الموضوع: BMW 523 موديل 2001 (أو) Volex Wagen Passat موديل 2006

إسمحلي ولو مفيهاش رذالة مني بالتدخل والمشاركة بالرأي علي إعتبار إني راكب 523 الحمد لله

- أولا تعالي نتفق إن العربيتين لا يقلوا عن بعض من حيث الجودة والإحترام.والعربيتين ألماني.

- بالنسبة للباسات فهي عربية محترمة وكماليتها حلوة وشكلها جذاب جدا. يعيبها موتورها اللي أنا بعتبره ضعيف عليها.مينفعش عربية بالحجم والوزن ده يمشيها موتور 1600 سي سي بقدرة 102 حصان أو 115 حصان ( في حالة إنها FSI ).

- الباسات صاجها مش قوي بالمقارنة مع البي إم وكذلك العفشة.هذا لا يعني ضعفها.ولكن عند المقارنة مع البي إم الأمر يختلف.

- أعتقد إن الخامات المستخدمة داخل الصالون في العربيتين مش مختلفين من حيث الجودة وكلاهما ممتاز ( وجهة نظري ).

- بالنسبة للتكييف..في البي إم وخاصة 5series مش هقول غير إنه ( دييييييب فريييييزر مش تكييف ).وبرده التكييف في الباسات جيد جدا.

- بالنسبة للعفشة والإحساس بالمطبات..لو البي إم حالة كويسة.فممكن نقول إنك تحس إنك ماشي علي بطانيات مش أسفلت و زلط ونقر.العفشة في الباسات كعادة كل الألماني الحديث ناشفة.

- الثبات في العربيتي ممتاز بالنسبة لسرعتهم.يعني السرعة القصوي في الباسات 195-200 كم وزي المسطرة علي الطريق.والبي إم 523 سرعتها القصوي اللي توصل ليها بسهولة 240 كم وبرده زي المسطرة علي الطريق.

- وسع الصالون في البي إم واسعة بشكل رهيب بالرغم من إنها دفع خلفي يعني فيها كارونة خلفية.وهذا لا يعني ضيق الصالون في الباسات.

- عوامل الأمان في العربيتين هايلة.لكن البي إم تتفوق بوجود 8 إيرباج ونظام ASC.

- في التسارع والمناورات طبعا البي إم غزال بيجري.للأسف الباسات مش كده بسبب ضعف الموتور.

ده اللي أنا فاكره حاليا واللي أقدر أشارك بيه.. ودي صور للعربيتين.نبدأ بالباسات..

من الأمام..




من الخلف..





الصالون...




بالنسبة بقي للبيمر 523...نبدأ من الخارج

من الأمام ..











من الخلف...





الصالون



أخر معلومتين تعرفهم مني هما إن 523 موتورها 2500 سي سي 172 حصان. تقفيل مصري وصعب تلاقي تقفيل ألماني.والتقفيل المصري منها جيد جدا.