عرض للطباعة
فى حدود 60 ألف جنيه
ممكن اجيب ايه اتوماتيك؟
فى الاساس بأفكر فى الالمانى:
اوكتافيا موديل 98 او 99
فيكترا موديل 98 او 99
وفى كمان حجات تانى بأفكر فيها ذى
باسات 98
لانسر 2002
كيا سيراتو (ممكن نزود المبلغ شويا)
فورد مونديو 2000 أو أعلى
أو حاجه تانى مقترحة
من حيث
- قطع الغيار سعرها وتوافرها
- الفخامه والشكل الخارجى
- الكماليات ووسائل الامان
- استهلاك البنزين
- الميكانيكية الى فهمين فى العربيه
يا ريت يا جماعه لو حد يعرف مشكله معروفه فى اى عربيه يقولها
انا سمعت ان اوكتافيا اتوماتيك بتجيب فيتس ؟ الكلام دا حقيقى ؟
وكمان موضوع الثبات فى السرعات العاليه وقوة التحمل
وشكرا
يا باشا موضوع الاوكتافيا مش صح هي لعبة علشان تجيب فتيس ولا حتى صيني درجة عاشرة !!!!!!!!!
انت بتفاضل في عدة مميزات فمثلا بلاش فورد مونديو مش هترتاح في الصيانة وفي البيع وقطع غيار نار
السيراتو ممكن فيها كماليات (2006) عوامل امان قليلة وقطع غيار متوسطة
الاوبل معمرة جدا وممتازة وثابتة بس قطع غيارها اغلى من الاوكتافيا وبرده بيقولوا مشكلتها في دورة التبريد
عموما وعلشان نقصر لو مكانك اوكتافيا على طول ثبات وفخامة وقوة ومتانة ومعمرة وربنا يوفقك
نسيت برده الانسر كويسة جدا وتناسبك كاختيار مع الاوكتافيا
اقتباس:
المشاركة الأصلية كتبت بواسطة m.abdeen
m.abdeen باشا الف الف شكراقتباس:
المشاركة الأصلية كتبت بواسطة m.abdeen
ايه الخبرات العظيمه دى والله
يا باشا حضرتك ما علقتش على الباسات
ظروف الباسات ايه فى المفاضله دى ؟
الباسات يا باشا عربية برده محترمة جدا وركبتها وعربية برده حكاية بس اللي اعرفه انها ثقيلة شوية في البيع وقطع غيارها غالية جدا وصيانتها مكلفة لكن هي طبعا محترمة
الماني كله قطعه غاليه
الحقيقه انا عندى معادله خاصه بأحكم بيها اذا كانت القطعه غاليه ولا لأاقتباس:
المشاركة الأصلية كتبت بواسطة n.a.j.d
وليس السعر الذى احكم بيه اذا كانت القطع غاليه ولا لأ
مثال بسيط الشكمان او الزجاج
هافرض عندى شكمان لعربيتين
الأول - بلغة السوق - غالى وسعره 9 قروش
التانى - بلغة السوق - رخيص وسعره 4 قروش
فى الأول باقارن التكنولوجى وجودة التصنيع
يعنى ممكن يكون الشكمان الغالى مطلى من الداخل بطبقة معالجه لبخار الماء
او الزجاج الغالى فيه خاصية التعتيم وحجب الاشعه الفوق بنفسجى
والرخيص مش معالج من حاجه
اذا كانت التكنولوجى الزياده بالنسبه لى مش محتاجه ضرورى
بأقارن العمر الافتراضى (طبعاً الا قدر الله) بعد سؤال الى جرب الغالى والى جرب الرخيص
واحسب معدل الاستهلاك = السعر ÷ العمر الافتراضى
نفرض ان الغالى عمره الافتراضى 7 سنوات و الغالى عمره الافتراضى سنتين
معدل الاستهلاك للغالى = 9 ÷ 7 = 1.5 (معدل استهلاك أقل)
معدل الاستهلاك للغالى = 4 ÷ 2 = 2.0 (معدل استهلاك أعلى)
فى 3 احتمالات
1- الغالى معدل استهلاكه اقل : يبقى الغالى هو الافضل
2- معدل الاستهلاك متساوى او متقارب : يبقى الغالى بالتكنولوجى الاعلى هو الافضل
3- الرخيص معدل استهلاكه اقل بقرق كبير : اشوف بقى التكنولوجى الى فى الغالى مدى احتياجى ليها بفرق التمن دا؟
طبعاً مش كل قطعة غيار باعملها فيها كدا
باقارن كام قطعه ودا بيدنى انطباع عام
Up .............. Up
+111111111اقتباس:
المشاركة الأصلية كتبت بواسطة m.abdeen
مية مية ومن الاخر
بس 60 الف ممكن تجيب اوكتافيا 99 او 2000 مانوال وانت وشطارتك
وموضوع الفتيس الاوتوماتيك
لازم تتأكد ان العربية كانت بتغير زيت الفتيس كل 60 الف كيلو كحد اقصى في فواتير صيانة التوكيل والا هيبقى انت وحظك لان فعلا فتيسها حساس لتغيير الزيت كل 60 الف
وعشان تريح نفسك خليك في المانوال