الموضوع: سؤال خاص بالشبااااااااااب ليه......؟!!!!

المشاركة الأصلية كتبت بواسطة grumby78

والله ياسيدتي الفاضله الموضوع له فروع كتيره
بمعنى ان الانترنت هو مجتمع يضمن للفرد المستخدم السريه وعدم كشف الهويه وده بيشوفه البعض انه يقدر يعمل اويتكلم اون لاين في حاجات مايقدرش ولايملك الشجاعه للتكلم فيها . يعني ممكن يكون خجول في الواقع او لايتمتع بجاذبيه تجاه الجنس الاخر بس العالم ده بيوفرله الشجاعه وامكانية ان يصبح كل مايريد ان يكون ... هو كلام نفسي شويه بس ده الواقع بمعنى ان العالم ده بيخليك تقول وتقدم نفسك كما تريد وقد يتنافى ده مع الحقيقه في احيان كثيره
وانا احب اني اقول ان الموضوع ده بيعكس حقيقة الفرد في النهايه فقد يكون مدعي فضيلة واخلاق ولكن هو على النت شخص اخر .... بس في النهايه هيا دي حقيقته .
وهو مجتمع زي اي مجتمع في النهايه فيه المعقد والمرح والمتعالي والصادق والغير سوي والمتصنع والكذاب والغير محترم والبريء واللي عاوز يتجوز واللي عاوز يتعرف واللي عاوز يضيع وقت واللي عاوز يعمل اكونت يتمنظر بكميه البنات اللي يعرفها ....... باختصار مجتمع افتراضي ولكنه حقيقي
دمت بصحه

الكلام ده زى الفل و خصوصا الموضوع النفسى ده
لانه فعلا بيخلى الواحد يبقى زى ماهو عايز
و موضوع وسوسه الشيطان ده شييييييييييييييييييء اساسى

المشاركة الأصلية كتبت بواسطة Tyler_Durden

اللي بيحب ع النت ده مرفوض في الواقع
فبيعوض ع النت ..

دة ممكن يكون فبعض الشباب بس دول عندهم نقص او بمعنى ادق مش متوازنين نفسيا فا دول بيكونو اقلية

المشاركة الأصلية كتبت بواسطة grumby78

والهي ياسيدتي الفاضله الموضوع له فروع كتيره
بمعنى ان الانترنت هو مجتمع يضمن للفرد المستخدم السريه وعدم كشف الهويه وده بيشوفه البعض انه يقدر يعمل اويتكلم اون لاين في حاجات مايقدرش ولايملك الشجاعه للتكلم فيها . يعني ممكن يكون خجول في الواقع او لايتمتع بجاذبيه تجاه الجنس الاخر بس العالم ده بيوفرله الشجاعه وامكانية ان يصبح كل مايريد ان يكون ... هو كلام نفسي شويه بس ده الواقع بمعنى ان العالم ده بيخليك تقول وتقدم نفسك كما تريد وقد يتنافى ده مع الحقيقه في احيان كثيره
وانا احب اني اقول ان الموضوع ده بيعكس حقيقة الفرد في النهايه فقد يكون مدعي فضيلة واخلاق ولكن هو على النت شخص اخر .... بس في النهايه هيا دي حقيقته .
وهو مجتمع زي اي مجتمع في النهايه فيه المعقد والمرح والمتعالي والصادق والغير سوي والمتصنع والكذاب والغير محترم والبريء واللي عاوز يتجوز واللي عاوز يتعرف واللي عاوز يضيع وقت واللي عاوز يعمل اكونت يتمنظر بكميه البنات اللي يعرفها ....... باختصار مجتمع افتراضي ولكنه حقيقي
دمت بصحه

كلامك صح جدااااااااااااااا

بسم الله الرحمن الرحيم
الاجابه:
معرفش ههههههههههه
لا بجد انا شاب اهو ..بس مش بفكر بالطريقه دى ..
ممكن لان علاقاتى على النت لا تتجاوز ان دى "معرفه نت" و مش بفكر فى اكتر من كده ..
بس ده مجرد اعتقاد
فى كلمه قريتها هنا فى المنتدى ممكن تفيدكو فى الموضوع
واحد قال ان صعب شاب فى الحقيقه يروح لبنت يقولها ممكن نتعرف؟
بس على النت بيملك الجرأه دى ..وبيقول لاى بنت تقابله ممكن نتعرف ؟؟
الانسان على النت اكثر جرأه ..

المشاركة الأصلية كتبت بواسطة soma_sooma

مش فهماك يعنى ايه متفتحين ما هو اصلا بيكون لسة عارفها هيعرف اخلائها منين؟

الفكره الى عايز اوصلها لحضرتك ان بعض البنات بتوع الشات والفيس بوك والكلام دا بيبقوا عايشين فى دور البنت الفرى شويه وعايزه كام بوى فريند ليها عالنت .. فدا بالضبط الى بعض الشباب بيدور عليه عشان كدا الفكره بتتكون عندهم عن كل بنات النت انهم كدا بس طبعا الكلام دا مش صحيح ابدا هما خادوا بمبدأ السيئه تعم... اتمنى وجهه نظرى تكون وصلت
تحياتى

المشاركة الأصلية كتبت بواسطة smsm_nabawy

والله مش عارف أوصلهالك أزاي ،، بس الواد بيشوف بنت فاضية ، قاعدة تعمل شات " ده بالنسبة لحوار الشات و التعارف على النت" ،، بيتكلم معاها ،، بيحس أنها أوبن شوية في كلامها معاه ،، الشيطان شاطر ،، يزغزة في ودانه ،، يقوله متسألها مرتبطة ولا ،، يمكن بتدور على واحد تصاحبة ،، يقوم سائل ،، لو مرتبطه ،، يزغزغة تاني ،، يمكن مش وفية في أرتباطها ،، أصلها او وفية حتعمل شات مع ولد ايه ،، يقوم يحاول يدعبس و يشوف هل وفية ولا ،، ممكن تنشأ بنهم علاقة على النت تتطور بعد كده لمصاحبة ،،

ده غالباً مش بيجي في دماغ كل الشباب ، و أن ده ، مش كله بينفذه ،، بس هي غالباً و أولاً و أخيراً ،، حكاية وسوسة شيطان ،، زي مبيحصل أنك تكوني راكبة مشروع مثلاً و ركبت جنبك بمن ، و مثلاً طالعة المشروع زعلانة من حاجة ،، طلعت الاجرة بقرف شوية ، الشيطان و وسوسته يهيألك عن شخصيتها أنها متكبرة ، أو أنعوورة ،، مثلاً ،، و ده أحياناً بيحصل معانا كلنا ،، حتى اللي ده مش مبدأه ،، و مع أنك لو عرفتيها تلاقيها مش كده خاالص .... نفس الحوار تقريباً بيحصل على النت ،، و بيحفزة فكرة عدم وجود أتصال مباشر بين الشخصين ،، فبالتالي أي كلمة ممكن تتفهم غلط ،، حسب نية اللي بيتكلم ،، وده اللي بيزود الطين بلاً

أما موضوع البنات اللي بتتناقش في منتديات ، ف مش عارف عنها حاجة ،، ولا سمعت من أصحابي ولا حتى جه في بالي في يوم ، أنها قلة ادب من بنت ، أو تفاهة أو أنها مش متربية أو غيرة ....

طيب البنت تعرف ازاى نية الولد بالنسبالها ازاى؟

المشاركة الأصلية كتبت بواسطة beetleMOSH

مممممم
الموضوع يتقال فيه كلام كتييييييييييييييييير اوى
بس اجمالا يعنى
اعتقد انها صوره مرتبطه فى مخ بعض الشباب
ما بين النت و البنت اللى بتبقى على النت او اللى بيتعرف عليها من خلال النت
ممكن زى ما قال احد الاعضاء انه ممكن يعتقد انها متفتحه
و مش شرط يكون يعرف اخلائها بس دى صورة اتكونت فى دماغه
على اساس تفكيره
ممكن برضه نقول انها زى عاده موجوده عندنا فى المجتمع
ممكن حاجات كتير الموضوع كبير مش سهل

ممكن برضه نقول كبت عاطفى مثلا
الناس عايزه تتجوز و ترتبط و مش عارفين ف بيحاول انه يدور على حد ممكن يبقى قريب ليه
و الموضوع بيجى من تكوين الصداقات العاديه
بعدين يتشدوا لبعض يبقى فى اهتمام
يبتدى كل واحد يشوف المميزات من دون العيوب و كده يعنى

و كالعاده طبعا مواضيع فيها كلام كتير بس المشكله انى مش بعرف اعبر اوى عن الكلام اللى عايز اقولوا بالكتابه

بس بجد موضوع حلو للنقاش
و للحديث بقيه ......

طيب لو هى صورة عامة فذهن الشباب ازاى نقدر نغير الفكرة دى ؟؟

المشاركة الأصلية كتبت بواسطة fouady

أنا قصدي إني مش بشوف البنت اللي بتعد على النت كده بقيت مش محترمة ولا برده علشان واحدة مش بتعد على النت بقيت محترمة أنا بحكم من تعملي معها

انت كدة تمام

المنتديات حاجة .... و الفيس بوك و الشات و النيمباز و الحاجات دي حاجة

مفيش بنت محترمة يبقي عندها 1200 فريند متعرفش ولا واحد فيهم عالفيس و حطة صور ليها و فرحانة بنفسها و تبقي محترمة

لاء طبعا مش محترمة

ولا الي كل الايميلات الي عندها ولاد و مفيش الا 5 بنات مثلا و محترمة .... يا اما عندها عقدة نقص !!!!

الموضوع نسبي جدا ... و مينفعش تعميم فيه


و في بنات عالشات بياخدوا راحتهم بزيادة اوي.... و كذلك علي بعض المنتديات

و انا شايف ان الموضوع عادي,, لان المجتمع الواقعي اصلا بايظ و متنيل

طبيعي ان العالم الافتراضي يبقي كدا ,,, و اسوأ !

المشاركة الأصلية كتبت بواسطة heshamzaky

أنتى قولتى فى سؤالك عاوزة أجابة صريحة من غير زواق و لا لف و لا دوران بس وجهت نظرى حتكون مختلفة شوية يعنى مش بتكلم عن الشباب و بس لا بتكلم بوجة عام بصى النت دة عبارة عن قنبلة موقوتة ممكن أبطال مفعولها و ممكن تنفجر و تعمل دمار شامل الاول وجهت النظر الى بتقولها البنت الى فى منتدى تانى ان البنت الى بتقعد على النت و ترد على المنتديات بنت مش محترمة دة كلام غلط بس معلش لازم تكون حريصة أكثر من الطبيعى و اللازم و و تخلى بالها و انا برضو بقول للشباب نفس الكلام بس بشدد على البنت اكتر من الولد احنا مجمع شرقى جدا و دايما المفهوم الى كلنا نشأنا علية ان الولد بيأخذ مساحة أكبر من الحرية و ممكن يدخل و يخرج عادى أكتر من البنت لان البنت محسوب عليها كل نفس و همسة و لكن الولد مش كدة هى ممكن تتشارك بس مش فى أى مواضيع و لا أى مكان و الخطورة مش من ولد يعاكس بنت لآ المصيبة الاكبر البنات بيعاكسو البنات خشى كدة مثلا على skype و بصى كم المراسلات الى حا توصلك من بنات و ولاد و طبعا ممكن الامور تاخذ منحنى جانبى بس الانسان هو الى بيخلى الى ادامة يحترمة او لآ و نوعية المواضيع المشترك فيها البنى ادم و على ما أعتقد ان الولاد و البنات مش اغبياء لآ الجيل دة عندة و عى و تفتح و من نوع المشاركات ممكن يفهم دماغ الى ادامة من كتاباتة و يحكم دى بنت كويسة و لا لا و الولد دة كويس و لا لآ و بعدين هو لو بدأ السؤال و قال انتى مرتبطة و لا لآ ههههههههههههههه معلش دة عندة كام سنة 15 سنة مثلا و لكن السؤال انتى أسمك اية دة من وجهت نظرى عادى انا مبحبش أتعامل مع اللهو الخفى لازم ابقى فاهم انا بكلم مين و ازاى انما اتعامل مع حد معرفش اسمة الحقيقى يبقى بتعامل مع مجهول و كل شيىء مبهم و قابل للصدق او الكذب اما بالنسبة للسؤال انة ممكن يكون فية صداقة محترمة ممكن و جائز بس دة بيكون بالتعرف الحقيقى و معاشرة الشخص المثل بيقول تعرف فلان أة عاشرتة لآ يبقى ما تعرفوش أما بالنسبة للعيب عند مين الولد و لا البنت الاتنين سواسية ممكن الولد و ممكن البنت متساوين تماما مفيش حد على نياتة و كلة ذكى و بالنسبة لموضوع التميز البنت ممكن تميز و الولد ممكن يميز دة راى شخصى منى و أكن الاحترام للولد و البنت و ممكن ان يحمل الخطأ أو الصواب

وجهة نظرك محترمة جدا بس حكايةال skype دى بصراحة مشفتهاش لأنى مش بدخل علية الا عشان قرايبى اللى بردة نتكلم علية بس هبتدى اركز هههههههههههههه

انت كمان اثرت نقطةمهمة ا مش اى موضوع البنت ترد علية زى ايه مثلا؟؟؟

يعنى انا كمثال بعمل مواضيع و كومينات وممكن يكون فيها هزار دة ممكن يتقابل من وجهة نظرك ازاى محترم او غير محترم ؟

مهو ممكن البنت تكون قصدها شىء ويتفهم شىء تانى خالص وتبقى البنت اتظلمت و اتاخد عنها فكرة غلط لمجرد ان البنت دى بتتعامل عادى مع الناس