الموضوع: حادث سيارة لوجان

المشاركة الأصلية كتبت بواسطة seiffoz

الإتنين زى بعض ... هيغيروا الحاجات التالفة ...

و هتدفع 10% من قيمة التصليح ...

بس هما كده هيغيرولك الباب و الإكصدام و الفانوس و الكشاف .

بس ركز كويس فى العربية عشان لما عملت حادثة كانوا مقلوش إن المساعد باظ من الحادثة و إضطريت أغيروا على حسابى بعد ما إكتشفت الإهمال

مشكور اخى على ردك
وكويس انك نبهتنى لحته المساعدين
هو فى حاجه تانى ممكن اشوفها مثلا سوست العربيه ولا حاجه
اصل انا مليش خره فى الحاجات دى
وانا ان شاء الله هصور العربيه وارفع الصور

معلش فى سوال
هو انت استلمتها بعد اد ايه
خدت وقت اد ايه فى التصليح

بعض الصور للعربيه عايز اخد رايك
الحاجات دى سهله التصليح فى الورشه
ولا التوكيل احسن

وكنت عايز اعرف الحاجات اللى انا كاتبها فى التقرير صح ولا فى حاجه زياده انا نستها عشان تصلح

حمد الله على سلامتك بس ازاى حصلت الحادثة دى

المشاركة الأصلية كتبت بواسطة elbeheri

حمد الله على سلامتك بس ازاى حصلت الحادثة دى

الله يسلمك يا غالى

بالنسبه للحادثه حصلت ازاى

انا كنت ماشى فى المعادى طريق الكورنيش عند المدخل التانى كده
وفجاه لاقيت عربيه تيوتا كورولا طايره من الاتجاه التانى وعدت الرصيف ودخلت فيا وعملت اللى انت شوفته
هو كان ماشى بسرعه كبيره وكان بيفادى بنت معديه فى الطريق

هو عنده العربيه ادمرت من الامام خالص

يلا ربنا سترا الحمد لله ان الخبطه جت ورا مش قدام

وقدر الله وماشاء فعل

يا ريس ألف ألف حمد الله على سلامتك، وربنا يعوضك خير ويجزيك أيضاً خير.

بالنسبة للإصلاحات ممكن تشوف بره تكلفتها كام ثم تسأل فى التوكيل عن التكلفة وتقارن وتأخذ الأنسب ليك. يعنى الفرق لو مش كبير متهيألى التوكيل أحسن على الأقل يبقى فيه ضمان للشغل إنما لو الفرق كبير يبقى تدور على ورشة معتمدة وتشوف شغلك، ومرة أخرى حمد لله على السلامة.