الموضوع: كيا شوما أم أكسنت (شكل قديم)

المشاركة الأصلية كتبت بواسطة kamalsalem

بص انا كان معايا شوما بتاعة حمايا كنت طالع بيها الساحل.. جرايا اوي بس لازم تلاقي منها نضيف عشان الصالون صعب تلاقيله حاجة

مع العلم انه حمايا كان حاطط فيها بنزين 80 ومكانش قايللي... ف ده معناه انه العربية دي طيارة ما شاء الله عليها

طب ياباشا بعد اذنك ممكن تقلى العربية عاملة ايه فى الجرى يعنى لما بتعدى ال 120 وضع العربية على الطريق ايه تقيلة كده ولا بتيتقى خفيفة واى شوية هوا يهزوها

الشوما طبعا افضل بس تقلق من ناحية قطع الغيار
البديل ليها السيفيا ممتازة

الشوما طبعا كانت مع والدى جرايه فعلا وبعد ال3000 ار بى ام بتطير وصوتها رائع سفينه يعنى كل الحاجات واسعه الكرسى بتاعها واسع جدا والشنطه وثابته جدا على الطريق بجد حتى بعد ال120 وفعلا قطع الغيار مشكله شويه انها اغلى بس عربيه محترمه والحمد لله فعلا كانت تحفه بس مشكلتها انى مكنتش بشوف اللى ورا الشنطه عاليه اوى

المشاركة الأصلية كتبت بواسطة kodak_gti

الشوما طبعا افضل بس تقلق من ناحية قطع الغيار
البديل ليها السيفيا ممتازة

والله اكثر من اخ هنا قال ان قطع الغيار موجودة ومش نادرة يعنى فربنا يسهل

المشاركة الأصلية كتبت بواسطة wael2sh

لو استقرت على الشومة افضالك تدور على سفيا نفس العربية الشومة بالضبط في كل حاجة بإختلاف الشكل الخارجي نفس الموتور و العافشها و الصالون و سعر بيع أحسن و مطلوبة عن الشومة أنا ركبتها حوالي أرْبع سنين و كنت بمشي بيها على 180 we-190 كانت زي الفلل معايا و بالتوفيق في الشراء ,,,

مشكور اخى على الرد
بس مشكلتى انى معجب بشكل الشوما عن السيفيا دااخل دماغى اكتر ..................ربنا يستر

أنا أنصح حضرتك بالسيفيا ، عربية ممتازة عن تجربة ، موتورها تحفة وجراية ، وشيك من جوا وبرا ، وقطع غيارها متوفرة

وأنا أعتبرها فئة أعلى من الأكسنت واللانوس

المشاركة الأصلية كتبت بواسطة abdo_eldesokey

أنا أنصح حضرتك بالسيفيا ، عربية ممتازة عن تجربة ، موتورها تحفة وجراية ، وشيك من جوا وبرا ، وقطع غيارها متوفرة

وأنا أعتبرها فئة أعلى من الأكسنت واللانوس

الف شكر ياباشا على النصيحة وربنا يكتب الخير بأذن الله