الموضوع: سؤال بخصوص السنتر لوك

المشاركة الأصلية كتبت بواسطة il_capitano

اولا طبعا كل سنة وانتو طيبييين ويارب يكون عيد جميييل عليكم كلكو

ثانياً انا عندي سؤال انا لما رحت التوكيل في صيانة للكتكوتة الـ i10 قلتلو انا عايزه اركب سنتر لوك

قالي مينفعش

قلتلو ليه؟

قالي عشان الضفيرة مش مجهزة لكده ولو ركبتيه هاتطلع برا الضمان

اولا انا عربيتي اوتو هاق اوبشن والمفروض ان الفرق بينها وبين الفول اوبشن هو:

فوج لايت - مرايات كهربا - الزجاج الخلفي كهربا - سنتر - مساحة خلفية - rpm

دلوئتي السؤال يعني الضفيرة بتاعة الهاف اوبشن غير الفول اوبشن؟؟؟

يعني انا مينفعش اركب اي حاجه من الحاجات ديه خااالص

انا كل اللي عايزه اركبو سنتر بس مش اكتر ومش انذار كمان لا ده سنتر بس

ياربت لو حد عندو اي معلومات يفيدني

يا باشا ينفع انا معايا هاف اوبشن و مركب السنتر و انذار

بس مطلع عينى و كل شهر يعلق و اروح افك الباب و يظبطه

لان السلك اللى بيفتح الباب و يقفله بيسيب و الباب يقعد يعلق

و حاسس ان مسامير الباب هتفوت من كتر الفك

و بصراحه زهقت و سايبه بقاله اكتر من شهر معلق و مكسل اروح اعمله

سيبك من كلام التوكيل

انا عن نفسى مش بعمل صيانه فى التوكيل و مش عايز ضمانهم علشان كده مغير الكاوتش و الكاسيت و مركب سماعات و سنتر و انذار

اهو انا نفسي اعمل اللي انت عاملو ده اغير الكاوتش والكاسيت واركب سنتر

بس انا مش هاستحمل اروح لميكانيكي ومعرفش حد نضيف ومضمون اصلا

قولي صحيح ايه الكاوتش اللي انت مركبو؟؟

انا كنت سألت على بيريللي 165/60 r 14 ملئتش قالولي مفيش المقاس ده

وسألت عند غطاطي على اي حاجه المقاس ده قالي مفيش غير كومهو (يافرحتي ماهو اللي راكب كومهو)

انا عايزه حاجه انضف من كده

وياترى السنتر ليه بيعلق كل شويه؟ عشان نوعو هو نفسو وللا عشان كهربة العربية؟

المشاركة الأصلية كتبت بواسطة IL_Capitano

اهو انا نفسي اعمل اللي انت عاملو ده اغير الكاوتش والكاسيت واركب سنتر

بس انا مش هاستحمل اروح لميكانيكي ومعرفش حد نضيف ومضمون اصلا

قولي صحيح ايه الكاوتش اللي انت مركبو؟؟

انا كنت سألت على بيريللي 165/60 r 14 ملئتش قالولي مفيش المقاس ده

وسألت عند غطاطي على اي حاجه المقاس ده قالي مفيش غير كومهو (يافرحتي ماهو اللي راكب كومهو)

انا عايزه حاجه انضف من كده

وياترى السنتر ليه بيعلق كل شويه؟ عشان نوعو هو نفسو وللا عشان كهربة العربية؟

أنا مركب كاوتش مقاس 175/70 R13 على نفس الجنط الحديد

بصراحه المقاس اللى انت بتفكر فيه ملوش لزمة للتغيير مش هتحسن اوى و كمان مقاس نادر و لما يحصل حاجه فى فردة هتدفع كتيير اعتقد مقاس 165/60 مش هتلاقيه اقل من 350 الفردة

بالنسبة للمقاس اللى انا مركبه فيه المميزات الآتيه
نعومة فى المطبات عن الاول
ثبات اكتر فى خط مستقيم
مش بتحس بالنقر و تفاصيل الطريق زى الاول

عيوبه اللى لاحظتها على مدى سواقتى
استهلاك البنزين زاد عن الاول
سحب العربية قل شويه
قوة الفرامل قلت حاجه بسيطه
لو بتاخد ملفات جامده على سرعات عاليه هتحس ان العربية فيها سنة عومان بسيط بالجنب علشان الكاوتش معلى العربية 1.5 سم عن الارض و كمان البروفايل عالى لكن فى الاجمالى العربية ثباتها اتحسن و الكاوتش كان كويس معايا فى مواقف كتيير غرز و ضرب فرامل على سرعات عاليه و فى الرمل و مطبات الحمد لله مواقف كنت بشوف نفسى لابس لا محال بس ربنا بيستر و العربية بتلحق تقف

غيرت الكاوتش عند 6000 كم و كان كمهو صينى و الفردة اللى قدام نامت فقلت اغير احسن لانى كنت مخنوق من شكل الكاوتش الرفيع جدا... حاليا عامل 19,350 كم و الكاوتش زى الفل

داس على كا ما تتخيله و بطلع اركن فوق ارصفه و مرتين دوست بالخطأ على زجاجه و كسرتها و الحمد لله لسه كالجديد

نوع الكاوتش Good Year Ducaro GA الفردة بحوالى 230-250 جنيه عند البطل الرومانى


بالنسبة للسنتر انا مركب عند عشم نوار فى شارع دمشق
و على كلام الواد اخر مره لما قلتله مينفعش اجى كل شهر علشان اعمل السنتر قالى ان مشكلة ال i10 ان الوير بتاع الابواب خفيف و هما مش بيردوا يشدوه جامد علشان ميتقطعش و بالتالى بعد شويه بيسيب تانى

بصراحه انا مش طايقهم و احسنلك اعمله عند السجان بس تاخد منه فاتوره و يعملك ضمان 3 سنين مثلا

دى مشاركه لى قبل كده فيها شكل الكاوتش

http://www.nilemotors.net/Nile/169902-175-70-r13.html

هو 165/60 ده مقاس نادر فعلا بس لو عملت تشيك كده على القايم بتاع باب السواق هاتلاقي ده المقاس الوحيد اللي ينفع يركب غير اللي راكب فيها

بمعنى انو مش هايزود استهلاك البنزبن ولا يقلل العزم والفرامل زي ما عمل معاك عشان كده هو ده اللي انا عيزه اركبو

كمان انا طرقي كلها سريعه واحات ومحور فصعب اوي اني استغنى عن جزء في العزم والفرامل بس فعلا شكل الكاوتش الرفيع يغيييييظ وكمان بدأ يصفر مني في الملفات والفرامل والعربيه لسه عاملة 1400 كيلو بس

حاجه محيره اوووي

ايه هو محدش عندو معلومات عن موضوع الكاوتش ده!!! :(