عمرك حسيت انك زهقان من الادب؟

**kamalsalem** · 09-09-2010 02:10 PM

انا النهاردة حاسس اني مش قادر اجامل حد... وبصراحة مش عارف ليه... انا اصلاً عندي مشكلة مع الغباء.. ولما بلاقى قدامي حد غبي دمي بيفور

تحت البيت تل زبالة والعمال بتوع البلدية قاعدين فوقه يشحتوا

الخضري لسه مديني البطاطس بالليل بسعر... ولما رحتله من شوية بس كان معايا العربية اداني سعر تاني خالص... رحت فاطر عليه وعلى اللي خلفوه من اول رمسيس الاول لحد والدته شخصياً وفي الاخر قاللي طب يا باشا هات جنيه وكل سنة وانت طيب رحت سيبنه ومشيت

لسه بلف لقيت عيلة من اللي بيبخروا العربيات دول دافسة المبخرة جوة الصالون.. من غير تفاهم رحت واخد منها المبخرة وواخدها من ايدها وكنت خلاص هضربها.. وقلتلها لو لقيت اي بقعة زيت من الهباب البخور ده في العربية من برة او من جوة هقتلك... وبعد ما بصيت في العربية واطمنت... طفيتلها البخور برجلي واديتها جنيه وسبتها ومشيت

رجعت البيت لقيت حد من السكان الافاضل واخد مفتاح الاسانسير... معرفش هو مين... بس كتبتله ورقة في منتهى قلة الادب وعلقتها جوة الاسانسير... ونفسي بس اعرف هو مين عشان اقسم بالله هفك مكان المفتاح ده وهخليه ياكله... ايوة هخليه يبلعه.. وانتظروا التقرير المصور

هل ده يجعلني قليل الادب؟ غالباً اه.. بس مش طايق التفاهة والغلاسة وتقل الدم وقلة الادب اللي الناس بقت فيها

معلش طولت عليكوا ومتزعلوش مني انا بفش بس

**ASKAFRAWY** · 09-09-2010 02:19 PM

اولا كل سنة وانت طيب...انا بتحصلى كتير جدا
و ساعات بحس انى انا مش انا يا دكتور و بكون فى قمة قلىة الذوق و لة الادب
اصل احنا بشر و لينا قوة تحمل و لما الحمل يزيد عن حده الكهرباء بتقطع فبتلاقى حاجات غريبة بتحصل...شتيمة ضرب قلة ذوق
لازم الكبت دة يخرج لانه لو مخرجش هنموت
انا عيبى انى ممكن اضايق و ساعات مبعرفش اخرج الجوايا او ازعق او اشتم و بلاقى نفسي تعبت و صحتى بقت زى الزفت لان محاولتش اخرج الغضب دة زيك
لكن لما بعمل كدة برتاح شوية و بهدى

**kamalsalem** · 09-09-2010 02:32 PM

المشاركة الأصلية كتبت بواسطة omaroof

اخى العزيز
معاك حق فى ان كل اللى قلته واللى حصل معاك مستفز
لكن المفروض اشد الراجل وازعق معاه بدون شتيمه او شئ يخلينى افطر عليه وهاكذا مع البنت بتاعه البخور او الورقة بتاعة الاسانسير
رغم انى ارى ان اللى حضرتك عملته مع البنت بتاعة البخور يعتبر قهر لها وليس اعتراض على مافعلته
ليس الناس سواسيه ويجب علينا ان نقدر ظروف الناس ونتعامل معهم باحترام وبقوه وليس باساليب اخرى كالقهر
واكيد بما انك كتبت الموضوع ده معنى كدا انك حاسس انك كنت غير موفق فى رد فعلك
دائما استعيذ بالله قبل اى رد فعل خصوصا ساعه الغضب وتقبل مرورى

عندك حق ومتشكر على ردك العاقل... بس هي مكانتش ساعة عقل اوي

**mohamedbook** · 09-09-2010 02:45 PM

ياتري ياهلتري
لو الكلام الي بتقول علية حصل من حد عفي وزو سلطة وبأس ونفود هل كنت هتتصرف معاه بقلة ادب ولا هتفكر الف مرة ابل متعمل حاجة عشان العواقب
الناس الي بتتكلم عليهم دول شبه متخلفين وغالابه وفيهم متسولين وبييعين يعني بيعملوا حجات غبية ومستفزة بس مش معنا كده اننا نوصل لقلة الادب والشتيمة الي ميصحش ان الواحد يتلفظ بيها ممكن الواحد يغضب يتنرفز بس شتيمة اعتقد وصلنا للاخلاق في النقطة دية

**MRBEBO** · 09-09-2010 02:48 PM

نصيحتي ليك ولكل الزهقنين زيك وزيي تعالوا نفكر في طريقة للخروج من البلد دي باي طريقة هجرة سفر اي نيلة والسلام

انا مخنوق من البلد دي بشكل .... مش عارف ليه بيحصل فينا كده ... احنا مش طالبين كتير عاوزين بس الاحترام والضمير واساسيات الحياة الضرورية ... مفيش اكتر من كده وكله هيبقى فل .... بس بتهيئلي حال البلد دي عمره مهينصلح بسبب قلة الضمير والفقر

مفيش غير الصبر بقه هنعمل ايه

**kamalsalem** · 09-09-2010 02:51 PM

المشاركة الأصلية كتبت بواسطة mohamedbook

ياتري ياهلتري
لو الكلام الي بتقول علية حصل من حد عفي وزو سلطة وبأس ونفود هل كنت هتتصرف معاه بقلة ادب ولا هتفكر الف مرة ابل متعمل حاجة عشان العواقب
الناس الي بتتكلم عليهم دول شبه متخلفين وغالابه وفيهم متسولين وبييعين يعني بيعملوا حجات غبية ومستفزة بس مش معنا كده اننا نوصل لقلة الادب والشتيمة الي ميصحش ان الواحد يتلفظ بيها ممكن الواحد يغضب يتنرفز بس شتيمة اعتقد وصلنا للاخلاق في النقطة دية

على فكرة حصل مع ناس ذوي سلطة قبل كده كذا مرة وبنضرب عادي واضربت بعصيان وامواس وجسمي كاه علامات من مرة كنت هموت فيها

وموضوع الاخلاق انا هقبله منك كأخ ليا ف مكان ومنعرفش فيه بعض فانت مش شايف غير كلامي اللي فعلا يدل اني قليل الادب بس انت متعرفنيش.... وكل سنة وانت طيب

**maka** · 09-09-2010 03:14 PM

الادب ليه وقته و قلة الادب ليها وقتها و البلطجة كذلك

بس المهم تستخدم كلا منهم امتى تبعا لحقوق بدون افتراء على الناس

المشكلة اللى بتقابلنى انى ساعات بكون تعبانا جدا و مفيش حيل اناهد مع الغباء

**Soma_Sooma** · 09-09-2010 03:24 PM

ايوة انا فاهمة حضرتك

ساعات فعلا بتقابل حجات مستفزة جدااااااا

بس ساعتها افتكر الأية دى (والكاظمين الغيظ و العافين عن الناس)

**نور القمر** · 09-09-2010 03:29 PM

في يوم كنت قاعدة مع صحابي من 4 شهور بالظبط وبشتكي لهم ان الادب معادش نافع مع الناس وكنت اقصد ناس معينة ليهم مسلسلات معايا عشان بسكت ومش برد وبنسى وبسامح مع الوقت بس كنت ناقمة عليهم وحاسة ان فاضلي زقة وانفجر فيهم
وبالفعل جات الزقة بعد يومين من قعدتي مع صحابي وانفجرت وطلعت القديم والجديد وحسيت اني اخدت حق سنين فاتت وفعلا لقيت المعاملة اتغيرت للاحسن والقرع اشتغل
وقررت بعدها اني مسيبش حقي لحد ابدا
كان لما بياع يضحك عليا ويبيع لي حاجة واكتشف انها بايظة ارميها وخلاص واسكت
مبقتش اسكت وارجع الحاجة واطالب بحقي وديما كلمة الحق اقوى ومحدش بيقدر يجادل ولا يفتح بقه
الخلاصة ان الادب معادش ينفع مع الناس في زمننا ده

-

الموضوع: عمرك حسيت انك زهقان من الادب؟

LinkBack

أدوات الموضوع

عرض

عمرك حسيت انك زهقان من الادب؟ - انشر الموضوع فى :

-

-

-

-

-

-

المواضيع المتشابهه

انا زهقان

طهقان زهقان

بتعمل أيه لما بتبقى زهقان ؟؟؟؟؟؟؟؟؟

مكان لكل زهقان

زهقان من عيالك ؟ جرب الطريقة دية

الكلمات الدلالية لهذا الموضوع

المفضلات

المفضلات

ضوابط المشاركة