ايه رايكم فى اهل كايرو؟؟؟؟

**mazagngi2010** · 09-09-2010 06:25 AM

يعتبر ده الحاجه الوحيده اللى شفتها الشهر ده
ايه رايكم فى المسلسل ده خصوصا لو تغاضينا عن اقتباس فكرته من مقتل سوزان تميم على فيلم المذنبون
بصراحه انا شايف ان المذنبون رغم انه اقدم بكتير بس اتنفذ بطريقه احلى ومتزهقش منه خلاف المسلسل واللى هببه بلال فضل فيه رغم ان الفكره كويسه
واللى صبر ال1 واجبره على المتابعه كان النجم خالد الصاوى
من الحاجات المستفزه
-المط والتطوييييييييييييييييييي ييييل وحشر احداث وشخصيات مستفزه -خصوصا ال3 بتوع بوابه الفندق وابو خالد الصاوى وابو صافى سليم-ملهاش اى لازمه فى المسلسل خربته على الاخر
-اذا كان ده مثال للشرطه امال العالم بنت (*&%^# اللى بنقابلها كل يوم دى تبقى من بلد تانيه
-تكرار خالد الصاوى بنفس الشخصيه ونفس مشاكله الاسريه زى ماعمل فى ادرنالين
-ناس ملهاش فى التمثيل ومثلت فى المسلسل ده
-ايه لازمه كنده علوش مفيش مصريه تعرف تقوم بالدور بدل الاجانب والمصرى المكسر بتاعهم ولا هيا تناكه وخلاص
نصيحه اللى مهتم بالمسلسل ده يعمل زيي وينزله من النت ويجرى اللى ميعجبوش وهيوفر وقت كبير ومش هيندم على اللى جراه
رايي ان المسلسل معقول بس كان ممكن يبقى احسن من كده بكتير وكاريزما الصاوى على اغنيه الجاسمى غطت على المسلسل كله
وياريت بلال فضل يبطل كتابه ويرحمنا
يرجى عدم كتابه اسم القاتل لو حد عرفه منعا للحرق

**حماده عزو** · 09-09-2010 11:00 AM

المسلسل بجد أكثر من رائع
والنجم خالد الصاوى متميز جدا
يعنى الواحد مقتنع تماما أن الراجل ده مولود ظابط مباحث
والتتر بتاع حسين الجسمى وهمى

**Mustafa_Farouk** · 09-09-2010 12:30 PM

السلام عليكم،

كل سنة وانتو طيبين وإن شاء الله نتجمع في الخير دايماً .

المسلسل جامد جداً في تنفيذ التتر بتع المقدمة والاغنية والتصوير وبجد خالد جامد جدا ورانيا يوسف جامدة في التمثيل طبعاً، بجد أدأها كان حلو أوي وكمان صاحبتها وكل الطقم كان كويس جداً بس فعلاً المط في الاحداث كان صعب أوي، يعني كان ممكن تتعمل في 20 حلقة أفضل. أنا بصراحة مفشتش المذنبون عشان أقدر أقارن ما اين الاثنين
أنا عرفت مين القاتل، عشان شفتها إمبرح بليل والحقو شوفو أخر حلقه إلنهاردة

**Abo_Lina** · 09-09-2010 02:21 PM

أنا مش متابعه قوي لكن خالد الصاوي ممثل تقيل .. ما بيهزرش
و أغنية المسلسل رائعة من روائع أيمن بهجت و الجاسمي ..
نوع جديد من المسلسلات .. للأسف هايتقلد ٢٠ مرة السنة الجاية

**M.Radwan** · 09-09-2010 02:31 PM

أنا مش بتابع ولا مسلسل!

**dr_asaos** · 09-09-2010 02:54 PM

طبعا مسلسل اكتر من رائع..ومعمول باحترافية عالية ومفيهوش اى تمثيل كله بتلقائية وطبيعية..ومثلا بالنسبة للتلاتة الامن اللى على البوبة ده بيقولك الناس البسيطة بتفكر ازاى....وازاى الاشاعات بتطلع وازاى الناس العادية بتفكر...بجد مسلسل ممتاااااااااااز

**نور القمر** · 09-09-2010 04:44 PM

اهل كايرو واقع مصر الحقيقي بكل متناقضاته وعيبها الوحيد التطويل

**mr_vampire** · 09-09-2010 05:51 PM

المشاركة الأصلية كتبت بواسطة نور القمر

اهل كايرو واقع مصر الحقيقي بكل متناقضاته وعيبها الوحيد التطويل

هو ده بالظبط اللي كنت عايز اقوله. المسلسل حلو لانه واقعي وتحس انك بتلمس احداثه وبتعيشها في يومك الشخصي سواء كنت مشارك فالاحداث او متابعها فالجرايد او النت ( فيما يتعلق عن الشخصيات العامة ) بس فعلا عيبه الضغط يعني مثلا لما يعد كااااااااااااااااام حلقة في فندق ومنطلعش منه قبل وبعد جريمة القتل. بالاضافة الي التطوييييييييييييييل والمططططططططططط في الاحداث تحس عايز يوصلهم ل 30 حلقة باي طريقة مع انه لو جمعهم في 15 وينجزنا ويجيب مسلسل تاني .