الكدب

**sara2001** · 09-09-2010 11:04 PM

الأعضاء الكرام
كل سنه وحضراتكم طيبين بمناسبة العيد أعاده الله عليكم بالخير والبركات

أرجو أن تشاركوني بخبراتكم وآرائكم في موضوع معذبني جداً

تتصرفوا ازاي لو اكتشفتوا ان احد المقربين لكم بيكدب وبتتأكدوا ازاي؟
وتعملوا ايه لما اللي بيكدب ده يستخف بعقولكم
بمعنى انه لو كدب في موقف ما لسبب ما وحاولت تستفسر منه
علشان تتأكد من صدق روايته

تتفاجىء بردود وااااهيه وغير منطقيه ويظل مصر عليها
(يعني يا حرااام مش بيلاقي كمان حجه كويسه علشان تضطر تبلعها
وتصدقه وتسكت وامرك لله ..... احياناً الواحد بيبقى عايز يصدق اللي قدامه
مهما كانت الردود غير منطقيه ومنافيه للعقل)

أو تفضل في جدال عقيم مع الشخص اللي بيكدب وتضطر تنهي المناقشه
لأنك ستصاب بالضغط او تبتدي تشك في نفسك وفي قناعاتك

وطالما بدأت تشك في نفسك وفي صدقه من عدمه بدأت رحلة العذاب
لأن كل حاجه هيقولها هيبقى فيها شك حتى لو كان صادق
لأنه هدم جسور الثقه بينه وبينك ........

اعمل ايه؟

**Soma_Sooma** · 09-09-2010 11:57 PM

بصى انا عمتا لما بصادف حد بيعمل كدة معايا مش بسكت ولو سكت فوقت فا بسكت عشان مفيش دليل معايا بس دايما الكذاب بينسى تفاصيل الكذبة و اجى انا بقى بعد فترة افتح الموضوع تانى بشكل غير مباشر ويكون الشخص دة نسى كان قايل ايه بس على مين هههههههههههههههههه انا بكون مركزة و حافظة

ساعتها بقى بتيجى وقت المواجهة ولازم اقول للشخص دة انة بيكذب ولازم يكون فيه عقاب للكذبة دى (والعقاب على قد الكذبة)

لأن فى كذب ممكن يتفوت وفى كذب فية درجات من العقاب وفى كذبة بتجيب من الأخر وتنهى كل حاجة والشخص دة خلاص انتهى من حياتى

ارجوانى اكون افادتك فشئ

**Amr Mohamed** · 10-09-2010 12:52 AM

الحل بسيط انا عملته قبل كده كذا مره مع ناس وبيشتغل لحد دلوقتى يعنى انا عندى وواحد صاحبى راجل ومش خنيق وبد كويس بس مشكلته كان بيحب ياكشن شوية
فمره كان بيحكى حدوته ومسكته فيها يعنى قولتله فل اوى انت مصدق الحكاية اللى انت قلتها دى طيب فكك منى اناوالناس دى احنا مصدقينك لكن انت مصدق نفسك وقعدنا نضحك عليه وعرفناه اننا عارفين انو بيكدب بس بدحك ممكن حضرتك تجربيها وتشوفى اى النظام

**esam_comm** · 10-09-2010 03:20 AM

طيب ايه رأيكم في التجمل
يعني في ناس ساعات بتقول حاجه ماتضرش اللي ادامها بس للخروج من موقف محرج فهل ده شيء عادي ولا كدب برده لاني انا اعرف ناس بتكدب من اجل الكدب وممكن تضر حد بجد بكدبها ده

ايه رايكم في موضوع التجمل ده

**mahmoudysf** · 10-09-2010 04:23 AM

الكلام اللي قولتية ده بينطبق على واحد قريي
وكل اللي حوالية عارفين انو بيكدب
ودايما بيلف ويدور ويحاول يالف اي حاجة المهم يحبك الكدبة باعته

**Soma_Sooma** · 10-09-2010 04:41 AM

المشاركة الأصلية كتبت بواسطة esam_comm

طيب ايه رأيكم في التجمل
يعني في ناس ساعات بتقول حاجه ماتضرش اللي ادامها بس للخروج من موقف محرج فهل ده شيء عادي ولا كدب برده لاني انا اعرف ناس بتكدب من اجل الكدب وممكن تضر حد بجد بكدبها ده

ايه رايكم في موضوع التجمل ده

موضوع مهم موضوع التجمل دة

ساعات بقف فموقف مثلا حد بيورينى حاجة اشتراها ومقتنع ان زوقها حلو ومثلا تسألنى رأيك ايه

بصراحة ببقى مش عايزة اكسفها واقولها وحشة بس بحاول اتوة الموضوع بأى كلام تانى

اما ازاى كان الشخص بيتجمل فا بيتجمل عالناس ازاى يعنى اصل دى بتفرق من موقف لموقف

لكن فى العموم مسموح ان الواحد ميظهرش عيوبة قدام الناس

**sara2001** · 10-09-2010 04:59 AM

المشاركة الأصلية كتبت بواسطة ahmedyehia515

الموضوع ده معقد فعلاً عشان فى ناس مبنتوقعش منهم انهم يكدبوا علينا لأى سبب من الأسباب فلما بيكدبوا و مهما كانت الكدبة صغيرة بيكون ليها تأثير كبير. انا شخصياً فى التعامل مع اصحابى القريبيين بفترض انو بيقول الصدق و مبشكش فيه أبداً بس عادة الكذب ملوش رجلين و الحقيقة بتيان و ساعتها بفقد الثقة فى الشخص ده و الموضوع بياخد وقت لحد ما أرجع أصدقه تانى و بتفضل الكدبة ده زى حيطة مبنية ما بينا.

الشخص اللى بيكدب و بعدين بينكر كدبته هوا شخص لا يستحق انى اصاحبه تانى إلا طبعاً فى ظروف ممكن يكون كان مجبر انو يكدب و فى حالات بتفهم الموقف بس لو مثلاً بكلم واحد صاحبى فى التلفون عشان لقيته سايق جنبى و بعدين رد عليا و قاللى انو مسافر يبقى لازم يكون عتده عذر كويس فعلاً انو يعمل كده بس لو لقيت أعزار "وااهية" يبقى شكراً.

فى حاجة طوول عمرى جدى الله يرحمه كان بيقولهالى " اللى يكدب يقتل " يعنى اللى يكدب فى حاجة صغيرة يبقى مستعد يكدب فى حاجة كبيرة و طبعاً المثل المشهور " من حبنا حبيناه و صار متاعنا متاعه و من كرهنا كرهناه يحرم علينا اجتماعه " و لو صاحبى كدب علىَ يبقى انتقل من الفئة الفئة الأولى للفئة التانية.

ده وجهة نظرى

في حالات ممكن تعذر اللي بيكذب بس لو اعترف بالكذب وشرح أسبابه للكذب
وطبعاً ده في حالة لو الكذب مش متعمد علشان يضر بيه حد

المشاركة الأصلية كتبت بواسطة Soma_Sooma

بصى انا عمتا لما بصادف حد بيعمل كدة معايا مش بسكت ولو سكت فوقت فا بسكت عشان مفيش دليل معايا بس دايما الكذاب بينسى تفاصيل الكذبة و اجى انا بقى بعد فترة افتح الموضوع تانى بشكل غير مباشر ويكون الشخص دة نسى كان قايل ايه بس على مين هههههههههههههههههه انا بكون مركزة و حافظة

ساعتها بقى بتيجى وقت المواجهة ولازم اقول للشخص دة انة بيكذب ولازم يكون فيه عقاب للكذبة دى (والعقاب على قد الكذبة)

لأن فى كذب ممكن يتفوت وفى كذب فية درجات من العقاب وفى كذبة بتجيب من الأخر وتنهى كل حاجة والشخص دة خلاص انتهى من حياتى

ارجوانى اكون افادتك فشئ

هههههههه هي فكره حلوه
ضحكتيني وانا عندي اكتئاااب
بس المشكله بعد فتره انا اللي بنسى سواء الموضوع او التفاصيل
ده غير ان ردود فعلي بتظهر فوراً يعني مش هأعرف اعمل نفسي مصدقه
وبعدين اعمل له مفاجأه

المشاركة الأصلية كتبت بواسطة theblacksword

الحل بسيط انا عملته قبل كده كذا مره مع ناس وبيشتغل لحد دلوقتى يعنى انا عندى وواحد صاحبى راجل ومش خنيق وبد كويس بس مشكلته كان بيحب ياكشن شوية
فمره كان بيحكى حدوته ومسكته فيها يعنى قولتله فل اوى انت مصدق الحكاية اللى انت قلتها دى طيب فكك منى اناوالناس دى احنا مصدقينك لكن انت مصدق نفسك وقعدنا نضحك عليه وعرفناه اننا عارفين انو بيكدب بس بدحك ممكن حضرتك تجربيها وتشوفى اى النظام

طيب ولو قالك ايوه مصدق نفسي هتعمل ايه؟

المشاركة الأصلية كتبت بواسطة esam_comm

طيب ايه رأيكم في التجمل
يعني في ناس ساعات بتقول حاجه ماتضرش اللي ادامها بس للخروج من موقف محرج فهل ده شيء عادي ولا كدب برده لاني انا اعرف ناس بتكدب من اجل الكدب وممكن تضر حد بجد بكدبها ده

ايه رايكم في موضوع التجمل ده

هو الكذب هو الكذب
بس أحياناً الصراحه بتكون فيها قلة ذوق وإيذاء للنفس
لذلك بنضطر للمجامله علشان متضايقش حد
لو حد سأل مثلاً على رأي في حاجه اشتراها وسعيد بيها
وتيجي انت تقوله بمنتهى الصراحه انها سيئه
ومواقف شبه كده كتير

المشاركة الأصلية كتبت بواسطة mahmoudysf

الكلام اللي قولتية ده بينطبق على واحد قريي
وكل اللي حوالية عارفين انو بيكدب
ودايما بيلف ويدور ويحاول يالف اي حاجة المهم يحبك الكدبة باعته

بس ده خلاص معروف انه دائم الكذب
واكيد الناس بتتعامل معاه على الأساس ده
انا كنت اقصد اللي بتكون في مرحلة الشك من كذبهم او مش متوقع انهم يكذبوا

**mr_vampire** · 10-09-2010 09:46 AM

المشاركة الأصلية كتبت بواسطة soma_sooma

بصى انا عمتا لما بصادف حد بيعمل كدة معايا مش بسكت ولو سكت فوقت فا بسكت عشان مفيش دليل معايا بس دايما الكذاب بينسى تفاصيل الكذبة و اجى انا بقى بعد فترة افتح الموضوع تانى بشكل غير مباشر ويكون الشخص دة نسى كان قايل ايه بس على مين هههههههههههههههههه انا بكون مركزة و حافظة

ساعتها بقى بتيجى وقت المواجهة ولازم اقول للشخص دة انة بيكذب ولازم يكون فيه عقاب للكذبة دى (والعقاب على قد الكذبة)

لأن فى كذب ممكن يتفوت وفى كذب فية درجات من العقاب وفى كذبة بتجيب من الأخر وتنهى كل حاجة والشخص دة خلاص انتهى من حياتى

ارجوانى اكون افادتك فشئ

علي فكرة ياسوما انتي اصلي اصلي. ده اسلوبي مع النوعية ده مع البشر بسيبه يقول اللي عايزه واحسسه اني لبست الطربوش وشديته كمان لحد وداني عشان يرتاح بس بيني وبين نفسي ( للحوار بقية وهتجيلي هتجيلي ياعم الحلو).

موقف صغير كدة: مرة واحد صاحبي عامل عليا حوار وانا عارف اصله ايه بس هو مندمج وعمال يلبسني الطربوش وانا مستسلمله عالاخر ( مكنش فيا دماغ اجادل واكذب ) قول ياعم وهات اللي عندك وخلاص اقتنع تماما اني مقتنع بحواره.

جيت فمرة بقي ودماغي فايقة وهو اللي كان فاصل فالفكرة زءزءت في دماغي ( ماتيجي نجيب الحلو ده وهو مانتخ كدة ) قومت فتحت الحوار وش كدة لقيته قالي كلمة واحدة موتتني من الضحك ورديت عليه رد عفوي كدة من غير قصد .

هو قالي : مين الحمار اللي قالك الكلام ده.
انا قولتله: انتا ياعم الحمار اللي قولتلي كدة.
قام قالي: اكيد كنت بكدب عليك.

هههههههههههههههههه زبون زبون وجيت وقتي يامعلم.

من هذا الموقف وانا ماشي علي مبدء ( نيم صاحبك لو هو كداب هتاخد منه خلاصة الكلام). زي اضرب صاحبك لو هما كتير كدة بالظبطططططططططططططط

-

الموضوع: الكدب

LinkBack

أدوات الموضوع

عرض

الكدب - انشر الموضوع فى :

-

-

-

-

-

المواضيع المتشابهه

النظام الفاسد مستمر و الكدب علني و على عينك يا تاجر

من منكم يعرف اللغات التي لاتعرف الكدب

ليه بقى مش بيستخدمو جهاز كشف الكدب و ينجزو ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة