الموضوع: فاكرين قصة الماتور الى سقطة فى النوبيرا 2

السلام عليكم و رحمة الله و بركاتة
كل سنة و انتم طيبين و الامة الاسلامية كلها بخير
يا جماعة انا هنا هعمل متابعة لموضوع كنت فتحتة من فترة بخصوص ماتور كنت سقطة فى نوبيرا2 و الماتور الى كنت مسفطة طلع بيدخن و بعدين وقف منى خالص بعد ما ركب بيومين بسبب المياة ضربت كدة من ورا البكرة بتاعة البنزين

المهم انا بكتب الموضوع دة علشان الناس تستفيد مش اكتر والله و الغلط الى انا غلطوا الناس تحاول انها ما تغلطش زى وكلنا بنستفيد من اخطاء بعض

المهم انا روحت للتاجر بعدها بعد ما فكيت الماتور و نقلتة على عربية تانى و قولتلة انا عايز فلوسى انا هعمر الماتور بتاعى المهم الراجل قالى طيب ادى نفسك فرصة انا هديك مكنة نضيفة و ورانى مكنة راكب فى نص عربية بتاع نوبيرا 1 تقريبا النص القدمانى زيرو
المهم روحت تانى يوم فك الماتور قدامى بالفتيس بتاعوا و اخدوا وروحت للميكانيكى المهم الراجل قفل تانى يوم طبعا بهدلة الموضوع دة اخدلة فى فك و تركيب و فك وتركيب حوالى 8 ايام
ركب الماتور كبس الماتور ممتاز ما فيش دخنة ما فيش ترزيع بس للاسف الماتور مش ناعم و تقريبا الشخطة دية فى كل مواتير النوبيرا
المهم مشيت الماتور كويس ما فيهوش اى حاجة
الى انا عرفتة بعد كدة انة الماتور اىل انا مركبة 1500 مش 1600 زى الى كان فيها و بفيت ماشي بالعربية حاسس انها معيوبة عربية جايبها من كام شهر و مسقط لها ماتور
المهم شيلت الماتور بتاعى من عند الميكانيكى دة و وديتة لميكانيكى تانى قولتلة بوصلى علية المهم الراجل قالى الماتور دة استاندر و اول مرة يتفك قولتلة الماتور دة علشان يشتغل يتكلف كام المهم قالى حوالى 1800ج
المهم انا خليتة يشتغل فى الماتور و قفل و ركبتة و الحمد لله الماتور زى الفل
و انا ندمت على حكاية الماتور الى انا اشتريتة دة و بنصح الناس انة الى عندة مشكلة فى ماتور عربيتة يحاول انة يعالجها بدل موضوع تسقيط المواتير دية لانها عاملة زى البطيخة
و كمان انا شايف انة عربية مسقطة ماتور بتقلل من قيمتها خاصة انة بيبان فى ورق العربية طبعا بالاضافة لدوشة المرور فى حكاية الورق و اثبات الماتور

او الى ضرورى اوى انة يشترى يحاول يعمل زى ما انا عملت كدة ياخودماتور يكون راكب فى نص عربية لانة كمان بيبقا عندة فرصة يبص على عداد الكيلو متر الى فى النص دة و يعرف الماتور دة مشي اد اية (طبعا مش مقياس)

انا شرحت كل الى حصل علشان الناس تستفيد