المشاركة الأصلية كتبت بواسطة adham
الناس بقت وحشة فعلا على رأي عادل امام في مدرسة المشاغبين "الناس بقت حاتاكل بعضها يابو حميد يا خويا" هههههه
تصدق فكرتي بمرة يوم الصبح و انا نازل الشغل في اول يوسف عباس في الملف الواسع اللي قبل جامعه الازهر واحد بلانسر كحلي اضطر يهدي في الملف علشان اللي قدامة تقريبا غير رأية و قرر يمشي على طول و مايلفش , اللي وراة بلانوس حاطط ايدة عالكلاكس كأنة راكب قطر توربيني و مش مستحمل يهدي و لا يدوس فرامل هي ثانيتين او تلاتة بالكتير
و لما عدوا الملف (و انا وراهم و شايف الحوار كلة) لقيت الدايو عمال يحدف عالراجل اللي راكب لانسر و يزنقة في الرصيف الشمال كأنة بينة و بينة تار مثلاً
انا اتنرفزت جداً لأن اساسا الراجل ما عملوش اي حاجة رحت كابس بنزين و جاي قدامة و حادف علية حتة حدفة مثبتة ورايا ورحت واقف (هو اصلا اتخض من صوت الموتور ال 6 لما لقاني كابس من يمينة و باثبتة ورايا قاللك دي ناس ماشي وراها حراسات ههههههه) و رحت مشاور لبتاع اللانسر و قلتلة اطلع انت, الراجل و هو بيعدي عمال يشكرني و يشاور و مقدر اني انقذتة من رخامه الرزل التاني و طبعا التاني ماشفتوش في المراية اصلا مامشيش من مكانة لغاية ماوصلنا اخر الشارع و لو كان حاول يترازل عليا او عالتاني كنت فعلا حأذية جامد , بس دي ناس جبانة تستعرض على حد راكب عربية ضعيفة انما لما يلاقي شيروكي او نص نقل او ميكروباص يبقى قطة و الله الواحد بيبقى ماشي خايف عالناس اللي ماشية حوالية و هما مش هاممهم الا الرزالة على كل اللي ماشي