عايز اعرف كمان الاوبشنز بتاعتها كلها وايه الفرق بينها وبين الايليجانس غير الشبكه؟؟وفيها فاميه ولا لأ والتسليم بيكون خلال قد ايه؟؟ولو معرض هل هيبقى التسليم أسرع؟؟
عرض للطباعة
عايز اعرف كمان الاوبشنز بتاعتها كلها وايه الفرق بينها وبين الايليجانس غير الشبكه؟؟وفيها فاميه ولا لأ والتسليم بيكون خلال قد ايه؟؟ولو معرض هل هيبقى التسليم أسرع؟؟
الفرق بين الالاجانس و الافانتجارد شكل الشبكة (عليها علامة مرسيدس فى الافانتجارد بدل العلامة اللى فوق الكبوت فى الالاجانس) و الجنوط و الفانوس الخلفى فى حتة اغمق سنة و الاتنين فى المانيا بنفس التمن علشان فى ناس بتفضل دى و فى ناس بتفضل دى , هنا فى مصر الc250 الافانتجارد اغلى ب 40 الف علشان فيها فرق زينون و فرش الجلد طبيعى بدل الصناعى فى الالاجانس و باقى ال40 الف ختم على قفا الزبون.اقتباس:
عايز اعرف كمان الاوبشنز بتاعتها كلها وايه الفرق بينها وبين الايليجانس غير الشبكه؟؟وفيها فاميه ولا لأ والتسليم بيكون خلال قد ايه؟؟ولو معرض هل هيبقى التسليم أسرع؟؟
مش عارف التسليم بيبقى فى خلال قد ايه بس لو التسليم بعد مدة هتلاقى المعرض بيبيع العربية ب 10 و لا 20 الف و لا حتى 30 الف زيادة , انصحك بالc180 الخليجى علشان الاستلام فورى و فيها options اكتر زى السقف البانوراما و 6dvd changer و smart key و avantgarde و الcommand aps و دا عبارة عن شاشة كبيرة بتشغل dvd و GPS بالnavigation و التحكم بالصوت و حاجات كدا زى الidrive فى الbmw و كل دا بحوالى 400 الف او اقل يعنى ارخص من الc180 الافاتجارد اللى ب 428 و فيها options اعلى بكتير اوى و اضعف حاجة بسيطة فى الموتور بس لو هتجيب الخليجى اتاكد من موضوع الضمان و الصيانة و كدا و شوف ينفع تدفع مبلغ صغير و الضمان يبقى سارى فى مصر و لا لأ.
اخر حاجة لازم تعرف ان فى facelift نازل اخر السنادى يعنى فى تغيير فى العربية.
كل التفاصيل بتاعت العربية على website بتاع مرسيدس مصر
شكرا ياباشا على المعلومه بس بخصوص الخليجي انا مكنتش فاكر ان الاوبشنز فيها اعلى من التوكيل!!يعني هيا فيها زينون وفاميه أكيد؟وايه احسن واضمن مكان بيبيع الخليجي؟في حد تعرفه جابها؟وكمان انا معلوماتي عن سي180ان موتورها 1600سي سي يعني ضعيف جدا بالنسبه للسي 250 فهل الخليجي نفس الحكايه ولا القصه بتختلف؟
بالنسبة للفيس ليفت اللى نازل ايه المصدر بتاع الكلام ده وياريت لو فيه صور له وهينزل مصر امتى؟؟وكل سنه وانت طيب
الخليجى نازل فئات من اول 325 على ما اعتقد ل 400 و شوية و فى خليجى بينزل ب amg package كمان لو عايز يعنى الخليجى اعلى من التوكيل و المانى 100% , التوكيل المانى تجميع مصرى دا بالنسبة ل250 اما ال180 بتنزل المانى بالكامل بس فاضية خالص ب 295 الف.اقتباس:
شكرا ياباشا على المعلومه بس بخصوص الخليجي انا مكنتش فاكر ان الاوبشنز فيها اعلى من التوكيل!!يعني هيا فيها زينون وفاميه أكيد؟وايه احسن واضمن مكان بيبيع الخليجي؟في حد تعرفه جابها؟وكمان انا معلوماتي عن سي180ان موتورها 1600سي سي يعني ضعيف جدا بالنسبه للسي 250 فهل الخليجي نفس الحكايه ولا القصه بتختلف؟
بالنسبة للفيس ليفت اللى نازل ايه المصدر بتاع الكلام ده وياريت لو فيه صور له وهينزل مصر امتى؟؟وكل سنه وانت طيب
الفاميه متاكد بنسبة 80% انه مش موجود لا فى التوكيل ولا فى الخليجى بس يا ريت تتاكد بنفسك علشان انا مسالتش انا بصيت بس مكنتش مركز فيه بس غالبا لو موجود حتى فى الخليجى هيبقى نصب يعنى يكتبولك زجاج ملون فى الرخصة مش فاميه , الزينون موجود اكيد بس خلى بالك هما فئات يعنى الفئة اللى ب 325 مفيهاش او تلاقيها فيها زينون و ناقص حاجات تانية , يعنى الفئة اللى ب400 دى فيها كللل حاجة زى مانا كتبت فوق , يعنى مثلا اللى ب 360 فيها سقف بانوراما و زينون و parking sensors بس مفيهاش مرايات بتتقفل كهرباء و لا ميمورى فى الكراسى اللى قدام و الفرش قماش!!!! , من الاخر اللى ب 400 دى اللى كاملة خالص و فيها كل حاجة بس اتاكد بنفسك من المواصفات و السعر.
الخليجى لا بس شوفتها كتير فى كذا معرضاقتباس:
في حد تعرفه جابها؟
الc180 الخليجى زى الوكيل بالظبط برده 1600 بس turbocharged و دى قوتها 156 حصان يعنى مش ضعيف اطلاقا بس طبعا الc250 اقوى لانها 1800cc turbocharged برده و موتورها بيولد 204 حصان و هى نفس موتور الe-250 بس الفكرة انها بتجيب ال100 فى 7 ثوانى و شوية و ال180 بتجيب من 0 ل 100 كم فى 9 ثوانى و شوية يعنى فرق ثانيتين بس , انا شخصيا بقولك وجهة نظرى الشخصية افضل الامكانيات و خصوصااااا السقف البانوراما و الcommand aps و الLEDs اللى قدام مكان فوانيس الشبورة فى الخليجى (اللى ب 400 ) و مش موجودة فى التوكيل غير الsmart key و ال6 dvd changer فرق كبير اوى الصراحة على الثانيتين دول.اقتباس:
انا معلوماتي عن سي180ان موتورها 1600سي سي يعني ضعيف جدا بالنسبه للسي 250 فهل الخليجي نفس الحكايه ولا القصه بتختلف؟
المصدر جميع مواقع السيارات الاجنبية زى مثلااقتباس:
بالنسبة للفيس ليفت اللى نازل ايه المصدر بتاع الكلام ده وياريت لو فيه صور له وهينزل مصر امتى؟؟وكل سنه وانت طيب
2011 Mercedes C-Class facelift - latest spy photos
http://www.wheelosphere.org/facelift...ng-with-coupe/
وتوكيل مرسيدس نفسه علشان قريبتى لسه جايبة ال180 من الوكيل و قالولها الfacelift هينزل قريب و انا اعتقد انه هينزل مصر على معرض الاهرام فى يناير دا حسب الكلام انها هتتعرض بره فى 2 اكتوبر فى معرض باريس , لو اتاخرت على كدا يبقى هتنزل مصر متاخر يمكن نص 2011.
الصراحة مش عارف احسن مكان ايه بس هى موجودة عند كل موزعين الخليجى زى select motors 0103800800 و motor one مش فاكر رقمه بس موجود فى اهرام كل جمعة و gear one و غيرهم كتير اوى , مش عارف احسنهم ايه الصراحة.اقتباس:
وايه احسن واضمن مكان بيبيع الخليجي؟
و انت طيب و ربنا يوفقك فى الاختيار ان شاء الله
كلام جميل ياباشا وكويس انك نبهتني للحوارات ده كلها
وانا أصل كنت باصص للamgفي الأول بس لاقيت انها مش عمليه 3000سي سي يعني بنزين ووترخيص وكلام عبيط كده بس كده مع الخليجي اكيد هبصلها تاني
بس ايه رايك في الكلام المنتشر بخصوص ان المرسيدس التجميع الألماني عيب مش ميزه لان العفشه بتبقى ناعمه قوي عالشارع اللى كله مطبات في مصر وبالتالي بتعمل مشاكل في العفشه في حين ان التجميع المصري بيظبطو العفشه ويخلوها جامده شويه بطريقه معينه تناسب الطرق المصريه والكلام ده انا قريته كتير وناس بيقولو عن تجربه؟!
كلمه اخيره ايه رايك السي 180خليجي كامله وamg أحسن ولا 320i لشاب 21سنه؟
وشكرا على متابعتك معايا بالردود يا أستاذ سمعه
بس يا باشا انا فى نفس حيرتك وتقريبا نفس سنك بس الحج عندى هو اللى حيجيب بس مش بيركب كتير وانا مش بسيب عربيته فى حالها لانى طبعا معايا البومه المتواضعه المهم هو بيقارن بين ال c250 و330 طبعا البى ام من اقتراحى انا لكنه مفضل المرسيدس بس لو انا مكانك اركب البى ام وخصوصا انى سمعت ممكن اضافه فيميه وحوارات كده طبعا مش متاكد وهى شبابى اكتر وانسى ال c300 خالص لان لو دخلت فى ال 3000 سى سى خد ال 330 وش موتور اقوى وفيها كل اللى يرضيك كشاب بس ده مش معناه ابدا ان المرسيدس وحشه علشان محدش يفهمنى غلط دى مرسيدس يا عم يعنى نو كومنت بس البيمر شبابى اكتر ورياضيه
Choose The Correct Car :-
1-Mercedes-Benz = Comfort
2-BMW = Sportness
if i were you , i'd get a 320i with iDrive , (Only Because i tried "BMW") and i cant imagine myself driving a car without a BMW logo on its "HOOP" even if it was the Benz star , i don't think it would Satisfy me.
انا مش عايز حاجه 3000سي سي لاني ازيد من احتياجاتي وبعدين ده الفرق بينها وبين ال2000سي سي سواء في البيمر او المرسيدس ثانيتين بس يعني كلام فاضي الى جانب الترخيص 10آلاف في السنه والبنزين العالي يعني مصاريف ملهاش داعي...وانا رأيى بصراحه انت لو جبت للحاج بيمر هتظلمه لاني مشفتش حد بيركب الفئه التالته غير الشباب لكن السي بتليق على الاتنين أنا طبعا بما اني شاب متحيز للبيمر جدا جدا بس بحس ان المرسيدس في شكلها وبريستيجها اعلى بكتيييييييير يعني نظام يا أرض اتهدي ما عليكي قدي يعني لو عربيتين واقفين جمب بعض واحده مرسيدس وواحده بيمر هتحس ان الاولى اكبر وافخم واجمل ميزه عاجباني في المرسيدس احتفاظها بسعر اعاده البيع بس مش عارف الخليجي هيقلل من سوقها ولا ايه بس مميزات الخليجي عاجباني وخصوصا ان فيها amg من غير ميدخلك في شريحه ال3000 سي سياقتباس:
المشاركة الأصلية كتبت بواسطة mazgangy
أكيد البيمر رياضيه أكتر بس انا شايف ان المرسيدس مش بس يعني راحه لا ده فخامه وبريستيج عالي قوي بس السؤال هو المرسيدس سي شبابيه اكتر من البيمر ولا زيها بالضبط ولا أقل منهااقتباس:
المشاركة الأصلية كتبت بواسطة matrixco
وليه المرسيدس دايما تاخد اعلى اصوات في المواضيع اللي بتتعمل يعني الاجماع عليها اكتر من البيمر
YouTube - Ma Nouvelle Mercedes Classe C 220 (W204)
اقتباس:
المشاركة الأصلية كتبت بواسطة fares515
المقصود ب comfort مش راحة جوة السيارة بس لأ دى كلمة شاملة لكل انواع الراحة سواء الجسم , العين , القيادة , الخ ... بس ال بى ام طلعت بال iDrive و دلوقتى الواحد قبل مايجيب مرسيدس بيفكر الف مرة فى موضوع ال iDrive دة لأنها تكنولوجيا سابقة عصرها و المرسيدس c شبابية طبعا بس مش اكتر من بى ام اللى هى اصلا professional فلا موضوع السيارة الرياضية دى و الفئة ال 3 متفوقة على ال c -class عشان طبعا المرسيدس ابتدت تغير شكل الفئة c الفترة دى عشان ترجع تنافس تانى على الفئة الشبابية بس برده الخبرة خبرة و دة مش تقليل من المرسيدس بالعكس انا شايف ان البى ام اكثر شبابية و دة معناه ان المرسيدس اكتر فخامة لكن مش اكتر اوبشن ..........
انا برده رايى الشخصى ان الc300 مش عملية بالذات علشان الضريبة لانها بتوقع سعر اعادة البيع كمان يعنى ضرر من كل ناحية , بالنسبة ل180 خليجى و لا 320 انا افضل الc180 الخليجى بس الفكرة ان bmw رخصوا الاسعار تانى قريب فبقت ال320 ب 345 الف و ال320 performance package ب 365 الف , دى ليها مميزات و عيوب و التانية نفس الكلام انا هقولك رايى و اتت احكماقتباس:
كلام جميل ياباشا وكويس انك نبهتني للحوارات ده كلها
وانا أصل كنت باصص للamgفي الأول بس لاقيت انها مش عمليه 3000سي سي يعني بنزين ووترخيص وكلام عبيط كده بس كده مع الخليجي اكيد هبصلها تاني
بس ايه رايك في الكلام المنتشر بخصوص ان المرسيدس التجميع الألماني عيب مش ميزه لان العفشه بتبقى ناعمه قوي عالشارع اللى كله مطبات في مصر وبالتالي بتعمل مشاكل في العفشه في حين ان التجميع المصري بيظبطو العفشه ويخلوها جامده شويه بطريقه معينه تناسب الطرق المصريه والكلام ده انا قريته كتير وناس بيقولو عن تجربه؟!
كلمه اخيره ايه رايك السي 180خليجي كامله وamg أحسن ولا 320i لشاب 21سنه؟
وشكرا على متابعتك معايا بالردود يا أستاذ سمعه
عيوب الbmw
1-توكيل بتاعهم ........* , كل حاجة غالية جداااااااااا و اغلى من توكيل مرسيدس بكتير و بعيدن الخدمة سيئة و الحجز ساعات بيبقى بعد مدة و فى عربيات بتبات و كلام فارغ كدا
2- ال320 شكلها هيتغير بالكتير اوى اخر 2012 يعنى كمان سنتين بالكتير لان الشكل دا موجود من اخر 2005 و الشكل بيعد فى bmw و مرسيدس 7 سنين و بيحصل facelift فى النص يعنى بعد سنتين ان شاء الله هينزل شكل جديد خالص فدى مشكلة لان سعر اعادة البيع بتاع bmw و خصوصا كل ما تعلى فى التمن بيبقى اوحش كتير .
3-نفس رقم 2 , سعر اعادة البيع سىء و خصوصا لما الشكل الجديد ينزل فى 2012
4-العربية نازلة منغير parking sensors و بيتركب فى التوكيل ب 17000 (فقط سبعة عشر الف جنيه) دا كان السعر بالنسبة للx3 من سنتين و تقريبا هو هو بالنسبة لل320 و دا قدام و ورا , ممكن ورا بس 7000 , نفس الكلام برده الكلام دا من سنتين معرفش اسه دلوقتى و الصراحة انا شايف ان دا هبل و خصوصا انى شايف الparking sensors دى حاجة اساسية جداااا و مهمة جدااا جداااا لان حرام تخبط العربية كل شوية و انت بتركن , الحاجة التانية اللى ناقصة الزينون و انا بشوفه فى ال330 جميل جدااااا و حرام برده عربية بالسعر دا منغير زينون و طبعا ممكن تطلبه بس هيخدوا كتير اوى.
بالنسبة للمميزات
1- سعرها نزل جداا لان bmw رخصوا كل اسعارهم مرة من شهرين تلاتة كدا و مرة من اسبوعين تلاتة و بقت ال320 ب 345 الف و فى منها فئة ب365 الف مش عارف الصراحة ايه الزيادة اللى مسالتش , بالمقارنة بسعر المرسيدس الbmw سعرها حلو اوى.
نيجى للمرسيدس
1- العربية شكلها مش هيتغير غير اخر 2014 يعنى لسه فاضل 4 سنين بس نازلها facelift اول 2011 او نص 2011 بس واضح من الصور الخارجية ان التغيير هيبقى بسيط بيقولوا فى احتمال يبقى فى تغيير من جوه بس هيبقى بسيط برده علشان الc دايما بتبقى قريبة من الe من جوه و الe مفيهاش اختلاف كبير فى الشكل عن الc دلوقتى.
2- عيب العربية ان سعرها غالى بالمقارنة بالbmw بس بتاخد بالفرق دا options كتير زى السقف البانوراما جميل جدا (العربية بتبقى لون و السقف لون تانى (اسود)) و الموضوع دا بيعجبنى جدا دا غير انها من جوه بيبقى فيها 2 سقف ورا و قدام علشان كدا بحب البانوراما و نازل فيها الزينون الاصلى بالبخاخات و الparking sensors الاصلية قدام و ورا بس بتدى الوان و صوت بس منغير صورة فى التابلوه (لو اشتريت اللى فيها command aps (الشاشة اللى زى الidrive) ممكن تركبلها كاميرا خلفية اصلى بس مبتركبس فى الaudio 20 اللى بينزل من الc250 ) و فيها smart key و الظريف فى المرسيدس انك ممكن تشيل الزرار و تدور بالمفتاح عادى و فيها كمان فرش جلد طبيعى مش صناعى و طبعا موضوع ال6 dvd دا حلو لان الdvd الواحد بيشيل 5 جيجا الا شوية تقريبا بس ملهاش لزمة اوى برده و ال320 بيبقى فيها harddisk 12gb.
3- سعر اعادة البيع انا متوقع انه هيبقى ماسك نفسه شوية الا لو كان amg بتقل شوية على ما اعتقد , اكيد هيبقى احسن من bmw بس مرسيدس مبقاش اعادة البيع زى زمان , بتنزل شوية فى حدود الطبيعى يعنى.
4- موضوع الخليجى مش عارف ايه نظامه فى الضمان فى الاول خالص اعتقد كانوا بيمشوا الضمان الدولى دا فى مصر و العربية الخليجى بيعتمدوا ضمانها فى الوكيل مش عارف الكلام دا لسه سارى دلوقتى و لا لأ و بتدفع زيادة و لا لأ .
5- فى حاجات مش موجودة فى عربية الوكيل زى الcommand aps و الsmart key مش غارف لو حصل فيهم حاجة قطع الغيار موجودة و لا لأ (بس دى حاجات بسيطة اوى يعنى )
انا لو مكانك اجيب ال180 الخليجى الصراحة , لو مستخسر ال40-60 الف الزيادة يبقى هات ال320 تحفة برده , لو ماكنش الشكل هيتغير كمان سنتين كنت قولتلك الbmw .
بالنسبة للمواتير الاتنين زى بعض بالظبط نفس قوة الحصان و نفس الوقت من 0-100 زى الc180.
بالنسبة لموضوع العفشة فمش عارف الصراحة مقدرش افيدك فيه بس انا رايى تروح تعمل test drive فى التوكيل تركب ال180 و بعديها تنزل تركب ال250 و تشوف فى فرق ملحوظ فى العفشة و لا لأ علما بان العربيية واطية جدااااا و بتحك فى المطبات كتير اوى سواء مصرى و لا المانى
اكتر حاجة زعلان عليها ان ال320 مفيهاش adaptive cruise control (فيها الcruise control العادى) بس مش اللى بيوقف لوحده لما العربية اللى قدامك تفرمل و يتحرك تانى لوحده و لا موجودة فى ال180 , الكلام دا موجود تقريبا فى ال330 و ال180 الspecial edition اللى بتنزل فى المانيا
العفو و ربنا يوفقك ان شاء الله فى الاختيار الاحسن
أنا بعتبر الاتنين سعرهم واحد لا ال320 اللي هيجيبها مش هيجيب العاديه هيقولك وايه يعني ازود 20 واجيب البيرفورمانس وبعد كده طبعا هيركبلها الزينون والباركينج سينسور كده خلاص بقا سعرها متساوي بالمرسيدس
بس انت يامان كده طلعت البيمر كلها عيوب وملهاش مميزات خالص يعني انت مقلتش غير ان السعر ارخص وده خلاص ملهاش لزمه لانها بعد مايتركبلها الأكسيسورز الباقيه هتبقى سعرها متساوي وكمان لو سعرها رخيص هتبقى منتشره وده عيب مش ميزه..وبخصوص الشكل هيا نزلها فيس ليفت في آخر 2008 والاتنين شكلهم هيتغير في 2013
خلاصه الكلام هما متساويين في السعر-الأوبشنز-الشكل الجديد
تفوق بسيط للمرسيدس في سعر اعاده البيع..وتسلم على المعلومات ده كلها انت المفروض ياخدوك معاهم في التوكيل
الفكرة ان العربيتين مفيش كلام عليهم, انا بكتب عن المميزات و العيوب اللى تفرق بينها و بين المرسيدس بس و كلها عيوب فى التوكيل و سعر اعادة البيع و التغيير فى الشكل مش فى العربية نفسها , انا متكلمتش خالص عن العربية .اقتباس:
بس انت يامان كده طلعت البيمر كلها عيوب وملهاش مميزات خالص يعني انت مقلتش غير ان السعر ارخص وده خلاص ملهاش لزمه لانها بعد مايتركبلها الأكسيسورز الباقيه هتبقى سعرها متساوي وكمان لو سعرها رخيص هتبقى منتشره وده عيب مش ميزه..وبخصوص الشكل هيا نزلها فيس ليفت في آخر 2008 والاتنين شكلهم هيتغير في 2013
بالعكس ال320 عربية تحفة و خصوصا بعد الfacelift بس مرسيدس الfacelift بتاعها اخر 2010 و bmw اخر 2008 فعلا يعنى فرق سنتين و نفس الكلام بالنسبة للشكل الجديد هيبقى فى فرق سنتين بينهم.
شكلك عجباك ال320 , اصل الصراحة انت اللى تقدر تحسم المقارنة العربيتين ممتازين جدا و الفرق بينهم قليل فاركب الاتنين و يستحسن لو تعملهم test drive و شوف مستريح لمين فيهم اكتر و خصوصا بعد الtest drive هتقدر تحكم كويس و شوف اول حاجة ضمان الخليجى لان المرسيدس خطر تدفع فيها 400 الف لو معليهاش ضمان.
الخلاصة فعلا هم متساويين فى كل حاجة تقريبا و مبروك مقدما