فورد فيستا ماتور خفيف وكام استفسار كده من اهل الخبره

بسم الله
اولا بجد انا انبهرت من المنتدى ده ومن اعضائه
لانه منظم جدا ماشاء الله وكل قسم فيه ناس مختصه:8_8_13:
وفاهمه فيه كل حاجه ودى حاجه تريح جدا جدا الناس اللى زى كده:S_thum1[1]:
المهم انا معايا فورد فيستا موديل 97 العربيه فابريكه من جوه بالكامل
فيها خبطه صغيره اوى فى الشنب ومردوده على البارد التكيف محتاج
شحن فقط العربيه ماتورها خفيف وبتطلع دخان ابيض من عند الماتور ومن
الشكمان من الخلف وكمان ساعات لما بكتون سخنه وماشى بيها مسافه مثلا نص ساعه
لو بطلت منى بتتاخر جدا فى الدواره لدرجه انى بقتح الكونتاكت
واضغط على دواسه البنزين على الاخر مش اكارك فقط لا اضغط عليها على الاخر
علشان تلقط وتدور :U_thin1[1]:
عندى بقى 3 استفسارات العربيه دى تعملها كام تقريبا انا خلاص اشتريتها
بس قلت اسالكوا لانكو خبره تعمل كام تقريبا وهيه زى ما قلت حالتها نضيفه وبيتى
االسؤال التانى الماتور الخفيف ده طقم شنبر فقط والا ممكن اكتر واجيبه منين ويتكلف كام
السؤال التالت موضوع انها تغيب فى الدواره ده من ايه بالظبط
الطلب الرابع والاخير واسف جدا على الرغى ده والطلبات الكتيره :B4_556:
انا شغلى فى اخر مكرم عبيد عندى محل فى السراج مول ومعظم الوقت هناك
لو فى ميكانيكى متخصص للفورد
ياريت تدونى عنوانه اكون شاكر ليكوا واتمنى محدش يبخل عليا بالرد
وكل سنه وحضراتكوا بخير وبصحه وبسلامه
اخوكم الفورداوى الجديد محمد:Y_hi_3[1]::36_7_7[1]:

جـ1 . مش عارف بقالي فترة مش متابع السوق .
جـ2 . لا بيطلع دخان من الشكمان اعتقد صعب يكون شنبر انت كدة بتتكلم في عمرة كاملة و انصحك بموتور استيراد افضل و اسرع و اضمن
جـ3 . غيبة الدوارة نظف الكاربراتير و غير بوجيهات و فلاتر هواء و بنزين لو الموضوع مرحش يبقي شيك الموبينة
جـ4 . جنبك الاسطى حمدي قريب منك قوى

اقتباس:

---

المشاركة الأصلية كتبت بواسطة ayabooy

جـ1 . مش عارف بقالي فترة مش متابع السوق .
جـ2 . لا بيطلع دخان من الشكمان اعتقد صعب يكون شنبر انت كدة بتتكلم في عمرة كاملة و انصحك بموتور استيراد افضل و اسرع و اضمن
جـ3 . غيبة الدوارة نظف الكاربراتير و غير بوجيهات و فلاتر هواء و بنزين لو الموضوع مرحش يبقي شيك الموبينة
جـ4 . جنبك الاسطى حمدي قريب منك قوى

---

شكرا ياباشا على سرعة الرد
اللى اعرفه فى كل العربيات والله اعلم ان الماتور لما بيكون خفيف
بيطلع دخان ابيض من الشكمان لان الشنبر بيكون مفكوك شويه
وبيسرب زيت على الماتور وبيطلع على هيئه دخان ابيض والله اعلم
نظفت الكربراتير وغيرت بوجيهات وفلاتر اعتقدج ده مش عيب الحاجات دى
لانها مش بتغيب فى الدواره الصبح اول ما بدورها بالعكس هيه ماشاءئ الله
تمام اوى لكن المشكله لما بكون ماشى بقالى نص ساعه مثلا وتبطل غصب عنى اجى
ادور تتاخر اوى
وياريت بالله عليك توصفلى مكان الميكانيكى بالظبط او رقم تليفونه لو تسمح

معلش مجرد سؤال كل الي حضرتك كاتبة عن العربية وحالتها نضيفة طب اية بالظبط الي نضيف؟؟؟؟؟؟؟؟؟؟
نصيحة شوع عربية واقفة علي حيلها احسن متجيب عربية تعبانة وتشدها بنفسك هتتعبك اوي.

اقتباس:

---

المشاركة الأصلية كتبت بواسطة egytamer

معلش مجرد سؤال كل الي حضرتك كاتبة عن العربية وحالتها نضيفة طب اية بالظبط الي نضيف؟؟؟؟؟؟؟؟؟؟
نصيحة شوع عربية واقفة علي حيلها احسن متجيب عربية تعبانة وتشدها بنفسك هتتعبك اوي.

---

ياباشا المشكله كلها فى الماتور فقط
وانا مش واخده بايظ ده خفيف شويه
بس انا مش بحب اسيب حاجه فى العربيه خالص
والماتور الخفيف امره سهل جدا لو باظت خالص هغيره
وهجيب واحد تانى انا بسال بس علشان اكون ماشى صح

كون المشكلة بتظهر لما العربية تسخن بس يبقي ده عيب موبينة او مارش

(معلش مجرد سؤال كل الي حضرتك كاتبة عن العربية وحالتها نضيفة طب اية بالظبط الي نضيف؟؟؟؟؟؟؟؟؟؟
نصيحة شوع عربية واقفة علي حيلها احسن متجيب عربية تعبانة وتشدها بنفسك هتتعبك اوي. )

أنا مع الرأى ده لأنى مرة قعدت أشد فى عربية فولكس 6 شهور وطلع عينى بين الميكانيكية وبعدين كل ده علشان كان سعرها حلو وصرفت عليها أكثر من تمن النضيفة لو العربية موتورها تعبان يعنى ماشية كتير هاتلاقى جنب الموتور كهرباء السيارة تعبانة العفشة تعبانة لو دفعت زيادة وخدت عربية بحالة ممتازة انت الكسبان

ياجماعة الراجل إشترى خلاص بلاش تفضلو تقولو بلاش منها والكلام ده, ربنا يباركلو فيها ومادام أساسيات العربية سليمة كل حاجة ممكن تتصلح
بالنسبة للسعر ممكن نقول في حدود من 18 ل 20 ألف جنيه تقريباً
انا بعت عربيتي ب 20

بالنسبة للموتور هو مش هيبان إذا كان طقم شنبر بس ولا أكتر من كدة إلا لو إتفتح بس لو كان الموتور صوتة ناعم ومفيش صوت خبط إن شاء الله يكون شنبر بس شوف ميكانيكي كويس وبالنسبة للموديل ده بالذات مش لازم يكون متخصص فورد لأن العربية دي كانت معايا 4 سنين وعمري ماروحت لمتخصص فورد في ميكانيكا أو عفشة الحمد لله أنهم كلهم بيستهبلو في المصنعية جداً
والعربية دي مافيهاش حساسات ولا محتاجة أجهزة كشف أعطال يعني بالنسبة للموتور شغلة في سهولة الشغل في الفيات 128

بالنسبة لموضوع التأخير في الدوارة والعربية سخنة خليه لما تخلص شغل الموتور إنشاء الله هنلاقيله حل لو ماإتحلش لوحده

اقتباس:

---

المشاركة الأصلية كتبت بواسطة reamoz

ياجماعة الراجل إشترى خلاص بلاش تفضلو تقولو بلاش منها والكلام ده, ربنا يباركلو فيها ومادام أساسيات العربية سليمة كل حاجة ممكن تتصلح
بالنسبة للسعر ممكن نقول في حدود من 18 ل 20 ألف جنيه تقريباً
[gdwl]
انا بعت عربيتي ب 20
[/gdwl]
بالنسبة للموتور هو مش هيبان إذا كان طقم شنبر بس ولا أكتر من كدة إلا لو إتفتح بس لو كان الموتور صوتة ناعم ومفيش صوت خبط إن شاء الله يكون شنبر بس شوف ميكانيكي كويس وبالنسبة للموديل ده بالذات مش لازم يكون متخصص فورد لأن العربية دي كانت معايا 4 سنين وعمري ماروحت لمتخصص فورد في ميكانيكا أو عفشة الحمد لله أنهم كلهم بيستهبلو في المصنعية جداً
والعربية دي مافيهاش حساسات ولا محتاجة أجهزة كشف أعطال يعني بالنسبة للموتور شغلة في سهولة الشغل في الفيات 128

بالنسبة لموضوع التأخير في الدوارة والعربية سخنة خليه لما تخلص شغل الموتور إنشاء الله هنلاقيله حل لو ماإتحلش لوحده

---

مبروووووووك يا معلم كنت لسة في بالي اسالك عملت ايه
المهم اشتريت حاجة ولا لسة

الله يبارك فيك ياباشا
انا بعت بسرعة علشان كنت مسافر وكان وقتي ضيق
انا دلوقتي في قطر وبدور على حاجة كويسة وربنا يسهل إن شاء الله

انا معايا فورد فيستا 1999..ما مشيتش غير 40 الف كم.بجد اصحابى اللى عندهم مرسيدس بيحلفوا انها اخف و اسرع واقوى منهم...انا عشان كده مخليها للنزاهة والسفر الطويل و عندى عربية تانية..و كمان تكييفها قوى مبيتأثرش بالسحب..وقطع غيارها متوفرة و اسعارها ارخص من اليابانى.عندنا فى طنطا عند نشأت فوزى..و كلة موجود...توكل على الله واشترى ومش هتندم.رقم تليفونى 0115029940