عايزة اروح التجمع

**shery103** · 09-09-2010 04:13 PM

انا عايزة اروح المكان اللى فى الخريطة دى ، الفكرة بس انى مش فاهمة الخريطة ، و حاسة انها مش واضحة ، ممكن لو حد عارف المكان او شايف الوصفة سهلة يوصفلى امشى ازاى من مدينة نصر ، و شكرااااااا

**ahmedyehia515** · 09-09-2010 04:22 PM

حضرتك تمشى فى شارع النصر بإتجاه المطار لحد بعد النادى الأهلى هتلاقى فى كويرى على الشمال و طريق سطحى على اليمين ، خليكى على اليمين هتخرجى على شارع رئيسى و هتدخلى يمين إجبارى مع العربيات. كده أنت فى أول طريق السويس. هتلاقى فى عربيات كتيرة بتييجى على الشمال عشان تاخد اليوتيرن خليكى انت على طوول و بعد اليوتيرن خليكى على الشمال عشان هتلا قى الطريق مقسوم 3 حارات شمال و بعدين على اليمين فى طريق فردى و بفصلهم رصيف، المهم خليكى على طول هتلاقى قدامك كوبرى الجيش المصرى هتاخديه و تفضلى مكملة على طوول على يمينيك جاردينيا و على شمالك الهيئة العربية للتصنيع برده مكملة على طوول و بعدين هتلاقى على يمينك بنزينة وطنيى و على شمالك توكيل جيب برده على طوول هتلاقى فى كوبرى قاطع فى الطريق هتعدى من تحته ( هوا ده الطريق الدائرى) و تفضلى مكملة بعد حوالى 500 متر هتلاقى المدرسة الإنجليزية على يمينك تاخدى اليمين اللى بعدها و بالمناسبة فى مطلع للدائرى بعد ما تعدى من تحته على اليمين و تانى يمين بعده هوا اللى انت عايزاه , فى يمين فى النص كده بس ده مدخل للمدرسة انما اليمين اللى المفروض تدخليه شارع واسع و بعد المدرسة.