ممكن احسن طريق من مدينة نصر لطنطا

**mishmishy** · 10-09-2010 12:32 PM

هل الافضل الزهراء ثم الدائرى شمال ولا كوبرى اكتوبر ومخرج اسكندرية الزراعى ياريت الرد بسرعه لانى لازم اسافر دلوقت علما انا فى مدينة نصر

**ahmed2y** · 10-09-2010 02:14 PM

الدائرى احسن طبعا فى كام كيلو زيادة بس طريق طوالى ولا لف ولا دوران

**elrasy** · 10-09-2010 02:20 PM

الدائرى هيبقى طويل اوى ومعتقدتش دلوقتى زحمة
خد اكتوبر وبعدين اسكندرية الزراعى احسن واقصر كتير

**DrMax** · 10-09-2010 02:40 PM

المشاركة الأصلية كتبت بواسطة elrasy

الدائرى هيبقى طويل اوى ومعتقدتش دلوقتى زحمة
خد اكتوبر وبعدين اسكندرية الزراعى احسن واقصر كتير

+1111111

انا من طنطا وبنزل مدينة نصر كتير وعلطول باخد اكتوبر وبعدين الزراعى..الدايرى طويل جدا جدا جدا وفى الاوقات اللى مفيهاش ضغط بيبقى اكتوبر اقصر بكتير كمسافة ووقت
انا جربت الدايرى مرة واحدة وحرمت بعدها اخد الدايرى تانى الا لو فى اوقات زحمة بيبقى الدايرى افضل فمعتقدش دلوقت جوه البلد هيبقى زحمة

**mishmishy** · 10-09-2010 02:54 PM

الف شكر يا رجالة بجد كتر خيركم هتوكل على الله واخد كوبرى اكتوبر وانزل منه على إسكندرية الزراعى

**mishmishy** · 10-09-2010 03:39 PM

حتى تكتمل الفائدة حد عنده اى معلومة عن الطريق دة من حيث المطبات والمفاجات والرادارات . . الخ

**DrMax** · 10-09-2010 06:18 PM

المشاركة الأصلية كتبت بواسطة mishmishy

حتى تكتمل الفائدة حد عنده اى معلومة عن الطريق دة من حيث المطبات والمفاجات والرادارات . . الخ

لا ياباشا مفيش مطبات ولا حاجة ...مفيش غير الفواصل بتاعة كوبرى اكتوبر ودى كلو متعود عليها تقريبا :)
بالنسبة للرادارت معتقدش فى على كوبرى اكتوبر بس الاحتياط واجب عشان بقو بيعملو رادارات جديدة كتير اليومين دول

عموما لو حبيت تختصر اكتر وانت على كوبرى اكتوبر ابقى انزل مخرج شبرا وخد اول يوتيرن وخش النفق على يمينك علطول وخليك ماشى لنهاية الشارع يمين عشان تخش على شارع الترعة ومنو الى شارع شبرا وخد اول يوتين يقابلك بعد اول اشارة فى اول يمين عشان تطلع عالكورنيش ومنو الى الزراعى

شكلك كده توهت منى

لو اللى قولتو ده هيتوهك خليك على كوبرى اكتوبر لحد مخرج الشهيد اللى بينزلك فى التحرير وكمل فى الكورنيش لحد متوصل للزراعى..هوه اطول شوية من مخرج شبرا بس مفيهوش لف كتير فخليك فيه لو هتتوه فى الطريق المختصر اللى انا وصفتهولك فوق

وتوصل بالسلامة ان شاء الله

**m7nsh** · 10-09-2010 08:22 PM

المشاركة الأصلية كتبت بواسطة drmax

لا ياباشا مفيش مطبات ولا حاجة ...مفيش غير الفواصل بتاعة كوبرى اكتوبر ودى كلو متعود عليها تقريبا :)
بالنسبة للرادارت معتقدش فى على كوبرى اكتوبر بس الاحتياط واجب عشان بقو بيعملو رادارات جديدة كتير اليومين دول

عموما لو حبيت تختصر اكتر وانت على كوبرى اكتوبر ابقى انزل مخرج شبرا وخد اول يوتيرن وخش النفق على يمينك علطول وخليك ماشى لنهاية الشارع يمين عشان تخش على شارع الترعة ومنو الى شارع شبرا وخد اول يوتين يقابلك بعد اول اشارة فى اول يمين عشان تطلع عالكورنيش ومنو الى الزراعى

شكلك كده توهت منى

لو اللى قولتو ده هيتوهك خليك على كوبرى اكتوبر لحد مخرج الشهيد اللى بينزلك فى التحرير وكمل فى الكورنيش لحد متوصل للزراعى..هوه اطول شوية من مخرج شبرا بس مفيهوش لف كتير فخليك فيه لو هتتوه فى الطريق المختصر اللى انا وصفتهولك فوق

وتوصل بالسلامة ان شاء الله

بعد اذنك ياباشا عاوز اضيف حاجه

انا شايف انه لو نزل نزله شبرا المفروض يدخل نفق احمد بدوى و ياخد يوتيرن و يرجع من فوق النفق و يوتيرن كمان و يمسك احمد حلمى طوالى لحد الزراعى .. ايه اللى يوديه للترعه و بعدها شبرا و كورنيش ؟؟ كده اقرب كتير

و اقرب نزله كورنيش من اكتوبر ( تطلعك ع الزراعى ) هو مخرج 15 مايو .. و فيه عليه مخرج فرعى لأسكندريه الزراعى .. مش لازم يستنى لحد عبد المنعم رياض ..

وشكرا

**M.Osama** · 10-09-2010 08:28 PM

وخد بالك ان في رادار علي الزراعي قبل مدخل بنها بـ 5 كيلو تقريبا بعد قرية سندنهور بـ 1 كيلو بالظبط والرادار ده كل يوم الصبح من 8 لـ 1

وبالنسبه للطريق فعلا خد نفق احمد بدوي وممكن تطلع منه وتاخد يوتيرن وترجع ولو زحمه كمل لاخره وخش يمين فشارع الترعه وقدامك حلين تكمل طوالي وهوا حيدخلك احمد حلمي تاني او تاخد اليوتيرن وتدخل شارع شبرا ومنه للكورنيش بس دي لفه وصعب تسلك فيها لاني رحت هناك مره ومعرفتش اعملها

**abo_hosni** · 11-09-2010 06:15 AM

أقصر طريق في الأوقات اللي مش زحمة تاخد شارع اسماعيل الفنجري و تطلع كوبري القبة بعدين ما تفكرش هتروح فين لا يمين ولا شمال خليك في وشك سكة الوايلي و في وشك كوبري أبو وافية (هتلاقي الكوبري بيقطع السكة الحديد بعدين بيقطع شارع أحمد حلمي) و تنزل منه تاخد أول بمين (شارع جانبي) في شمال في يمين هتلاقي شارع كله ورش سمكرة و عربيات نقل و كمان يمين تلاقي نفسك طلعت على شارع أحمد حلمي و تاخد أول يوترن عشان تبقى في اتجاه إسكندرية و ألف مبروك

وأنا لاحظت أن أوقات الزحمة زي ما كوبري أكتوبر بيقف، الطريق اللي قلت لك عليه بيبقى واقف برضه

والدي بيكره الطريق ده مش عارف ليه بيحب الدائري و لو عايز يختصر يعني بياخد شارع شركات الأدوية و السواح و كده بس سيبك من الكلام ده

آه افتكرت خللي بالك بعد كوبري قليوب خد أي حارة غير الحارة الشمال لأن فيها مطبات زي الزفت لو كلتها بسرعة