عرض للطباعة
كل سنه وانتو طيبين وعيد سعيد عالأمه الاسلاميه كلها ان شاء الله
يا ترى عندكو اقتراحات لاماكن خروج ممكن الاسره تقضي فيها يوم حلو ويا سلام لو مكان اوبن اير عشان ماشاء الله الجو شكله هيكون حلو ... يعني مكان فيه قاعده حلوه وغدا وكده
ماتبخلوش بالردود بقى عشان عايزين نفسح الحاجه عشان تدعيلنا دعوتين حلوين :Ta_clap[1]:
للأسف انت بتفكر تفكير ال80 مليون مواطن... عليك و ع الصحراوي بقى... اطلع البر زي السعوديين
و حضرتك طيب و بخير
بالنسبه للخروجات انا مبحبش اخرج في العيد خالص و اقعد في البيت اتفرج على الشوارع و هي رايقه و الجراج عندنا فاضي
انا من رأيي الازهر بارك جامده جدا و عائليه بس طبعا هتبقى زحمه
من غير المنصح به نهائيا الخروج في العيد في القاهرة.
لأ هي مش حكاية زحمة و بس.. أنظر الشكل أسفله:اقتباس:
المشاركة الأصلية كتبت بواسطة AboELsoud
http://sphotos.ak.fbcdn.net/hphotos-..._8311741_n.jpg
الصورة متاخدة من مشاركة أحد الزملاء هنا عن مقابلة في العيد :Oc_sun1[1]:اقتباس:
المشاركة الأصلية كتبت بواسطة OlaOsman
ممكن حضرتك تعد فالبلكونة :))
الخروج في العيد ممنوع نهائيا ممكن تاخد اسرتك وتروح افريكانو بارك ودي اكيد فاضيه لانها بعيده جدااااااااااا ومحدش حيروحها
هي في الكيلو 165 طريق اسكندريه الصحراوي وزي حديقه حيوان مفتوحه بس ممتعه جداااا والدخول للسياره مهما كان افرادها بـ 200 جنيه وفي جواها مطعم وفندق لو حابب تقضي ليله وسط الاسود واللذي منه
جزيره القطن
فى الحقيقة احنا مش بنخرج فى العيد نهاااااااااااااااااائى غير مثلا زيارات عائلية
لكن احنا ان شاء الله هنطلع الساحل 3 ايام
ممكن حضرتك تفكر تسافر فيوم مكان بس مش اسكندرية ممكن العين السخنة بتكون رايقة وقريبة عشان الحاجة متتعبش وتدعيلنا :)
وكل سنة وانتم طيبين
زيك ياسومه مسافر بعد شويه ان شاء الله الساحل بصره
لبنان ...
بصرة :E_braces[1]: بس احنا بكرة باليل ان شاء اللهاقتباس:
المشاركة الأصلية كتبت بواسطة MoHaMed HaMeD
مناسبتين اوعى تخرج فيهم
العيد وفوز مصر
بالنسبة ليا
زي أي يوم تاني...هنصلي العيد الصبح
وأنام لحد صلاة الجمعة
وأصحى أغسل العربية وأروح الصيدلية
سريراميس مقضي فيه جزء كبير من حياتي
ووجباته كويسه علطول باكل فيه رز مع الملايكه
وفيه واي فاي علشان تعمل داونلود للاحلام
انا بكره الخروج في اسكندريه في الاعياد اكتر من الصيف
بس احتمال اروح اغير زيت للعربيه
واحتمال اخد الاسره لالاطفال ونروح النادي بتاع اكاسيا
اصلنا لسه مشتركين فيه قريب
حيكون زحمه بس اكيد مفيهوش حلل وعيال بتستحمي في نافوره
---------------------------------
علي الاخوه قاطني الساحل لزوم اماكنهم
البلد مش ناقصه زحمه
اللي عاوز حاجه يقول واحنا نبقي نبعتهاله
متتعبوش نفسكم احنا حنريحكم
اقتباس:
المشاركة الأصلية كتبت بواسطة SHNORY
ليه كدة طيب دانا بقول الاسكندرانية جدعان:hlopaet_prv:
متقلقش مبننزلش اليكس الا مطاعم معينة بس ونرجع الساحل تانى:biggrin2:
مش هنعمل زحمة :):44:
ايوه الاسكندرانيه جدعان وكل حاجه وميرسي ليكياقتباس:
المشاركة الأصلية كتبت بواسطة soma_sooma
بس في الزحمه بنبقي اندال هههههههههه
يعني لو حد فيكم كلمني في العيد وقالي الحقني فرده كاوتش ضربت وعاوزك حقوله بيع العربيه اسهلك
او ممكن اقف الموبايل
انما لو في وقت تاني اكيد قبل ما يقفل السكه حكون قدامه
رايح اليكس تانى يوم ان شاء الله
عليك وع البحر
انا بحضر الشنطة وانشاء الله حصلي وانزل البحر
معاكاقتباس:
المشاركة الأصلية كتبت بواسطة eng/muhamad
الى النخيل
انا الى المنتزهاقتباس:
المشاركة الأصلية كتبت بواسطة abdelaziz-waleed
اقتباس:
المشاركة الأصلية كتبت بواسطة OlaOsman
الصوره قمه القذاره فعلا !!!!! :dontudear:
والخروج فى ايام العيد بيكون من اسوء الخروجات من رأى الا لو ابتعدت عن الاماكن دى وابعد خالص عن كورنيش النيل والحدائق العامه والسينمات كلها حتى لو سيتى ستارز بتبقى زباله وبرضه اسكندريه غير محببه بالمره فى العيد وخصوصا شاطئ النخيل والعجمى واسكندريه نفسها .. يعنى اعتقد الساحل هيبقى كويس لكن اسكندريه بتبقى لمه اوى ..
يعنى ممكن تروح فعلا العين السخنه اعتقد القرى النظيفه الى هناك محدش من الاشكال اللى فى الصوره دى بيقرب منها !
طيب يا جماعه بغض النظر عن انكم حتزحمونا واننا مش طايقينكم
ههههههههههههههههههههههههه ههههههههههههههههههههههههه هههه
اي حد فيكم يحتاج اي حاجه يكلمني وحكون عنده مسافه السكه
ايا كانت الظروف اللي انا فيها وايا كان المكان الي هو فيه
دي نمرتي 0123145607
محدش يتكسف او يتحرج لو محتاجني في اي طوارئ حصلتله
اقتباس:
المشاركة الأصلية كتبت بواسطة shnory
حرام حضرتك انك تقول كده انا عارف ان حضرتك متقصدش طبعا بس ده استهزاء بالملائكه والملائكه مخلوقه من النور ولا تأكل
هو انا فعلا كنت داخلة أصحح لشنوري الكلمة بس حضرتك سبقتني.اقتباس:
المشاركة الأصلية كتبت بواسطة ganash
بس انا كنت داخلة أقول له إسمها رز بلبن مع الملايكة مش رز مع الملايكة :C_laugh[1]:
ما أظنش الموضوع ممكن يوصل لحرمانية يا أخ جانجش، اللي بيقول كده بيقول بحسن نية و ربنا هو أعلم من في الكون بما في القلوب و مطلع على النوايا :M_yes[1]:
كل سنه وانتم بخير
انا طلع رحله صيد فى العين السخنه تانى يوم
هى تحفه بس لازم تحجز يخت
اول و تاني يوم عندي افررررررررررررررررررررررر اح
اموت وافهم الناس اللي بتضيع العيد دي سبحان الله بس برضو ناس تعز عليا لازم احضر
علي فكره انا معرفش انها غلطاقتباس:
المشاركة الأصلية كتبت بواسطة olaosman
بس عموما هي لو فيها مشكله فعمرها ما حتكون حرمانيه ممكن تكون مكروهه
انما مش حرام
وكل سنه وانتي طيبه يا علا
وشكرا ليكي علي ردك
على فكره انا مابحبش الخروج وبتلكك .. بعد كلامكو ده بقى ...... مفيش احسن من العيد في البيت هههههه
انا روحت ف العيد مع 3 شباب صحابى افريكان سفارى بارك ف طريق اسكندريه الصحراوى الكيلو 165 تقريبا كانت بصراحه ممتازه جدا وكان كلها عربيات خاصه مكانش فى اى رحلات خالص ودى ميزه فظيعه .. وقلنا نروح اسكندريه بالمره نتعشى فى بلبع ف الداون تاون فى اول اسكندريه خالص ..والدنيا غايت هنا تمام اوى .. للاسف بعد كده لقينا اننا مطضرين نبات فى اسكندريه لاننا كنا كلنا تعبانين والدنيا بليل وكسل ودى كانت الغلطه الفظيعه فى الرحله وانا من قبل الرحله اصلا كنت ممانع اننا نروح اسكندريه فى العيد لانها بتبقى قمه فى الانحطاط مع ا لناس اللى جايه من الارياف وتحاول تعمل ناس من امريكا والاشكال القذره اللى بتشوفها من ولاد وبنات مع بعض ولا شباب جاين عاوزين يعاكسوا بنات الغير وخلاص ..طبعا الطريق ف اسكندريه كنا هناك على 9 ونص بليل اخدنا الطريق غايت ميامى ف حوالى ساعتييين !!!! زحمه مش ممكن العربيات مش بتمشى خالص وتمنينا اننا نرجع القاهره !!
نزلنا بليل شويه نتمشى على الكورنيش كله مناظر قذره وناس جايبالك موبيلات صينى وقاعدين مشغلين اغانى شعبى مقرفه ولا الموتسيكلات الصينى تلاقى واحد لابس شورط وعريان من فوق ومشغلك البتاع على اخره اغانى شعبى زباله
لا لاسكندريه فى العيد ولا اى مناسبه ( اسكندريه متتراحش غير فى وقت محدش بيروح فيه زى الشتا )