معايا فيليشيا 95 ممكن المساعده من اهل الخبره؟؟؟

**medofarou** · 13-09-2010 02:31 AM

واللة يا ابو على انا كان عندى rpm بيلعب مكنش ثابت والسحب كان ضعيف جدا والعربية ماكنتش بتعدى التسعين كنت فاكر ان العداد بايظ وجبت واحد استيراد ولكن نفس العيب واحد ابن حلال دلنى على ميكانيكى كوييس اول حاجة عملها حل الاسبراتيير
وقاللى دة بايظ لكن معرفتش عرف ازاى الميزة اللى فية انة عندة قطع غيار بيجرب بيها يعنى لو المشكلة لو مش فية هيشوف حاجة تانية واول مركب الاسباتيير اللى عندة سمعت صوت موتور العربية كأنى مسمعتوش بالجمال دة قبل كدة والعداد بقى ثابت واول طلعة جبت 120 بسهولة جدا وعلى فكرة لو الاسباتيير بايظ ممكن يسخن العربية لانو مبيوزعش كهربة كوييس وبيبقى حمل على العربية انصحك تروحلة هو فى اسكندرية وشغاال فى الاسكودا بس وبالزات الفليشييا

**ali207** · 13-09-2010 12:50 PM

المشاركة الأصلية كتبت بواسطة medofarou

واللة يا ابو على انا كان عندى rpm بيلعب مكنش ثابت والسحب كان ضعيف جدا والعربية ماكنتش بتعدى التسعين كنت فاكر ان العداد بايظ وجبت واحد استيراد ولكن نفس العيب واحد ابن حلال دلنى على ميكانيكى كوييس اول حاجة عملها حل الاسبراتيير
وقاللى دة بايظ لكن معرفتش عرف ازاى الميزة اللى فية انة عندة قطع غيار بيجرب بيها يعنى لو المشكلة لو مش فية هيشوف حاجة تانية واول مركب الاسباتيير اللى عندة سمعت صوت موتور العربية كأنى مسمعتوش بالجمال دة قبل كدة والعداد بقى ثابت واول طلعة جبت 120 بسهولة جدا وعلى فكرة لو الاسباتيير بايظ ممكن يسخن العربية لانو مبيوزعش كهربة كوييس وبيبقى حمل على العربية انصحك تروحلة هو فى اسكندرية وشغاال فى الاسكودا بس وبالزات الفليشييا

اشكرك يا ميدو لاهتمامك بمشكلتى
بس انا عندى الماتور صوته ناعم و ثابت والسرعه انا بجيب بيها لحد 140 وبخاف اكمل والله
انا مشكلتى محصوره فى ريحه البنزين النىء الى اشكك ان ليها علاقه بالكهرباء و برضو مشكلة الكهرباء الى بتفصل فجأه واناماشى وترجع لوحدها !!

ولا ممكن تكون طرمبة البنزين ؟؟

عالعموم اكون شاكر لو عطتنى عنوان الميكانيكى وربنا يجعل على ايده الشفا

انا كمان من اسكندريه من الكينج مريوط ....اوعى تقلى ان الميكانيكى فى بحرى فى ضهر الشيخ وفيق؟؟؟

**medofarou** · 13-09-2010 04:17 PM

بص ياابو على كدة اتاكد ان الاسبراتيير مفهوش حاجة وزى الفل لانة لو فية حاجة عمرك ما هتجيب بيها حتى المية والكهربة اظن كمان تمام لان لو فية اى حاجة فى الكهربة مش هتجيب سرعة معاك خالص بس حكاية انها بتفصل كهربة بصراحة مامرتش عليا قبل كدة الميكانيكى فى باكوس هو بعيد عنك شوية بس بصراحة فاهم وعندة اجهزة حديثة وكمبيوتر وشغلة الاساسى الفليشيا وعنوانة باكوس امام مدرسة الناصرية بجوار شارع الازاعة واسمة مهندس ماجد وعلى فكرة هو مهندس بجد مش لقب روحلة مرة وادعيلى على فكرة انا من العجمى يعنى بعيد عليا قوى انا كمان واللة المستعان

**د.محمود صلاح** · 13-09-2010 04:24 PM

السلك اللي طالع من الاسبيراتير عندي كان بيعلق وبيخلي العربية تبطل وهي ماشية وتدور تاني بصعوبة فكينا الاسبيراتير وثبتنا السلك .

**ali207** · 13-09-2010 05:51 PM

انا شاكر ليكم جميعا وبالاخص ميدو اكيد انا استفد منكو فى تحديد واستبعاد العطل

انشاءالله حروح للميكانيكى مدام هو كويس اكيد عندو خبرة اكتر وابقى اطمنكو طلع العطل ايه