معايا فيليشيا 95 ممكن المساعده من اهل الخبره؟؟؟

**ali207** · 09-09-2010 04:08 PM

لو سمحتوا ياجماعه انا تعبت مع الصنيعيه انا معايا فيليشيا 95 بحطلها بنزين 90 وبلاحظ دايما وجود رائحه بنزين نىء من الشكمان وبالتالى مع حركه العربيه بتدخل الريحه جوه العربيه
محتاج مساعدة اهل الخبره فى تشخيص العطل علما بان الكربيراتير مظبط تمام لا يوجد عيوب بالشكمان ولا الماتور نفسه تم تغير جميع الفلاتر وزيت الماتور ولايوجد تنفيس بالمانيفولد ..الا انو عندى عطل واحد فقط بالسيارة مش عارف له علاقه بالمشكله ولا لاء ( مش دايما العربيه وانا ماشى تفصل كهرباء كذا مره وتلقط لوحدها وبعدين تمشى عادى و اوقات تانيه وبعد مشوار 100كيلو متواصل مثلا وابطل واجى ادور تانى يستحيل الا بعد وقت ) اناشخصيا شكت فى المشط والموبينه بس هل له علاقه بالمشكله؟؟؟

اسف جدا جدا جدا للأطاله وشكرا لكل من اهتم بالرد

**medofarou** · 10-09-2010 11:46 PM

خلى ميكانيكى شاطر يكشف لك على ملف الاسبراتيير ممكن يكون بايظ انا معايا 97 وكان سحبها متكعبل وريحة بنزين وتنتيش بس الحمد للة يرت الاسبراتيير ودلوقتى تمام ملحوظة لكل الفليشياوية الاسبراتيير لو ملفة بايظ بيسخن العربية وبيقلل سحبها

**AhMeD MeTwAlY** · 11-09-2010 12:57 AM

واللهي انا من رائ دي مشكله في عملية الاحتراق الخاصه بالينزين مش بيحترق كله ده من وجهة نظري يا استاذ علي
وشوف راي الاخوه الاعضاء هيقولو ايه
وبعدين انت بتحط بنزين 90 ليه حرام كده فلوس علي الفاضي حط 80 واللهي تمام وشغال زي الفل

**ali207** · 11-09-2010 02:25 AM

شكرا لردودكم واهتمامكم يا جماعه

واحد ميكانيكى اقترح عليا الغى مجموعة الكهرباء(مشط الكترونى - اسبراتير - موبينه) واركب اسبراتير وموبينه (بيجو) شغل عادى كوندنسر وابلاتين يعنى سحب افضل اعطال اقل !!!!

مش عارف ايــــــــــــــــه رأيكـــــــــــــــــــــ ــــــــــــــــــو؟؟؟؟؟؟

**AhMeD MeTwAlY** · 11-09-2010 04:03 AM

لالالالالالالالا من هنا لحد الصبح
بيجو مين وكلام فاضي ايه بس
انت كده بتبهدل العربيه مش بتصلحها علي اساس ان الراجل الي صنع العربيه مش شاف حجات البيجو والجينيس (الميكانيكي) هوه الاي اكتشف كده
ده اسمه كلام فاضي حاجت العربيه لو هتكون اغلي شئ في السوق تجبها مش تروح تركب حجات مش بتاعتها ونصيحه انت كده هبوظ العربيه كل حاجه معموله وليها طريقتها
وتاني مره بقولك لا والف لا

**ali207** · 11-09-2010 04:34 AM

انا من رأى كده انو من غيرش فى الفبريكه...

طيب رأى حضرتك أزى اختبر القطع الثلاث لتحديد القطعه المراد تغيرها الى هى سبب الطل

( المشط - الاسبراتير - الموبينه ) عشان مش عايز اكلف عالفاضى ؟؟؟

وشكــــــــــــــــــــــ ـرا لأهتمامكم

**wessammekawe** · 11-09-2010 04:53 AM

انا معايا 97 وفيها نفس العيب وغيرت البوجيهات وركبت بوجيهات سن رفيع و العربية اتحسنت

**medofarou** · 11-09-2010 08:54 PM

اولا يا على المشط لو بايظ العربية مش هتدور اساسا ثانيا الاسبراتيير لو مش كويس هتلاقى rpm مش ثابت وممكن ميبانش فى rpm خلى ميكانيكى يطلع الاسبراتيير ويلفة لو تقييل يبقى بايظ ولو هتغيير انصحك متجيبش الصينى الالمانى او التشيكى اما بالنسبة للموبينا فمتهيالى ديى صعب تبوظ او بصراحة مشوفتش حد قبل كدة اشتكى منها

**ali207** · 12-09-2010 01:04 AM

كلام جميل ومقنع الله يفتح عليكو كده اناكمان تأكد شكى فى الاسبراتير !!!!

طـــــــــــــــب أزاى اتأكد بنفسى من عيوب الاسبراتير انا عندى فكره وغاوى بحب الصنعة دى وسيبك من الصنيعيه زى مقلت فى الاول كتير منهم وخدها قاعده ومبيشغلش مخه ولا يطور من نفسه .

شكـــــــــــــــــــــرا لتفاعلكم..........