سؤال خاص بالشبااااااااااب ليه......؟!!!!

**Soma_Sooma** · 09-09-2010 02:27 AM

السلام عليكم جميعا ،،،

كل سنة وانتم طيبين

وانا قاعدة كدة كنت قريت شكوى من بنت فموقع تانى ان الشباب ليه بيبصو للبنت اللى بتقعد عالنت بنت وترد على موضوعات فمنتديات تبقى بنت مش محترمة ،،،

قعدت افكر ايه الأسباب اللى تخلى الفكرة دى تيجى فدماغ الشباب (مش بتكلم على نايل موتورز انا بتكلم فى المطلق) ...

السؤال طبعا موجة للشباب بس الأجابة عايزاها صريحة و واضحة من وجهة نظركم كشباب

ليه اول ما ولد يتعرف على بنت عن طريق النت لازم يدخل فحوار الحب و الكلام دة واول سؤال بعد اسمك ايه انتى مرتبطة ولا لا ...

ليه ميكونش فى الصداقة المحترمة اللى مش من وراها حاجة

العيب عند ميين بالظبط عند البنات ولا الولاد

مع العلم ان فى بنات كتيرة جدا محترمة بتتكلم باحترام وممكن تتناقش وتهزر وتقول رايها بردةبأحترام هل الشاب بيعرف يميز ولا لا؟؟

مستنية رأيكم الصريح كشباب فاهمة دماغ بعض ماشية ازاى

**medo_2060** · 09-09-2010 02:37 AM

يمكن عشان البنات الى بتتعامل مع النت متفتحين شويه.. فبيبقى فرصته اكبر لو عايز يصاحبها وكدا
وبرضه مستنى اسمع باقى الاراء عشان الصوره توضح اكتر

**fouady** · 09-09-2010 02:41 AM

بالنسبلي أنا مش كده مش بحكم على حد ب منطق الاجماع ده أبدًا

**Soma_Sooma** · 09-09-2010 02:42 AM

المشاركة الأصلية كتبت بواسطة medo_2060

يمكن عشان البنات الى بتتعامل مع النت متفتحين شويه.. فبيبقى فرصته اكبر لو عايز يصاحبها وكدا
وبرضه مستنى اسمع باقى الاراء عشان الصوره توضح اكتر

مش فهماك يعنى ايه متفتحين ما هو اصلا بيكون لسة عارفها هيعرف اخلائها منين؟

**Soma_Sooma** · 09-09-2010 02:45 AM

المشاركة الأصلية كتبت بواسطة fouady

بالنسبلي أنا مش كده مش بحكم على حد ب منطق الاجماع ده أبدًا

انا عايزةوجهة نظرك كشاب تفهمنى الشاب بيفكر فى الموضوع دة ازاى

**Abo_Lina** · 09-09-2010 03:04 AM

اللي بيحب ع النت ده مرفوض في الواقع
فبيعوض ع النت ..

**grumby78** · 09-09-2010 03:36 AM

والله ياسيدتي الفاضله الموضوع له فروع كتيره
بمعنى ان الانترنت هو مجتمع يضمن للفرد المستخدم السريه وعدم كشف الهويه وده بيشوفه البعض انه يقدر يعمل اويتكلم اون لاين في حاجات مايقدرش ولايملك الشجاعه للتكلم فيها . يعني ممكن يكون خجول في الواقع او لايتمتع بجاذبيه تجاه الجنس الاخر بس العالم ده بيوفرله الشجاعه وامكانية ان يصبح كل مايريد ان يكون ... هو كلام نفسي شويه بس ده الواقع بمعنى ان العالم ده بيخليك تقول وتقدم نفسك كما تريد وقد يتنافى ده مع الحقيقه في احيان كثيره
وانا احب اني اقول ان الموضوع ده بيعكس حقيقة الفرد في النهايه فقد يكون مدعي فضيلة واخلاق ولكن هو على النت شخص اخر .... بس في النهايه هيا دي حقيقته .
وهو مجتمع زي اي مجتمع في النهايه فيه المعقد والمرح والمتعالي والصادق والغير سوي والمتصنع والكذاب والغير محترم والبريء واللي عاوز يتجوز واللي عاوز يتعرف واللي عاوز يضيع وقت واللي عاوز يعمل اكونت يتمنظر بكميه البنات اللي يعرفها ....... باختصار مجتمع افتراضي ولكنه حقيقي
دمت بصحه

**smsm_nabawy** · 09-09-2010 03:47 AM

والله مش عارف أوصلهالك أزاي ،، بس الواد بيشوف بنت فاضية ، قاعدة تعمل شات " ده بالنسبة لحوار الشات و التعارف على النت" ،، بيتكلم معاها ،، بيحس أنها أوبن شوية في كلامها معاه ،، الشيطان شاطر ،، يزغزة في ودانه ،، يقوله متسألها مرتبطة ولا ،، يمكن بتدور على واحد تصاحبة ،، يقوم سائل ،، لو مرتبطه ،، يزغزغة تاني ،، يمكن مش وفية في أرتباطها ،، أصلها او وفية حتعمل شات مع ولد ايه ،، يقوم يحاول يدعبس و يشوف هل وفية ولا ،، ممكن تنشأ بنهم علاقة على النت تتطور بعد كده لمصاحبة ،،

ده غالباً مش بيجي في دماغ كل الشباب ، و أن ده ، مش كله بينفذه ،، بس هي غالباً و أولاً و أخيراً ،، حكاية وسوسة شيطان ،، زي مبيحصل أنك تكوني راكبة مشروع مثلاً و ركبت جنبك بمن ، و مثلاً طالعة المشروع زعلانة من حاجة ،، طلعت الاجرة بقرف شوية ، الشيطان و وسوسته يهيألك عن شخصيتها أنها متكبرة ، أو أنعوورة ،، مثلاً ،، و ده أحياناً بيحصل معانا كلنا ،، حتى اللي ده مش مبدأه ،، و مع أنك لو عرفتيها تلاقيها مش كده خاالص .... نفس الحوار تقريباً بيحصل على النت ،، و بيحفزة فكرة عدم وجود أتصال مباشر بين الشخصين ،، فبالتالي أي كلمة ممكن تتفهم غلط ،، حسب نية اللي بيتكلم ،، وده اللي بيزود الطين بلاً

أما موضوع البنات اللي بتتناقش في منتديات ، ف مش عارف عنها حاجة ،، ولا سمعت من أصحابي ولا حتى جه في بالي في يوم ، أنها قلة ادب من بنت ، أو تفاهة أو أنها مش متربية أو غيرة ....

المشاركة الأصلية كتبت بواسطة tyler_durden

اللي بيحب ع النت ده مرفوض في الواقع
فبيعوض ع النت ..

مش معاك في دي حضرتك ،، أنا شايف أنه مش شرط ,...

**smsm_nabawy** · 09-09-2010 03:54 AM

المشاركة الأصلية كتبت بواسطة grumby78

والهي ياسيدتي الفاضله الموضوع له فروع كتيره
بمعنى ان الانترنت هو مجتمع يضمن للفرد المستخدم السريه وعدم كشف الهويه وده بيشوفه البعض انه يقدر يعمل اويتكلم اون لاين في حاجات مايقدرش ولايملك الشجاعه للتكلم فيها . يعني ممكن يكون خجول في الواقع او لايتمتع بجاذبيه تجاه الجنس الاخر بس العالم ده بيوفرله الشجاعه وامكانية ان يصبح كل مايريد ان يكون ... هو كلام نفسي شويه بس ده الواقع بمعنى ان العالم ده بيخليك تقول وتقدم نفسك كما تريد وقد يتنافى ده مع الحقيقه في احيان كثيره
وانا احب اني اقول ان الموضوع ده بيعكس حقيقة الفرد في النهايه فقد يكون مدعي فضيلة واخلاق ولكن هو على النت شخص اخر .... بس في النهايه هيا دي حقيقته .
وهو مجتمع زي اي مجتمع في النهايه فيه المعقد والمرح والمتعالي والصادق والغير سوي والمتصنع والكذاب والغير محترم والبريء واللي عاوز يتجوز واللي عاوز يتعرف واللي عاوز يضيع وقت واللي عاوز يعمل اكونت يتمنظر بكميه البنات اللي يعرفها ....... باختصار مجتمع افتراضي ولكنه حقيقي
دمت بصحه

كلااااااام جاامد أوي على فكرة ،،

-

الموضوع: سؤال خاص بالشبااااااااااب ليه......؟!!!!

LinkBack

أدوات الموضوع

عرض

سؤال خاص بالشبااااااااااب ليه......؟!!!! - انشر الموضوع فى :

-

-

-

-

-

-

-

المواضيع المتشابهه

سؤال كتاوت و سؤال gti لبولو 2001

سؤال بالنسبه للضمان بتاع البروتون وكمان سؤال فنى

سؤال الى المهندس طارق -مصراوى ::سؤال فنى فى المارش بتاع الشكل القديم 2006

سؤال لأهل الخبرة: سؤال لشراء نيسان صني

سؤال صعب -جاوب علية وضع سؤال اخر بدلا منة !!!!!!

الكلمات الدلالية لهذا الموضوع

المفضلات

المفضلات

ضوابط المشاركة