الموضوع: عبد السلام المحجوب مترشح فى معقل الاخوان

ضربة معلم من احمد عز - الرمل و الورديان هما معاقل الاخوان فى الاسكندرية

و للاسف المحجوب حينجح لانه كان محبوب جدا ايام حكمه و بقى محبوب اكتر بسبب الللواء اركان حفر عادل رصيف اغبى محافظ للاسكندرية

و اللى سمعته ان الاخوان بيفكروا يقاطعوا الانتخابات

كل سنة وانتم طيبين

المشاركة الأصلية كتبت بواسطة بحري

هو المحجوب تم التخلص منه عمليا ومش محتاج زيادة
الواضح كده إنها محاولة للاستفادة من شعبيته في مواجهة قوة الإخوان في الرمل..الناس هتنتخبه قطعا

كلام صحيح جدا
لكن لو الاخوان نزلوا الانتخابات اكيد هينزلوا يا قاتل يا مقتول

عبد السلام المحجوب ربنا يباركلكوا انا الراجل دة بحبه جدا جدا لانه كان مظبط اسكندرية وكمان لان حصل معايا موقف وانا صغير
الموقف باختصار ان انا وكام واحد من صحابى واحنا صغيرين شوية قررنا اننا نشترى عجل بعد الدراسة ما تنتهى
المهم روحنا علشان نتفرج على العجل ونبدأ نحدد احنا عايزين ايه .... روحنا نتفرج عند ادوارد اللى فى السرايا على البحر مش عارف لسة فاتح ولا لأ
واحنا واقفين بنتفرج على البترينة لاقينا عربية مرسيدس واقفت امام ادوارد ونزل منها راجل شكله مش غريب عليا ( انا كنت بتفرج على العربية)
لاقيت الراجل متجه ناحيتنا وانا عمال اقول الراجل دة انا اعرفه ... ميين ميين ميين .. طلع محافظ اسكندرية عبد السلام المجوب
وسلم عليا انا وصحابى وسالنا عاملين ايه فى الدراسة ولو عندنا مشاكل وكدة
وطبعا دة كله فى حالة ازبهلال تام منى ومن صحابى ومن يومها وانا بحترم الراجل دة جدا

المشاركة الأصلية كتبت بواسطة viper911s

الراجل دة يعتبر من اخر الرجال المحترمين القليلين جدا فى مصر للااسف
بس طالما حزب وطنى ومجلس شعب هيخسر كتييييييييييييييييييييييي ر فى رئى

دلوقتى الصراع ما بين المحجوب كشخص محبوب و بين انتمائه الحزبى لحزب مكروه

انا اظن ان شخصيته هى اللى حتكسب لان اغلب الناس بتبص على الشخص اكتر من الحزب

و ده بيفسر جذب الحزب لبعض الشخصيات ذات الشعبية الجارفة لتكون ممثلين له فى بعض الدوائر

المشاركة الأصلية كتبت بواسطة mazagangee

كلام صحيح جدا
لكن لو الاخوان نزلوا الانتخابات اكيد هينزلوا يا قاتل يا مقتول

الاثنين خسرانين..الإخوان والمحجوب..عشان الإخوان يكسبوا لازم يكون في تخبيط في المحجوب وتكسير لعظامه كعادة الصراعات الانتخابية وهو ما سيسحب من رصيد الإخوان بالقطع
وفي حالة فوز المحجوب سيتم وضعه في ثلاجة شديدة التبريد ولن يستطيع تقديم أي شئ في ظل وجود عادل لبيب حيث لن يسمح له بإعادة حيوية شعبيته مرة أخرى حتى لا يعود الناس لعقد المقارنات بينهما ..اللهم إذا كان هناك قرار سياسي بإعادة تصعيد المحجوب مرة أخرى كمحافظ للإسكندرية وهو ما أستبعده تماما في هذه المرحلة السياسية الحرجة التي تحتاج إلى رجال من عينة لبيب
الخلاصة أنه كما هو الحال دائما في الصراعات الانتخابية..الكسبان خسران

انا لسه الصبح كنت حفتح الموضوع ده يا استاز هانى وانت سبقتنى
مش شرط عشان حزب وطنى حيخسر على فكره

بس انا الى مستغربله حاااجه واااااااااحده بس
هو الى بيرشح نفسه فى دائره مش لازم يكون منها او من اهلها او من سكانها او من مواليدها
زى صلاح عيسى او ابو عامود مثلا وغيرهم كلهم من دائره الرمل
وطبعا معروف ان اغلبهم من الحسب الوطنى وكانو بيكسبو

بس السؤال اشمعنى دائره الرمل الى نزل فيها المحجوب او المحبوب فعلا ؟

بس على الرغم من كل حاجه يارب يكسب الراجل ده محترم واحق بيها من اى واحد تانى وملهوش مصالح شخصيه ده راجل شبعان
ويااااااااااااااااااااااا ااااارب يكسب

اكيد الاخوان مش هينزلوا قدامه هينزوا على المقعد التانى فقط لانه راجل محترم و خسارة يطلع من المجلس

بس حتى لو كسب عمره ما هيعرف يعمل حاجة لانه هيفضل من نواب الوطنى !!