اشتريت عربية لانسر 2008 فضى ميتالك وبعد ما اشتريتها لاحظت انة مكتوب فى الرخصة دهبى ميتالك و انا اشتريتها خلاص و قارنت رقم الموتور و الشاسية طلعوا مظبوطين ف خايف تكون العربية ملهاش ورق او حاجة كدة
عرض للطباعة
اشتريت عربية لانسر 2008 فضى ميتالك وبعد ما اشتريتها لاحظت انة مكتوب فى الرخصة دهبى ميتالك و انا اشتريتها خلاص و قارنت رقم الموتور و الشاسية طلعوا مظبوطين ف خايف تكون العربية ملهاش ورق او حاجة كدة
بص من رأي اعمل محضر اثبات حالة عشان الكماين و بعدين ورقها مكتوب لونها اييه عشان تعرف الغلط من المعرض ولا المرور بس اعمل المحضر بسرعه .. وانشاء الله بسيطه
انا اخدت منة الرخصة و كتبنا عقد البيع بس معيش ورق تانى و قلقان جدا ربنا يسترها
و فية حاجة ثانية انة المريات مش بنفس لون العربية
شكلها عامل حادثة ومغيرة لون"
متقلقش قوي ......كتير بيبقي مهندس الفحص محوللل واللونين من بعيد و خصوصا لو في شمس بيلخبطوا
وساسعات كتير اصلا بيسال مالك العربيه العربيه لونها ايه عالم في التراوه
و لو رشها كلها هيستخسر في المرايات؟؟؟
مش ممكن يكون العكس و المرايات اتكسرت و جاب غيرهم عشان يبيعها شكلها كويس و مرشهمش صح؟؟؟؟
تفائل خير ان شاء الله و روح اكشف عليها في التوكيل او في حته كويسه و شوف
او بص علي كود اللون اسهل ((بس بصراحه معرفش هو فين في اللانسر))
ياباشا طلاما رقم الشاسيه والمتور مظبوطين وانت بترخص اثبت اللون الجديد ف الرخصة وخلاص ودا مش هيكلفك 20 جنيه على بعض
س العرعربية دواخلها لونها ايه ؟؟؟؟
انا بصيت على كود اللون لقيتة a17 بس مش عارف عبارة عن اية لو حد يعرف يا ريت يقولى؟
ال a 17 معناه ان لون العربيه ذهبي ميتالك
العربيه ده لونها الاصلى ذهبى ميتالك لازم تروح لسمكري كويس يكشف على العربيه سشوف ايه قصتها؟؟؟
أنا معايا لانسر 2007 كنت شايفها زيك كده لونها فضي بس هي مكتوبة في الرخصة ذهبي ولما روحت أرخص من خمس شهور المهندس قال لونها ذهبي مظبوط وأنا وكل أصحابي شايفينها فضي متخفش حتى أنا أتناقشت مع المهندس ولما زهق مني بص على الدواخل والفليتو وقالي العربية زيرو ولونه ذهبي
علي فكره انا كان معايا عربيه دايو بردوا مكنتش عارف لونها فضي ولا ذهبي وبعد كدا عرفت ان لونها ( شامبين ) مش معروف دا فضي ولا دهبي وكنت اول مره بصراحه اسمع عن اللون دا فانشاء الله خير وكل سنه وانت طيب
و انت طيب يا باشا انا رحت لسمكرى و قالى انها مش رشة و قالى هيا ممكن تكون المريات سودة عادى بس كنت عايز اعرف هيا خليجى ولا مصرى و ل اردنى ازاى ؟؟؟؟؟؟؟؟؟؟؟ على فكرة هيا مانيوال 1300 و فيها ايرباج للسائق بس
دلوقتي فية الوان جديدة بتبقى بين الفضي و الدهبي انا باسمية ترابي ميتاليك لأنة زي لون التراب (العفرة)
زي بتاع الشيروكي الليبرتي هو بيبقى دهبي باهت قوي ماتميزش ان كان فضي و للا دهبي
طالما كلهم قالولك ان العربية سليمة و فابريقة مش مغيرة نص مثلا و لا حاجة لا قدر الله يبقى اتطمن خير ان شاء الله اتقلقش
و المرايات عادي انها تكون سوداء مش كل العربيات بتبقى مرشوشة لون البودي
انا عندي ابن خالي معاة ديوا لونها دهبي بس في الرخصة مكتوبة فضي
عادى الون ده اسمه شامبين وده لا هو فضى ولا دهبى ده شامبين بس بيتكب فى الرخصه
دهبى
والعربيه خليجى او وكيل ازاى اقولك انا
الوكيل بيبقى الاريال فى القايم
انما الخليجى بيبقى السقف ورا فى النص
عادي
عربيتي نفس اللون ومكتوب في الرخصه ذهبي وهي لونها شامبين
بص ياباشا
من واقع الخبرة
اولا فى درجات لونيه بتكون خارجه من المصنع وليها اسم مثلا زى ذهبى ميتالك بس هى بتميل للفضى ( مثلا فى النيسات صنى )
ثانيا احياناً بتحصل ان اللى بيفحص العربيه فى المرور بيكون انعكاس الشمس مخليه شايفها ذهبى او بيكون عنده عما الوان
فا متقلقش خالص الموضوع بسيط جدا لانها حصلت مع واحد صديقى عربيته هو اول يد ليها وهى لونها فيرانى ميتالك وكانت مترخصه فسدقى ميتالك تخيل العمـــــــــــــا وبعد كده وهو بيجدد عملها ببساطة ومن غير مشاكل خالص
بس حضرتك ممكن تشوف اللون اللى فا القوايم والحوض وتقارنه باللون الخارجى مع مراعاة العوامل الجويه وكمان لو العربية راشه بره ممكن يكون فيه اختلاف بسيط جدا
وبالنسبة للمرايات ان لونها مختلف ممكن تكون المرايات اتخربشت منه وهو رشها واختلاف اللون ده وارد
المريات لونها اسود انا الى فاهمتة انة دة فى الخليجى 1300 مانيوال عادى صح ولا انا غلطان؟
لا البومه طول عمرها مراياتها بلون العربيه
البوما الخليجى 1300 مانوال gl مراياتها سودة ومافيش سماعات ورا