سؤال لاهل الخبره الفنيه

عرض للطباعة

10-09-2010, 11:57 AM
beetleMOSH

سؤال لاهل الخبره الفنيه

اولا كل سنه و انتوا طيبين
وعيد سعيد علينا كلنا ان شاء الله

ثانيا بقى
انا عايز اعمل عده بس فى البيت
بس مش عارف اجيب كهربا للجى امات منيين
اجيب الل 12 فولت دول منين
هل الادابتر ده ينفع
و هايستحمل الحمل
انه يقوم كاسيت
و 2 جى ام ( ممكن اكتر )
و زيرو باور و الليله دى كلها ؟!

بفكر فى حاجه تانيه صايع برضه
بس دى عايزه واحد صايع برضه فى الكهربا
عشان انا ابيض فى الحوار ده

ينفع استخدم مكونات الصب الكريتف فى التحم فى الاوبشن
يعنى مثلا
البتاعه بتعات الفوليم
دى ممكن مثلا اوصل عليها سلك الريموت
و اول مفتحها يفتح الجى ام
و هكذا بقى للسماعات او الصب ؟؟؟
ولا ايه انا بهزى و مفيش حاجه من الكلام ده
معلش طولت عليكوا بس مش عارف اعمل ايه فى موضوع الكهربا ده ؟!
10-09-2010, 01:04 PM
Adham

الادابتر الصغير دة ماينفعش علشان بيدي بالكتير 1 أمبير (1000 مللي أمبير)

تنزل للنخيلي في باب اللوق و تشتري ترانس 12 فولت 500 وات مثلا او عالاقل 200 وات
10-09-2010, 01:15 PM
abdo1234456

بص يا معلم انت جيت للى هايفيدك فى الحوار ده
لامؤاخذه يعنى للناس الموجوده بس أنا مشغل عندى على الكومبيوتر 2 جى ام من سنتين
بس خدبالك البييز بتبقى فظيعه لو الحجره مقفوله بيبقى الزجاج بتاع الشبابيك هايتكسر
المهم بعد الرغى ده

شوف انت عايز تعمل ايه وقولى وانشاء الله أفيدك
ولو عايزنى أبقى معاك على الايميل فى التركيب خطوه بخطوه مفيش مانع أنا فى الخدمه
المفيد
انت عشان تشغل الجى ام لازمك باور سبلاى بتاع كومبيوتر هتلاقى الوصله بتاعت الهارد ديسك (الباور) فيه 3ألوان الأصفر وده 12 فولت
و الأسود وده الأرضى بس فيه اتنين أسود واحد 12 وواحد 5 فولت(طبعا انت هتجرب لأن ال12 هو اللى هيشغلك الجى ام )
و الأحمر (وده مش هتحتاجه)

التوصيل

هتوصل الأصفر فى مكان ال12 فولت وهتوصل الأسود مكان الأرضى
وهتاخد وصله من الأصفر توصلها مكان ال Rem اللى فى النص وكده الجى ام قايم باور معاك يا معلم

شوية ملاحظات
حاول ان الباور يكون بيطلع الأمبير المناسب للجى ام وهتعرف منين الأمبير هاتلاقيه مكتوب على الفيوز أو جنبه (اللى فى ظهر الجى ام)
مثلا (30A .25A)

فى الغالب ده اللى أنا فهمته من حضرتك لو فيه حاجه تانيه أنا تحت أمرك ولو حبيت نتكلم على الميل مفيش مشاكل أبعتو لحضرتك على الخاص
وآسف على الاطاله
10-09-2010, 01:35 PM
beetleMOSH

الف شكر يا ادهم بيه
و انا قلت برضه ان الادابتر الصغير ده مش هاينفع
و هاشوف انا موضوع الباور سبلاى ده

عبده باشا .....
بالظبط هو ده اللى انا قصدى عليه
بس لو فيها رخامه ممكن تقولى انت عامل ايه
يعنى موصل ازاى و فى كاسيت ولا انت عامل ايه يعنى
عشان ابقى فاهم برضه

واللى انا بفكر فيه
4 سماعات 500 كينوود
و 2 صب بايونيير
على 2 جى ام مثلا
و ممكن ازود جى ام كمان
بس لسه يعنى هظبط الدنيا
بس لما اعرف ايه المطلوب
لازم اجيب كاسيت ولا انت عامل ايه ؟!!!
10-09-2010, 01:49 PM
Adham

السماعات و لا الصب مايفرقوش في اي شيء في الحسبة دي

انت تحسب الامبليفيرات محتاجة كام امبير (او كام وات استهلاك قدرة) و بناء علية توفر باور صبلاي او اتنين (باور صبلاي لكل جي ام) بحيث يبقوا قادرين على امدادهم بالتيار بالقوة المناسبة

و راعي ان الوات = فولت * أمبير

يعني لو الامبليفير 10 امبير و بمعلومية انة بيشتغل 12 فولت يبقى انت محتاج باور صبلاي = 10 * 12 = 120 وات

بس خللي بالك ان فولت العربية بيبقى متغير بسبب شحن الدينامو بس غالبا بيبقى حوالين ال13.8 فولت و بالتالي الامبليفيرات بتشتغل من 11 فولت و شوية و تقبل لغاية حوالي 15 فولت (راجع كتالوجهم او مواصفاتهم من التكت اسفل الامبليفير)

المهم ان لو وصلتهم على 12 فولت الاداء حايبقى اقل من أدائهم في السيارة

لو تقدر تجيب ترانس 13.8 فولت 500 وات من النخيلي يبقى انت عملت صح الصح
10-09-2010, 02:20 PM
abdo1234456

بص حضرتك أنا مشغل على الكومبيوتر مش عندى كاسيت ولو حضرتك عاوز تشغل كاسيت مفيش مشاكل بس أنا شايف انه ملوش لازمه تمام
المهم أنا مشغل 2 جى ام واحد سونى اكبلود 600 وات وده مشغل عليه صبين واحد صينى (مركبه على بازوكا) والتانى جى بى ال وده فى صندوق
بالنسبه للجى ام التانى سيمفونى وده موصل عليه 4 بيونيير بيضاوى 4واى وموزعهم فى الحجره بس فى صناديق صغيره كده لأن السماعات كلها 4 أوم يعنى لازم تركبلها صندوق
وواخد وصلة صب عاديه 2فى1 ومدخلها فى السيمفونى وواخد وصلة أوديو زى بتاعة الرسيفير (الحمرا والبيضا) وموصلها فى الاين أود بتاع السيمفونى وفى الان بتاع السونى (وده كان الاول بس لأنى كنت با أضطر أشغل صب واحد) دلوقتى مع الوصله دى خدت كمان وصله 2فى 1 من الكومبيوتر بعد ماعدلت اعدادات كارت الصوت عندى

بس خد بالك علشان تا خد الكفائه الصح بتاعة الجى ام ات
ركب كل جى ام على باور سبلاى بس باور وممكن باور واحد يكفيك (أنا بصراحه بعت باور من اللى عندى لأن الصوت كان بيبقى عالى بغباوه )
وعموما الجى ام ات أنا حاططها فى بوكس خشب مع الباورات كمنظر جمالى ومركب على الصندوق من فوق مراوح تبريد من بتاعة الكومبيوتر (4) بخلو الجى ام ات ثلج فى عز الحر (المروحه ب 3 جنيهات ونصف وكمان فيهم أنوار ليد ألوان عاملين منظر)

وأى خدمات
وبرده آسف على الاطاله
10-09-2010, 02:59 PM
Adham

اقتباس:

المشاركة الأصلية كتبت بواسطة abdo1234456

لأن السماعات كلها 4 أوم يعنى لازم تركبلها صندوق

حضرتك مافيش علاقة بين الاوم و الصندوق

اي سماعات 2 او 4 او 8 اوم لازم تتحط في صندوق و الا صوتها حايبقى خفيف و مش حاتاخد منها اي بيز, حاتسمعها تربل و مسرسعه و بس

بأنا بصراحه بعت باور من اللى عندى لأن الصوت كان بيبقى عالى بغباوه )

برضة حضرتك مافيش برضة علاقة بين علو الصوت و الباور صبلاي

الباور صبلاي لو ضعيف و عليت الصوت حاتلاقي الصوت بيقطع لان الباور مش حايقدر يدي كهرباء كفاية للامبليفير

انما الباور مش حايخللي الصوت اعلى لو قوي و يخلية ضعيف لو الباور مش مكفي
10-09-2010, 07:53 PM
beetleMOSH

ده الموضوع كبير :b4_556:
طيب انا لو مجبتش كاسيت اوصل على ايه ؟؟

انا بفكر فى مخاارج الكرييتف
عشان عاملين زى اللى فى مخارخ الكاسيت
بتوع ال rca
بس مش عارف ينفع ولا ايه اوصل كل جى ام
على مخرج منهم
طيب لو نفع و تمام كده
يبقى انا كده خلصت من السماعات

الصب بقى اوصله على ايه ؟!

شؤال كمان

الباور صبلاى بكام ؟!
و الادابتر او الترانس اللى من النخيلى ده بكام برضه ؟!
10-09-2010, 09:43 PM
lameey

بص ياباشا انت تجيب باور صبلاى 950w وده يقوم معاك 7 او9 جى ام

وده بحوالى 120 130 جنية

وبالتوفيق ان شاء الله

.
11-09-2010, 12:18 AM
beetleMOSH

مممممم
تمام اوى الكلام ده

و اجيبه من مول الكمبويتر طبعا
و اقله انا عايز باور 950 وات
صح كده ؟!
11-09-2010, 01:53 AM
lameey

اقتباس:

المشاركة الأصلية كتبت بواسطة beetleMOSH

مممممم
تمام اوى الكلام ده

و اجيبه من مول الكمبويتر طبعا
طبعا
و اقله انا عايز باور 950 وات
صح كده ؟!
تمــــــــــــــــــــــا م

:vctry: :vctry:
11-09-2010, 03:55 AM
beetleMOSH

100 100 يا بوب
الف الف شكر
11-09-2010, 05:43 AM
abdo1234456

آسف اذا كان كلامى اتفهم غلط

وفعلا كلام حضرتك صح ميه فى الميه يا أستاذ أدهم ومفيهوش حاجه غلط
ياريت تعذرنى كمان مره
11-09-2010, 05:45 AM
abdo1234456

وياريت لو صاحب الموضوع احتاج حاجه تانى يقول وأنا تحت أمره أنا نفسى بس أكون عرفت أفيده

ومشكور
11-09-2010, 06:01 AM
beetleMOSH

يا كبير تسلم والله مش عارف اقولك ايه
غير 100 100

بس انا كنت عايز اعرف ايه الحاجات اللى عملتها فى اعدادات الصوت

انت جبت كارت صوت ولا اصدق تظبط الصوت من الايكولازير بتاع الميديا بلاير او الوينامب

و ايه نظام الجيران حد بيشتكى و لا ايه ؟!

هع هع هع
جارنا كان بيزعق عشان الكريييتف
ههههههههههههههههههههه
ميعرفش انى هاحط بازوكا فى باب الشقه
ترن فى بير السلم كله
هههههههههههههههههههههه
هههههههههههههههههههه
11-09-2010, 06:22 AM
abdo1234456

ههههههههههههههههههههههههه هه
أولا لا شكر على واجب

ثانيا جارك مش ها يشتكى خالص ......... ده ها يطفش

بص حضرتك هو الاعدادات عباره عن انك بتدخل على البرنامج بتاع كارت الصوت وبدل ما هو 2.1 ها تخليه 5.1 وده هيخلى ال 3 مداخل والمخارج
اللى ورا فى الكومبيوتر (المايك واللاين ان واللاين اوت)كلهم يطلعوا
صوت يعنى ممكن تشغل 3صبات فى وقت واحد ودى معموله أصلا علشان أنظمة الصوت الاحترافيه

وبخصوص موضوع الجيران أحنا مش جنبنا أى جيران علطول علشان محدش بيشتكى غير ودانى
11-09-2010, 07:02 AM
beetleMOSH

ههههههههههههههههههه

بس كده هو ده اللى انا عايزه
ده انا كده هاحط العده بره الشقه
ده انا هاوقع العماره
يستنوا عليا بس

و انا كده فهمت انا هاوصل الجى امات ازاى خلاص
هو البور صبلاى
و وصلتين اوديو طرف فيه واحد و طرف تانى فى 2
صح كده
واحد فى الكارت و التناى فى الجى ام
و الصب كذلك
و السماعات فى الاخضر و الصب فى الاسود
صح كده ؟!
11-09-2010, 07:17 AM
abdo1234456

مش فاهم حضرتك هو كارت الصوت عندك نوعه ايه
عموما مش مشكله هى بيبقى مكتوب قصاد فتحه (center /subwoofer) ممكن توصلها عليها

المهم انت عارف ازاى تخلى الباور سبلاى يشتغل بره الكومبيوتر؟ ولا ايه علشان ماتحتارش
11-09-2010, 07:34 AM
beetleMOSH

انا كارت الصوت عندى فى الموزر بورد
built in
و هو اللى انا قصدى عليها ال line in الخضرا
center /subwooferهى السودا

هاوصل ازاى ؟
مش كابل باور عادى بتاع الباور صبلاى
و اشيل الفيشه و احطها
صح كده ولا ايه ؟!
و بجد سؤال اصلى اوى
11-09-2010, 12:45 PM
Adham

اقتباس:

المشاركة الأصلية كتبت بواسطة abdo1234456

وفعلا كلام حضرتك صح ميه فى الميه يا أستاذ أدهم ومفيهوش حاجه غلط
ياريت تعذرنى كمان مره

ياباشا العفو انا بس حبيت اوضح نقطة كانت غايبة عن حضرتك

و كل سنة و حضرتك طيب

اقتباس:

المشاركة الأصلية كتبت بواسطة beetleMOSH

هع هع هع
جارنا كان بيزعق عشان الكريييتف
ههههههههههههههههههههه
ميعرفش انى هاحط بازوكا فى باب الشقه
ترن فى بير السلم كله
هههههههههههههههههههههه
هههههههههههههههههههه

اقتباس:

المشاركة الأصلية كتبت بواسطة beetleMOSH

ههههههههههههههههههه

بس كده هو ده اللى انا عايزه
ده انا كده هاحط العده بره الشقه
ده انا هاوقع العماره
يستنوا عليا بس

حرام عليك يا معلم بازوكات و امبات في البيت علشان تعند مع جارك :E_braces[1]:

راعي حق الجيرة لو حد نايم:36_1_50[1]: او مريض :8954[1]: او مصدع:eee: ومن حقة الهدوء و السلام في بيتة

كفاية الضوضاء اللي عايشين فيها في الشارع يبقى من حق الانسان ان يلاقي الهدوءو السكينة في منزلة و دة حق يكفلة الدين و القانون قبل حق الجار عليك

حط نفسك مكانة اكيد لو حضرتك مصدع:fun_36_3_4[1]: او عايز تنام او عندك امتحان الصبح :11: الموضوع مش حايبقى ظريف بالمرة :I_angr1[1]:
11-09-2010, 03:57 PM
beetleMOSH

والله لا انا مش بعند معاه
انا عايز اعكل كده لنفسى قبل اى حاجه تانيه
و بهدين اصلا مفيش حد كان بتكلم غيره
باقى الناس متعايشه عادى
و بعدين ساعات الراجل ده لما مابيبقاش موجود و ابنه صحابه بيبقوا عنده بيبقى معلى برضه
و عادى محدش بيقله حاجه
اصل اخره ايه يعنى
نص ساعه هايفضل معلى فيها
مش مشكله
انما الراجل ده مكانش بيستنى 3 دقايق
غير كده و كده انا مش بعلى الكاسيت زياده
غير لما مايكونش فى حد فى البيت
مواعيد شغل الناس يعنى
يعنى العماره بتبقى فاضيه غالبا
يعنى مش عند
انا بس افتكرت الموقف لما بيقلى ان الجيران هاتمشى
ف ضحكت و اتريقت على الموقف
انما مش قصدى اكيد أزيه حد
12-09-2010, 11:28 PM
aftr

بصراحه مش لاقى كلمه اقولها فعلا عبقرى واهم الدماغ تسلم ياعبقرى
13-09-2010, 05:12 PM
abdo1234456

آسف جدا كنت فى البحيره والمكان ماكانش فيه لا انترنت ولا شبكه

كنت حضرتك بتستفسر عن حاجه تانيه؟
13-09-2010, 06:05 PM
Piowood

انا شايف ان صب الكمبيوتر ده عندي مكسر الدنيا لدرجة ان البيز بيرج زجاج الباب ومكفيني . مشعارف يامحمد انت هاتستحمل الليله دي كلها ازاي . هههههههههههههه

الله يكون في عونك وعون الجيران ..
13-09-2010, 06:23 PM
ahmad--ezzat

هاتلك صب كرياتف احسن
13-09-2010, 07:54 PM
abdo1234456

اقتباس:

المشاركة الأصلية كتبت بواسطة ahmed_nubira

هاتلك صب كرياتف احسن

يا أحمد باشا ده الكاسيت عندى بيرج الشقه بس مفيش بييييييز يعنى من الآخر مفيش ببييززز مساج
13-09-2010, 07:58 PM
abdo1234456

اقتباس:

المشاركة الأصلية كتبت بواسطة aftr

بصراحه مش لاقى كلمه اقولها فعلا عبقرى واهم الدماغ تسلم ياعبقرى

ياباشا لا شكر على واجب انا نفسى يكون حد استفاد
14-09-2010, 11:45 PM
beetleMOSH

اقتباس:

المشاركة الأصلية كتبت بواسطة abdo1234456

آسف جدا كنت فى البحيره والمكان ماكانش فيه لا انترنت ولا شبكه

كنت حضرتك بتستفسر عن حاجه تانيه؟

بجد الف شكر على المتابعه و الاهتمام و بجد كفائههههههههههه:satelite:

اقتباس:

المشاركة الأصلية كتبت بواسطة Piowood

انا شايف ان صب الكمبيوتر ده عندي مكسر الدنيا لدرجة ان البيز بيرج زجاج الباب ومكفيني . مشعارف يامحمد انت هاتستحمل الليله دي كلها ازاي . هههههههههههههه

الله يكون في عونك وعون الجيران ..

هههههههههههههه اسلام باشا صباح الدلع
والله اهو حبه جنان
و بامره نتفش الجيران من العماره هع هع هع

اقتباس:

المشاركة الأصلية كتبت بواسطة ahmed_nubira

هاتلك صب كرياتف احسن

والله الكيريتيف عندى و بيشتكى
مش قادر
غير كده و كده مش مدينى الاحساس اللى انا عايزه
25-10-2013, 02:00 PM
basslover

انا حاولت اركب جى ام سيمفونى على باور صبلاى اوريجينال hp و اول ما احاول اعلى الصوت شويه بيفصل
22-11-2013, 11:47 AM
Adham

كدة بيبقى الوات بتاعة ضعيف
23-11-2013, 09:01 AM
meeezooo

شوف باور أوريجينال (hec) أنا مجربه مشغل عليه جي ام ألباين 640 وات وشغال زي الفل .. علماً بإن الباور 350 وات ... أنا ما جربتش الاتش بي نظامه ايه بس عموماً في الجيمز الباور الـ hec مشهور أوي والخرج بتاعه ما شاء الله عالي (الوات والأمبير) وشغال زي الفل.

شوف برضه السماعات اللي موصلها على مخارج الجي ام متوافقة مع الخرج بتاعه ؟

يعني سماعة على كل تشانيل ؟ والآر إم إس بتاعها مناسب للخرج بتاع كل تشانيل في الجي ام ؟

لأنك لو موصل سماعات كتير والخرج بتاعها عالي ... الجي ام هيفصل برضه اول ما تعلي

تحياتي ...

الساعة الآن 05:21 AM

Content Relevant URLs by vBSEO 3.6.0 PL2