى ميدان السيدة عائشة و فى حوار بيننا اكتشفت انه عنده عربية زيرو مشتريها من شهور و لما سالته مش بيستخدمها فى مشوار الشغل ليه خصوصا ان مواصلات بيته مش سهلة، قالى "هين نفسك ولا تهين عربيتك"، بصراحة مقدرتش ارد علشان ما اغلطش فيه و تانى يوم طنشته الصبح و بعد الضهر لما جه ينزل معايا قولتله أسف مش هقدر اوصلك بعد كده علشان خايف على المساعد اليمين يستهلك بسرعة، طبعا هو فهم بس الغريب بقى انه مزعلش و فضل يتنطط بين عربيات الزملاء بأى طريقة.

---

يالهوي يعني حمله وكمان قليل الذوق .... وانتا تعاملت مع الموضوع بشكل ممتاز . وعاوز اقول لحضرتك حاجه الشخص اللي كتبت الموضوع عنه في اوقات كتيره بيكون حاد وقليل الذوق بس مش بيكون عندي جرأه اني ارد عليه عشان ماباحبش اكسف حد ...انا لما بيكون في مكان معانا ويتهرب من دفع كامل المبلغ بكون مكسوفله جدا وبكمل من عندي واللهي

اقتباس:

---

المشاركة الأصلية كتبت بواسطة mr_vampire

بحكم خبرتي مع هذه الفئة تسمحلي اجيبلك من الاخررررررر. البخيل بيبقي مقتنع تمامااااااااااا انه مش بخيل وانه حريص والاكتر من كدة بيبص للناس التانية انها سفيهة بمعني تضع القرش في غير موضعه مع انه ممكن يتكلم في حاجات بسيطة جنيه او اعدة في كافيه او خروجة ده كله بيبصلها حاجات تافهة ميصحش اصرف فيها فلوس. وفي الحوار بتاع التكييف ده او اي حاجة زات قيمة تلاقيه ممكن يدفع كل اللي معاه عشان يجيب حاجة غالية بس معمرة وماركة كويسة وده مش عبط لالالالالالالالالا ده ذكاء عشان بيفكر تفكير مستقبلي فالصيانة وقطع الغيار فهو عارف اللي فيها او ( القرد مخبي عياله فين).
ونصيحة من واحد مجرب في خروجة او اعدة في كافيه وعمل حركة نقص او زي مابتقول عملب عبيط ودفع فلوس قليلة احرجه مرة هيتظبط معاك علي طول لانه بيبقي فاكر ان الناس مش واخدة بالها. وجرب وهتدعيلي

---

تحليل سليم فعلا وحجرب موضوع احراجه ده
حأقول لحضرتك على حاجه في سرك
انا لما باخرج عمري ماباقبل ان حد يدفعلي حسابي بل اوقات انا بكمله حسابه عشان المنظر . وفي يوم كنت خارج بجيب حاجات للبيت من كارفور واشتريت بكل فلوسي ومابقاش معايا حاجه فلقيته قابلني هناك بالصدفه واصر اني اقعد معاه في حته فقلتله انا مامعاييش فلوس ومش عاوز اقعد في حته لقيته بيلف ويدور وقعد يتكلن معايا نص ساعه واحنا واقفين عشان مايعزمنيش -بعدين انا استئذنت وقلتله انا لازم اروح عشان عندي مشاوير تانيه ... انا بعد الحركه دي مابقتش الرد في احيان كتيره على اتصالاته وباتحجج عشان مااشوفوش