السلام عليكم، لو الواحد هيسافر سنة يعمل ايه فى العربية، يعنى ايه اللى بيتفصل و ايه الحاجات اللى تتخلع منها عشان ماتبوظش
عرض للطباعة
السلام عليكم، لو الواحد هيسافر سنة يعمل ايه فى العربية، يعنى ايه اللى بيتفصل و ايه الحاجات اللى تتخلع منها عشان ماتبوظش
اعمل زى وبيعها واخلص.. ولما تنزل اجازة اجر عربيه
اهم شيء انك تركنها في مكان مأمون علشان ما يتسرقش منها حاجة
ولو فية حد موثوق فية انة يدورها كل اسبوع مرة و يمشيها لفة حوالين البيت كل اسبوعين او شهر عالاكتر يبقى افضل
اما لو مضطر ترفعها يبقى ماتسيبش فيها بنزين كتير يعني تمشي بها لقرب ما يخلص البنزين قبل ماتركنها
و تفصل البطارية و ترفع العربية على 4 طوبات و تشيل جنوطها و اي حليات في جسم السيارة ممكن تتخلع في مكان امين زي البلاكونة او جراج حد مضمون
و ماتسيبش اي شيء داخل السيارة او في شنطتها, و لا تسيب رخصتها و لا اي اوراق في التابلوة
و تحط اكياس على عفشة العربية (الطنابير) وتربطها كويس و ممكن تحط شوية شحم على العفشة (دهان طبقة خفيفة منعاً للصدأ)
و تغطي العربية بغطاء ووتر بروف مشمع و تربطة بحبل تحزيمة كويس
و لو المكان مش مأمون او جراج يبقى يفضل تجيب الواح فل ابيض من اللي بيبقى في كراتين التلاجات و هي جديدة و تحطة على زجاج العربية الامامي و الخلفي و السقف (وممكن كمان الجانبي) و الكبوت و الشنطة و الفوانيس و تلزقة بشريط لزق الكراتين كويس قبل ماتغطيها علشان لو وقع طوبة او زجاجة او اي شيء لا يسبب خسائر
و تحط شوية زيت موتور من مكان كل بوجية ( و العربية مبطلة)
و تروح المرور تسلم نمرها علشان تحمي نفسك من اي مخالفات غلط
و تشوف ان كان مطلوب تدفع ضريبة مقدماً
و توصي حد من الاقارب او الجيران ان يبص عليها كل فترة او يخللي بالة منها
انا من رائي
انك تأجر دكان ( جراج ) لمدة سنة ( اجار جديد و ادفع مقدما السنة دي ) و يكون في منطقتك ( و ياريت واحد تكون عارفه )
و تحط العربية فيه بعد ما تغطي الفرش الداخلي كويس و تغطيها من بره بالوتر بروف
و تريح بالك و تنسناها
انا عارف انها هاتكون مكلفه بس هاتريح بالك من ارف الجراج العام و بهدلة الوقت اللي هايعدي عليها كده
و ايه الحكمة من رفع العربية على طوب بدل الكاوتش
قبل كل ده أهم حاجه لو هتركنها لمدة سنة ,, متركنش في مكان ممنوع الانتظار :shyy:
العربية بتترفع علشان مايبقاش فية حمل عالمساعدين و المقصات و العفشة ككل
و العجلات (نتيجه تفرغ الهواء من الاطار مع الركن و تلفة ) لذا بتشيلها من السيارة كذلك منعا لتلف الاطار او سرقة الجنوط
و تسليم النمر لان لو بعد ماترجع من السفر رحت تجدد الرخص لقيت عليها مخالفات في الفترة اللي كانت مرفوعه فيها مش حاتعرف تثبت انها كانت مركونة الا لو كنت مسلم النمر
ساعتها مش حايبقى عليها اي مخالفات
نصيحة ياأستاذ توت
متركنش او ترفع العربيه فى الشارع حتى لو كانت حارة سد لأن ساعات
بتوع الصرف الصحى بيعملوا شغل او يكونوا عاوزين يحفروا فى مكان تحت العربيه او
ممكن الشارع يترصف حتى لو كان مرصوف طبعا كلنا عارفين ليه وده موضوع يطول شرحه
ومناقشته المهم خد بالك من الحاجات ديه وربنا يوفقك ...عيد سعيد
شكرا يا جماعة للردود، انا ان شاء الله لو هركنها هاركنها فى جراج خاص ، بس مش عارف حكاية العجل اللى افكه ده اوديه فين، متهيالى الواحد يبيع العربية احسن من الحوار ده، و بعدين حكاية التشحيم و الكلام ده مشكلة
طالما مسافر و الشقة مقفولة يبقى ممكن تحط العجل في البلكونة بس تخلية واقف رأسي
لا اعتقد ان الترخيص سيسقط لان الضريبة مسددة
و انما لما تعود من سفرك بالسلامة ستذهب للمرور و تاخذ نفس النمر مرة أخرى (بالطبع لانها المثبتة في رخصة سيارتك) و كل الغرض هو انك بتبلغهم ان السيارة مرفوعه و لا تستخدم و بالتالي لا يتم احتساب مخالفات و كذلك لو اترفعت سنتين مثلا لا يتم محاسبتك ضريبيا عن السنة الثانية الغير مسددة و عندما تعود لاستخدامها يتم مطالبتك بالضريبة من وقتها
يعني لو العربية مرفوعه كذا سنة لا يتم مطالبتك بسداد الفترة دي ضريبيا
روح المرور و خد معاك النمرة و الرخصة و ان شاء الله سيكون الموضوع سهلاً
ياسيدي الفاضل مش معقول يأجر محل لمدة سنة او اكثر بكذا الف جنية علشان يركن فية السيارة
يعني لو العضو ساكن في مدينة نصر اقل محل حايلاقية عالاقل ب 300 جنية لو منطقة غير تجارية او متطرفة يعني في السنة يدفع 1200 جنية فما بالك لو منطقة حية و تجارية او ساكن في المهندسين او الزمالك مش اقل من 1000 او 1500 جنية في الشهر يعني لو مسافر سنتين او ثلاثة يدفع نص تمن العربية دة يبقى الافضل يسيبها في الشارع لانة مش حايصرف تلفيات و خبطات المبلغ دة
طب معلش سؤال كمان، المفروض اغيرلها الزيت قبل ماركنها، هى اصلا قدامها 200 كيلو و ميعاد الزيت ييجى، ولا اسيبه و اغيره اما ارجع ان شاء الله
لا ماتغيروش مش مهم لانك اول لما تيجي بالسلامة مفروض تفضي الزيت كلة و تحط زيت جديد بعد ماتدور
و لو حاتسافر فترة طويلة سنين يعني يبقى مفروض تدلق زيت في غرف الحريق من مكان البوجيهات بعد ماتركن السيارة و كلة تمام و تركب البوجيهات تاني بعد ماتحط الزيت دة و ماتدورش تاني بعدها
علشان الزيت دة بيحافظ على البساتم و الشنابر انها ماتقفشش
هو حضرتك مسافر فترة قد أية ؟؟؟
غرفة الحريق هي مكان (فجوة) في وش السلندر بة الصبابات و البوجيهات و هو ما يضغط البستم الخليط فية في شوط الكبس ليتم اشعال
ة