الموضوع: ايه رايك فالارتباط من عالنت سواء بنت او ولد ( المناقشة مفتوحة )

تضييع وقت ممكن يوصل لدرجة الضياع
وفي النهاية لا يصح إلا الصحيح

المشاركة الأصلية كتبت بواسطة نور القمر

تضييع وقت ممكن يوصل لدرجة الضياع
وفي النهاية لا يصح إلا الصحيح

طيب مع احترامي لردك طبعا ممكن تفصلي تضييع وقت من ناحية ايه ( انا بتكلم عن الناس العاقلة مش الشباب الصغير اللي بيقول اكلم بنت واقابلها وكدة) وليه تضييع وقت يعني مفيش بنت ممكن ترتبط بزميلها فترة الكلية وبعد كدة يحصل ارتباط او ميحصلش ( واغلبية الاسباب في الحالة ده بالذات بتبقي من الاهل لان الطرفين الولد والبنت بيبقو متمسكين ببعض جدااااااااااااااا وشبه حافظين بعض) وممكن برده ارتباط صالوناتي ونعد فترة خطوبة وفي الاخر ميحصلش نصيب.

فياريت توضحي تضييع وقت من ناحية ايه وايه الصحيح في نظرك.

المشاركة الأصلية كتبت بواسطة otefa

ممكن يبقي نقطة تعارف أولية وبعدين يتم السؤال عن الطرفين بالطرق التقليدية والتقدم والخطوبة والزواج..........أنا عن نفسي مابشجعش الطريقة دي ألا في أضيق الظروف.

بالظبط كدة ياصاحبي ده اللي بتكلم فيه انها وسيلة تعارف زي اي وسيلة بتجمع طرفين الموضوع ( البنت والولد ) سواء جامعة او شغل او جيرة او نت وبعد كدة ياخد الشكل والطريق التقليدي للارتباط السؤال عن العيلة والاهل والاصل وكدة.

يعني مثلا بنت خالتي او بنت عمي يكونو الناس كلها شايفنها مناسبة ليا وعارفين اصلها وفصلها واكون انا شايفها اختي ومينفعش تتشاف غير اختي مع ان الاصل والعيلة مناسبين ليا.

ورد عن كلمتك ( انك مبتشجعش الطريقة الا في اضيق الظروف) والله ياصاحبي بتحصل كدة فجاة انك تحس ان البنت ده مناسبة ليك وبتنسا اصلا انتا عرفتها منين. عموما ردك جامد برده وجبت من الاخر

المشاركة الأصلية كتبت بواسطة tlrsiap

في رأيي انا و مفهومي الشخصي , دي خلاصة الموضوع


بس طبعا بشرط , ان ما يبقاش فيه حاجة حرام بتحصل في الاختلاط اللي على النت ده , و ان تكون الشخصية اللي قدامك باين منها ما يكفي كبداية لمحاولة التعرف على اهلها و بداية مشروع الارتباط
لكن الموضوع مش سهل بالمرة على فكرة
بالمناسبة
انا ارتبطت فعلا من على الانترنت , لكنه مثل بالنسبة لي بداية التعارف فقط , و الحمد لله انا دخلت البيوت من ابوابها

بالظبط هو ده اللي انا عايز اقوله انها بداية زي اي بداية وبعد كدة الموضوع هياخد الشكل التقليدي. وعلي فكرة لو الموضوع دخل في كلام حرام او عدم احترام ولو من بعيد الولد نفسه اول واحد هيشيل من دماغه فكرة الارتباط بالبنت ده.

طيب السؤال اللي عايز اسالهولك بقي مادام انتا في وضع مشابه للموضوع ده . الاهل ( سواء كانو اهلك او اهل البنت ) عارفين طريقة تعارفكو انها من عالنت. وسؤالي ده لان انا ليا واحد صاحبي في نفس الموقف بس اتفق مع البنت ان موضوع تعارفهم ده يخصهم هما وبس وقالو للاهلين انهما تعارفو بشكل تاني وده مش خوف من الرفض مثلا لو عرفو الحقيقة لاء بس هما عملو حساب المستقبل لو لقدر الله حصلت مشاكل انشالله بعد الجواز ( مش عايزين يسمعو كلمة ماانتو بدءتو غلط وده معرفة غلط اصلا من البداية ) في الوقت الواحد ممكن يكون متجوز بنت عمه او بنت خالته وتحصل مشاكل كبيرة برده.

عموما شكرا جدا لردك وكدة الشباب اللي هما ممكن يكونو بيهربو من الارتباط اصلا فمابالك ارتباط من النت ومدي المجازفة بيايدو ( مع بعض التحفظات ) وشايفينها وسيلة زي اي وسيلة تعارف ومعانا عضوة واحدة رافضة الفكرة وفي انتظار تفصيل وتوضيح وجهة نظرها. وفي انتظار باقي الاعضاء والعضوات

المشاركة الأصلية كتبت بواسطة airforces

كوسيلة تعارف فقط ممكن لكن تطور لأرتباط وحب ويفضل على النت وما خفى كان اعظم يبقا دا مجرد وهم
لأنك مش بتشوف كل حاجة فى الشخصية إلا اللى الشخصية دى عاوزة توريهولك يعنى مش هتشوف كل العيوب ولا هتعرف معظم الحقايق لأنه ما بتشوفش تعبيرات الوجه تقدر تعرف الشخصية اللى قدامك بتكدب بتمثل عليك ولا إيه

فى ناس شوفتهم اتجوزوا وكان بداية تعارفهم من النت ومبسوطين فى جوازهم
لكن معظم الناس اللى تعارفهم من على النت ما بيكلموش لأنه بيحصل صدام من انه مش دى الشخصية اللى انت كنت متوقعها

فرأيى النت عامل زى البطيخة يا تطلع حمرا يا قرعة انت وحظك

تحياتى

اولا شكرا لمرورك ولردك. متهيالي انتا حطيت ايدك علي نقطة مهمة ونفس الوقت رديت رد مناسب وهو ( زي البطيخة وياحمرا ياقرعة ) ردا عالمقولة ده تقدر تتاكد من ايييييييييييييييييييييييي يييي بنت هتتقدم لجوازها عن طريق غير النت. زميلتك في الشغل زميلتك في الجامعة جارتك حتي ولو كانت قريبتنك بنت عمك او بنت خالتك متهيالي حتي لو متربيين سوا وعارفها طول عمرها بردوووووووووووووو ( بطيخة ) لانها عرفت عنها جانب تاني من شخصيتها وهي كزميلة او بنت عم او بنت خالة انما الطبايع هتبان بقي لما تتعامل معاها كزوجة فهنا الموضوع تساوي او زي ماقولت انتا ( بطيخة ياحمرا ياقرعة) وعشان البنات متزعلبش بردو الولاد والشباب ( بطيخة يطيخة يعني ياحمرا ياقارعة وليس اقرع ) وانتا برده قلت كلمة حلوة ان في ناس ارتبط من النت ومبسوطين جدا وفيه حوارات مكملتش زي العادي يعني خارج النت. واخر حاجة موضوع انك هتلاقي شخصية غير اللي كنت فاكرها ده موجود في كل مكان مدرسة جامعة شغل حتي البيت نفسه. لو واحد متجوز ممكن يستغرب من مراته جدا لانها برا البيت شخص وجوا البيت شخص تاني خاااااااااااااااااااااااا اااااالص.

ومتهيالي لحد كدة ممكن نستنتج ان النت وسيلة تعارف زي اي وسيلة تانية وبعد كدة الطابع غلاب وفي انتظار مشاركات باقي الاعضاء والعضوات.