جوله من داخل الشارع المصرى

**Super_Star_h** · 10-09-2010 05:17 AM

السلام عليكم ورحمة الله وبركاته

انا معنديش مشاكل والحمد لله ربنا ساترها
والعربية زي الفل الله ما صلى ع النبى
المهم انا عايز اتكلم فى موضوع الناس اللى خايفه تشترى اللوجان
انا لغايت دلوقتى ناس كتيره اوى اوى معرفهاش
بتقابلنى فى الشوارع وفى الطرق وانا ماشى
بيسألونى العربيه دى اخبارها ايــه ؟
مره واحد راكب عربيه فيرنا عمال بيجرى ورايا على البحر ومتابعه انا فى المرايا
انا قولت ده مجنون شكله عايز يشد معايا ولا ناوى يخبطنى !!
المهم افسحتله الطريق جى جنبى وبيسألنى العربيه دى اخبارها ايه ؟؟
ومره واحد راكب عربيه شاهين وعلى البحر برضو
جى جنبى ويقولى اخبار لوجى ايه ؟
وكذا واحد يقابلنى عند الميكانيكى وبتاع الزيت ويقعد يسألنى ويتفحص ويتمحص
واخرها النهارده بركن عند القهوه اللى بقعد عليها
لاقيت اتنين جايين يبصولى من الشباك انا قولت دول مخبرين .. بسم الله الرحمن الرحيم
المهم بيقولى العربيه دى اخبارها ايه
وموديل 2011 فيه اختلاف ؟؟
وانا بقى من واقع خبرتى ومعرفتى بأخر الاخبار هنا فى القسم
عرفت انها مافيهاش اختلاف
قولتله لا زيها زي موديل 2010
وقالى طب فيها مشاكل ؟
قولتله الحمد لله معايا بقالها دلوقتى 10 شهور تقريبآ داخله على سنه
محصليش الا العفشه بس روحت التوكيل عشان تتربط ومبعملهاش صيانات كمان
والحمد لله يعنى ماشى بيها كتير اوى بس محافظ عليها جدآ زي ما انت شايف
قالى اصل انا بفكر اشتريها وكله عمال يخوفنى ويقولى اعادة البيع وقطع الغيار
قولته طب انت ناوى تبيع ؟ قالى لا انا هقعدها العمر كله معايا
قولته خلاص يبقى شيل النقطه دى على جنب دلوقتى
وقطع الغيار قالى انا شايفها رخيصه عكس اللانسر مثلآ والموديلات دى
بس الناس عملتلى بوليكه على الفاضى وخلاص
قولتله العربيه دى قريب جدآ كمان هتلاقى قطع غيارها عند البقال من كل شكل وكل نوع
وايه اخبار وسعها من جوه ؟؟
عربيه واسعه من جوه عكس الفيرنا والانوس وعاليه جدآ عن الارض
ومريحه جدآ وثابته وعفشتها ناعمه جدآ وجميله
وواحد تانى قابلنى امبارح برضو فى نفس المكان
قالى المغربى دى ؟ قولتله اه .. قالى انا معايا الاوربى
قولتله اه قصدك الرومانى
قولتله ايه اخبار تقفيلها وكده قصاد المغربى ؟
قالى الرومانى تقفيلها انضف من المغربى
والمغربى برضو مش وحشه وهى عربيه كويسه مقارنه مع غيرها
وناس كتير اوى والله سألتنى وما شاء الله
واضح ان الناس كلها بدأت تكبر دماغها من الفيرنا والانوس وزهقت منهم خلاص وعايزين ينضمو للوجان
بس خايفين منها زي ما لحظتو
لان الفتايين كتيره اوى

وكل سنه وانتم طيبين

**ahmad--ezzat** · 10-09-2010 05:27 AM

فعلا...اللوجان عربيه جديده ومختلفه ومميزه عن الفيرنا....والله انا انهرده كان ماشى قدامى فيرنا على حوالى 60....عربيه ريشه والهواء بيجيبها ويوديها وبتتنطط وحاجه تخوف....اللوجان عربيه اكثر احتراما

ربنا يسطرها معانا

**AirForces** · 10-09-2010 05:28 AM

فكرتنى بأول ما جبتها بعدها بكام شهر كدا ماشى بيها وبعدين ركنت قدام بيتنا لقيت واحد راكب لادا كان ماشى ورايا بقاله فترة وبعدين راح راكن مرة واحدة قدامى ونزل ولقيته جاى عليا اترعبت قولت انا اكيد عملتله مصيبة او كسرت عليه وانا مش واخد بالى لقيته بيقولى إيه اخبار العربية دى يا باشا عشان بفكر اجيبها
وبرضو كذا واحد سألونى عليها لما بكون واقف فى إشارة

كل سنة وانت طيب :)

**nour_nrc** · 10-09-2010 06:27 AM

انا لسه العربية بقالها يومين معايا كنت واقف في شارع التحرير في الدقي قدام طازة وانا كنت بجيب سندوتشات لقيت اتنين شباب بيلفوا حوالين العربية انا قولت بيعاكسوا مراتي ولا ايه بس قربت لقيت مراتي بتقولي بيشوفوا العربية وواحد قال للتاني هو ده اللون اللي انا حجيبه ( الفيراني) انا بجد لو حد فيهم سألني كنت خليته كمان ركب العربية لاني انا كنت زيهم بالظبط

بجد لوجان وبس

ربنا يحفظنا من اعين الحاسدين والحاقدين ويكتب لنا الخير حيث كان ويرضنا به ........................

ويكفينا شر الطريق و يكتب لنا السلامة ويحفظ ما مملكت ايدينا

**M_Rehawy** · 10-09-2010 08:25 AM

ياريت يا جماعة نخلي بالنا من اللفظ في الكتابة

المشاركة الأصلية كتبت بواسطة super_star_h

والعربية زي الفل الله ما صلى ع النبى

معنى المكتوب ان الله لم يصلي على النبي والمفروض تكتب اللهم صلي على النبي
"اللهم" في اللغة العربية تعني يا الله

المشاركة الأصلية كتبت بواسطة ahmed_nubira

ربنا يسطرها معانا

المفروض تكتب ربنا يسترها معانا ويسترها هنا من الستر

**best2010** · 10-09-2010 08:58 AM

نفس اللى حصل معايا كنت راجع من اكتوبر ولقيت واحد عمال يشاورلى علشان اقف .. انا فكرت فيه حاجة عندى الكوتش نايم او حاجة ، ولما وقفت لقيته عمال يسألنى عن العربية واخبار التكييف و .. الخ ولما لقيته هيطول قولتله يدخل على منتدى نايل موتورز وهو هيعرف كل حاجة عن العربية ..
فعلاً العربية مثيرة للفضول

**ahmad--ezzat** · 10-09-2010 09:43 AM

المشاركة الأصلية كتبت بواسطة M_Rehawy

المفروض تكتب ربنا يسترها معانا ويسترها هنا من الستر

انت زعلان كده ليه بس

انا اسف متزعلش...مقدرش على زعلك ابدا

دى غلطه كتابيه

ابقى اشوووووووووووووفك بقا غلطان فى حرف

**M_Rehawy** · 10-09-2010 11:51 AM

المشاركة الأصلية كتبت بواسطة ahmed_nubira

انت زعلان كده ليه بس

انا اسف متزعلش...مقدرش على زعلك ابدا

دى غلطه كتابيه

ابقى اشوووووووووووووفك بقا غلطان فى حرف

انا مش زعلان ولا حاجة والحمد لله انها غلطة كتابية بس وصدقني لو كانت الغلطة في وسط كلام عادي مفيهوش لفظ الجلالة انا مكنتش فتحت بقي خاااااااااااااالص.

وربنا يستر بقى عليا ومغلطش في حاجة لاحسن اتظبط

**ahmedbakr50** · 11-09-2010 07:31 AM

انا برده كل شوية واحد يوقفنى
الناس خلاص زهقت من الفيرنا واللانوس

**amr.elsayed** · 11-09-2010 02:22 PM

طيب حاحكيلكوا على حاجة حصلت معاية من يومين قبل العيد
كنت واقف عند واحد بتاع اكسسوريز بشترى معطر وكام حاجة كدة ... لاالمهم جالى واحد قالى ممكن ابص على حاجة
فا انا مش عاجبنى الموضوع وتنحت شوية .. وكنت عايز اقوله روح اتفرج عليها فى المعرض بس قولت بلاش وعيب وكدة
المهم قولتله اتفضل قالى لأ انا عايز افتح الكبوت انا تنحت تانى .. المهم فتحتله الكبوت فضل يبص يمين وشمال جنب الماتور
المهم قولتله فى حاجة عايز تسأل عليها اساعدك قالى لأ انا ميكانيكى وان شاء الله ناوى اشتغل فيها بس العربية جديدة وعايز افهمها كويس
انا مابقتش عارف اقوله ايه .. عايز اقوله انت جاى تتعلم فى عربيتى ؟ .. وفى نفس الوقت انا مبسوط من اللى هو بيقوله هههههه
ميكانيكى بيحاول يتعلم صيانة اللوجان علشان يبدأ يشتغل فيها والله حاجة تطمن وان شاء الله عربية اصيلة وربنا يباركلكوا فيها جميعا
وكل سنة وانتم طيبين

الموضوع: جوله من داخل الشارع المصرى

LinkBack

أدوات الموضوع

عرض

جوله من داخل الشارع المصرى - انشر الموضوع فى :

-

-

-

-

-

-

-

-

-

المواضيع المتشابهه

الله عليكى يابلدى-- جوله مصوره داخل احدث وانضف مصنع فى مصر -- فيه امل ياجماعه

صور من الشارع المصرى

جوله بالفيديو داخل مصنع بروتون ماليزيا

جوله مصوره داخل جناح " فيات " بمعرض اوتوماك

طرائف الشارع المصرى

الكلمات الدلالية لهذا الموضوع

المفضلات

المفضلات

ضوابط المشاركة