عرض للطباعة
كل سنة وانتوا طيبين الأول .. وعيد فطر مبارك
انا كنت عاوز اروح هيلتون رمسيس انا اعرف انه فى عبد المنعم رياض
انا جاى من طنطا واعرف ان فى دخلة الكورنيش او احمد حلمى ..
اروح ازاى لعبد المنعم رياض ؟؟
ولو فيها تقل عاوز اعرف ازاى اطلع على الكورنيش عشان ابقى على اسكندرية الزراعى ( طريقى لطنطا ) ؟؟
شكرااااااا
انت وانت جاي من طنطا هتلاقي الطريق بينقسم برصيف في النص قبل المؤسسه
الطريق الشمال يدخلك لأحمد حلمي والطريق اليمين يدخلك الكورنيش هتمشي في الطريق اليمين زي ما هو لحد لما تلاقي كوبري 6 اكتوبر في من تحته يو تيرن هتلف منه انت كده بقيت عند هيلتون رمسيس
وحضرتك طيب و بالصحه و السلامه ..
وانت جاى من طنطا و عديت طلعتين الدايرى كمل لحد ماتلاقى قبل ميدان المؤسسه مباشره دخله يمين للكورنيش هتدخل فيها ( هتلاقى يافطه منوره فى نص الطريق ..يمين الكورنيش و شمال احمد حلمى ) هتلاقى التوحيد و النور يمينك و شويه وهتعدى كوبرى المظلات من ع النيل و تلاقى دار ظبتط النقل يمينك و قصر محمد على شمالك و هتلاقى النيل بقى يمينك
هتفضل ماسك الكورنيش طوااالى .. هتلاقى طلعه كوبرى ع شمالك متطلعهاش ( ده كوبرى الساحل ) خليك يمين و كمل ..هتلاقى بعد شويه اركاديا مول وال world tading center و فندق كونراد على شمالك ووكاله البلح.. ساعتها هتلاقى طلعه كوبرى تانى ( ده كوبرى 15 مايو ) برده متطلعوش و كمل .. هتلاقى مبنى ماسبيرو شمالك .. هيلتون رمسيس بعد ماسبيرو بشويه على شمالك برده جمب منازل كوبرى اكتوبر ..
فى طريق الرجوع هتمسك الأتجاه التانى .. يعنى هتخلى النيل على شمالك و تنطلق ..وبالتالى كل المعالم اللى قلتهالك دى هتكون ع يمينك .. هتفضل ماشى طووالى وبعدين هتلاقى تفريعه فى الأخر يمين و طوالى .. هتدخل فى اليمين هتلاقى نفسك جمب قسم اول شبرا و محطه القطر هوب تلاقى نفسك فأول الطريق الزراعى ( متقلقش هتلاقى يفطه تقلك يمين الطريق الزراعى ) ..
علامه اخرى .. عند الدخله اليمين دى هتلاقى زى صينيه صغيره كده عليها اعلان chloride
توصل بالسلامه ان شاء الله
يارب مكونش توهتك
شكرااااا
دايما كده بالفايده
ان شاء الله اوصل
بس حاجة اخيرة .. من الفندق امشى ازاى لموقف عبد المنعم رياض ؟؟ .. اصل الحته دى ملعبكة جدااا
الاتنين لازقين في بعض الفندق قدامه موقف عبد المنعم رياضاقتباس:
المشاركة الأصلية كتبت بواسطة qwemena3