عايز النمر الجديدة ممكن حد يفدني ؟؟؟مرور فيصل

**M.ABDEEN** · 09-09-2010 09:52 AM

السلام عليكم ورحمة الله وبركاته...... اللهم صل على محمد وعلى آله وصحبه أجمعين
المهم انا من ساعة ما جبت العربية وانا طبعا تابع لمرور فيصل ( اللي تحت الكوبري ) واخدت نمر مؤقتة لعدم توافر نمر جديدة وقتها في فيصل واتقالي تعالى كمان 3 شهور رحت بعديها ب 5 شهور ..... لسه مفيش نمر خد تصريح ومختوم اهوه ان انت تمشي لغاية ما تكمل الثلاث سنيين بتوع الترخيص .....طبعا انا فرحت وقلت مصلحة بس للاسف معظم البلد كلها نمر جديدة وطبعا انا بالمؤقتة دي ملفت لاي ظابط او امين او كمين ومن قريب في المعادي موتوسيكل مرور ( امين ) عمال يقلب ويزمر ورايا وبعدين وسعتله وجاء جنبي وقال ياباشا اركن على جنب لوسمحت وعايز اشوف الرخص وايه حكاية النمر الؤقتة ومدموغة ولا لا ووووووو......
المهم شيك الباشا وقالي تمام بس حاول تغيرها وسلام عليكو
انا مش بحب اروح المرور بس امر واقع فناوي اروح بعد العيد ياترى ايه اللي هيتم واعمل ايه وهل فعلا لازم اروح مرور بين السرايات علشان اجيب شهادة مخالفات ؟؟؟؟
يا ريت تساعدوني وطبعا اكيد في فلوس هتندفع بس غالبا قد ايه ؟؟؟؟ وشكرا ليكم

**Nistelrooy** · 09-09-2010 02:14 PM

كنت مش شهريين هناك واخدت النمر الجديدة !

**M.ABDEEN** · 09-09-2010 02:29 PM

انت كده حضرتك خدتهم على طول لكن انا مؤقت ولسه هاخدهم و شهادة مخلفات وشغلانة بقى ودوخيني يا لامونه

**A.Saad** · 11-09-2010 09:45 PM

النمر موجودة من 2009
بس انت ايه جابك عندنا يا محمد

**M.ABDEEN** · 14-09-2010 01:06 PM

المشاركة الأصلية كتبت بواسطة a.saad

النمر موجودة من 2009
بس انت ايه جابك عندنا يا محمد

بيت الاسرةاصلا هناك يا باشا

**M.ABDEEN** · 14-09-2010 01:06 PM

المشاركة الأصلية كتبت بواسطة tamersab

الله يحرق مرور فيصل على اللى فيه

الله ينور انت كده جيبت من الاخر

**KarimAbulEla** · 21-09-2010 10:04 AM

مرور فيصل كنت فيه امبارح بجدد ثلاث سنين و الله يحرقهم هو اقل ما يقال على المافيا اللى هناك
سواء كانوا موظفين ولا عساكر و لا حتى قطاع الطرق اللى واقفين برة المرور بدءا من الطريق المؤدى للفحص
و خروجا منه و لا مهندس الفحص و لا فنينن الفحص

و لا علاج لهم غير انه يولع بالناس اللى شغاله هناك كلهم و ياتى غيرهم

احلى حاجة كان فيه عيل ماشى بين العربيات عمال يقول اللى عايز يخلص اللى عايز يخلص ، ندهتله قولتله ايه الحكاية راح قالى ورقك يخلص و انت قاعد و يجيلك لغالية عندك يعنى تجدد و انت راكن من غير ما تخش ، قلتله كام ، قالى 250 جنيه بخلاف المصاريف الاصلية
و اخدت نمرته ، انا مش عارف ازاى المباحث سايبة المافيا ديه شغالة برة القسم دول عيال كتير و سارحين يمين و شمال زيهم زى اللى بيبع الورق ابو 45 ب 75 علشان متشتروهش من الشباك الاصلى و هى اصلا عملية بتاخد دقيقة علشان تشتريه
اما العصابة اللى جوا ديه حاجة تانية

**rouaame** · 21-09-2010 02:42 PM

أنا مرور الدقى والحمد لله لسه جايب النمر الجديدة إمبارح بس ليا واحد صاحبى من ثلاثة أسابيع كان فى فيصل وجاب النمر الجديدة على طول (أول ما دفع المعلوم للمافيا اللى هناك) رغم إنه قعد شهرين مستنى النمر دى اللى ماظهرتش غير لما شخلل جيبه.
متهيألى تعمل زيه كده أو إنك تدور على واسطة تخلص لك الحكاية دى

**nour_nrc** · 22-09-2010 03:42 PM

انا لسه واخد نمر جديدة قبل العيد بيوميين
لعربية جددت وبعتها

وعربيتي الجديدة

الموضوع: عايز النمر الجديدة ممكن حد يفدني ؟؟؟مرور فيصل

LinkBack

أدوات الموضوع

عرض

-

-

-

-

المواضيع المتشابهه

أخبار النمر الجديدة فى مرور العجمى إيه؟

هى النمر الجديدة نزلت فى مرور الاميرية ؟

مرور فيصل فيه النمر الجديدة ولا لسه

هل النمر الجديدة نزلت في مرور السلام ولا لسه ؟؟؟

حد يعرف النمر الجديدة وصلت مرور القوات المسلحة فى مصر الجديدة

الكلمات الدلالية لهذا الموضوع

المفضلات

المفضلات

ضوابط المشاركة