سؤال بسيط هل العربيه المكيفه بيكون القميص الردياتير بيبقي فيه 2 مروحه للتبريد ام لا ده بيكون بخلاف المروحه اللي علي السرابنتينه و التكييف اللي راكي فيها تركييب الرجاء الرد
عرض للطباعة
سؤال بسيط هل العربيه المكيفه بيكون القميص الردياتير بيبقي فيه 2 مروحه للتبريد ام لا ده بيكون بخلاف المروحه اللي علي السرابنتينه و التكييف اللي راكي فيها تركييب الرجاء الرد
انا عربيتى فيها تكييف و فيها مروحتين واحدة كبيرة و ده بتاعت تبريد العربية و طبعاً شغالة معظم الوقت و واحدة أصغر شوية و ده بتشتغل مع التكييف بس.
و جه صورة الرادياتير من جوه و باين فيه المروحتين
- MyPicx.com
متابع
بص يأبو حميد
فى كل العربيات تقريبا (ستاندرد),بتكون مروحة تبريد الموتور مروحة واحدة بس .
و لما بيعوزوا يزودا الكفاءة يا بيعملولها قميص يإما يزودا قوتها وممكن يعملوها بسرعتين بحيث تكون السرعة الأولى نصف القدرة والسرعة التانية القدرة الكاملة
بس فى إفتكاسة ساعات بتتعمل فى رادياتير الفيليشيا حاقولك عليها فى الآخر
الأول نتعرف على أنواع رادياتير الفيليشيا
النوع الأولانى بتاع الفيليشيا الغير مكيفة لحد 1996 وده بيركب عليه مروحة متوسطة سرعة واحدة من غير قميص, وده شكله
http://dc03.arabsh.com/i/02008/ur34rd797701.jpg
http://dc04.arabsh.com/i/02008/a55a5vkor0eg.jpg
النوع التانى بتاع الفيليشيا الغير مكيفة من أول 1997 ومعظم الفيليشيا المكيفة وده بيركب عليه مروحة كبيرة بقميص ,سرعة واحدة للعربية الغير مكيفة وسرعتين للمكيفة, وده شكله
http://dc03.arabsh.com/i/02008/e2cghfj3gb8k.jpg
http://dc04.arabsh.com/i/02008/zm2knydp00w5.jpg
أما النوع التالت فده بتاع الفيليشيا ال 1600 وبعض الفيليشا ال1300 المكيفة وبيركب عليه مروحة كبيرة بقميص , سرعة واحدة للعربية الغير مكيفة وسرعتين للمكيفة, وده شكله
http://dc03.arabsh.com/i/02009/1ewlcbfg9zhv.jpg
http://dc03.arabsh.com/i/02009/it28hfmo7y3u.jpg
وعلى فكرة كفائته ممتازه وبيركب عليه نفس القميص وموجود عند بتوع الإستيراد بس هايحتاج تعديل فى الخراطيم
الإفكاسة بقى إن ممكن اللى عنده فيليشيا بالرادياتير الأولانى لما يحب يعلى كفائة التبريد بدل مايجيب مروحة جديدة بالقميص ,
يجيب مروحة تانيه نفس المقاس ويحطها على يمنها وهاتلاقي الحته اللى فاضله على قدها بالظبط , والجمال بقى إن التكلفة أقل والكفائة هى هى إن ماكانتش أحسن
وفى الأخر إوعى تنسى الجندى المجهول ده اللى فى نظرى بمقام نص مروحة :البلاستكة اللى قدام الرادياتير اللى بتجمع الهوا عليه ودى صورتها
http://dc04.arabsh.com/i/02008/eu5icnovha87.jpg
أما بالنسه لسربنتينة التكييف ففى عربيات ما بيحطولهاش مروحة أصلا وعربيات بيحطولها مروحة وعربيات بيحطولها مروحتين
وللمفارقه تكييف الفيليشيا الأصلى مافيهوش مروحة
ويارب أكون أفدتك
عواد8760
انا معايا 97 مكيفة بس التكيف عطلان اصلحة فين ؟
عندى مشكلة سخونة بعد 100 تزداد بنسبة بسيطة
ممكن تقوللى الحل
الف شكر على الشرح الوافى المعلومات القيمة ..انا لى استفسارين:
1/ سيارتى مو 95 بس راكب فيها الرادياتير الالومونيا و المروحة راكبة بالقميص سؤالى هل السيارة كدة اصلا ولا اللى كان شاريها قبلى زودلها القميص.
2/ البلاستكة اللى فى الصورة اللى بتتركب قدام الرادياتير علشان تركز عليه الهوا مش موجودة عندى هل فى منها فى السوق جديد او استيراد و ثمنها كام .. شكرا للافادة
أنا عندي 97 تكييف متركب مش الأصلي
مروحة 4 ريشة بقميص بتشتغل على 85 تقريبا وتفصل على 70 تقريبا
ومروحة صغيرة بتشتغل مع فتح المكيف امام سربنتينة المكيف
المكيف بيسخن العربية جامد لما فوق ال 100 بالذات في النهار