-
نيسان صني 1994
بسم الله الرحمن الرحيم
السلام عليكم انا يا جماعه انشاء الله ربنا يوفقني وحشتري عربيه نيسان صني 1994 ممكن اعرف حبة معلومات عنها وكمان ايه نظامها في السوق يعني بعد مشتري وحبيت ابيع بعدين حعرف ولا زبونها مش موجود ياتري
قطع غيارها موجوده ولا مش موجوده وهكذا يارب تساعدوني خايف اشتريها وبعد كده ادبس
-
عربية تحفة
ناعمة وتكييفها حلو اوى
واحسن من اللانسر البطة
بس للاسف الحلو مايكملش
العربية قطع غيارها غالية اوى
وهتضر انك تسافر بورسعيد علشان تجيبلها حاجات كتير
زى الفوانيس الشبكة الاكصدامات المرايات الخ.............
وهتلاقيها غالية شوية
فانتا شوف امورك وظبطها وربنا يوفقك للخير
-
الاخ الكريم مومو صني الف شكر علي جوابك بس لو مكنش فيها رزاله يعني انا لو اشترتها وحبيت ابيعها ليها زيبون ولا الاقبال عليها مش كتير وكمان ايه اعلي سعر بيكون للموديل ده واقله انا عارف علي حسب الحالة بس تقريبا يعني ومعلش حتعبك معايا
والف شكر مره تانيه
-
اولا لا تعب ولا حاجة احنا هنا اخوات واى حاجة انا تحت امرك
العربية سوقها تقيل لان زى ماقولتلك فى الفئة السعرية دى عربيات كتير ارخص فى قطع الغيار واشهرهم الاكسيل طبعا
وانتا عارف ثقافة الشعب المصرى
فا ممكن تخسر شوية فى بيعها
وانتا ونصيبك فى الاخر
-
الف شكر يا مومو وربنا يسهل انشاء الله
-
معلش انا هحبذ لحضرتك عربية تانية خالص و طبعا هتبقي عربية محترمة و متوفرة في السوق و اعادة بيعها محترم و قطع غيارها متوفرة و مش هتتعب معاها بس تلاقي منها النضيف لأنها عربية ماشية في الشارع 15 سنة علي الاقل
تويوتا كورولا عندك من موديل 1994 لغاية 1996 و متجبش اقل من 1994 الا لو كانت حالتها شاذه و تكون عربية محترمة
ده رأيي الشخصي و تفلي العربية كويس جدا جدا جدا جدا جدا
-
طبعا رايك محل اهتمام كبير طيب الموديلات دي اسعارها بتتراوح من كام لكام عشان انا اساسا لسه مشوفتش العربيه دي وسعرها
يعتبر لقطه جدا جدا بس طبعا لما اشوفها حعرف سبب رخصها ايه عشان كده انا مقبل عليها مش اكتر
-
http://www4.tokai.or.jp/yst/img/sunny981.jpg
ياجماعه انا عايز اعرف هي دي نيسان موديل 1994 ولا لا ارجو االمساعده
-
ايوة هي ديه نيسان موديل 1994
اما بالنسبة للتويوتا كورولا بتعمل في حدود 50000 جنيه ممكن تطلع و ممكن تنزل شوية
-
اااااااااااااااااالف شكر ريحت قلبي والله اه بس 50000 كتير علي الصراحة وربنا يقدم اللي فيه الخير انشاء الله وربنا يستر
متشكر قوي يا جماعه تعبتكم معايا وشكرا جزيلا
Content Relevant URLs by
vBSEO 3.6.0 PL2