العلاج بالحجامة هل ممكن اى حد يتعلمها؟؟؟

السلام عليكم ورحمة الله وبركاته وكل عام وانتم جميعا بخير بصحة وسلامة
سؤالى بخصوص عمل الحجامة ...
والدتى عندها صداع شديد اوى بيروح وبيجى المهم كان شافت فى التلفزيون احد الاطباء اللى بيجوا على القنوات الدينية الشهيرة اللى بيداوا بالاعشاب ان علاج الموضوع ده هى الحجامة ...
روحنا لعيادة الدكتور فى 6 اكتوبر كشف 150 جنيه مش عارف ليه وقال لاحدى الممرضات تعمل حجامه لولدتى فى دماغها وبعدين ادالها اعشاب فى كيس صغير كده وده 150 جنيه تانى غير الاولانين :L_bhuhhh[1]: ونورحله تانى بعد 25 يوم وندفع 150 جنيه تانى علشان المتابعه
وانا مش عايز ازعل والدتى علشان متفتكرش انى ببخل عليها بحاجه
لانى من جوايا حاسس ان الراجل ده بينصب على الناس وبيستغل تعبهم وطيبتهم ومبالغ اوى فى اسعار الكشف والعلاج

انا عايز افهم هى فعلا الحجامة غالية اوى كده ؟ ولا انا مش عايش فى الدنيا

يعنى انا اعرف انها من قديم جدا بيعملوها بس مكنتش متخيل انهاغالية كده لان النبى عليه الصلاة والسلام كان بيعملها
السؤال ؟؟
هل ممكن اى شخص يتعلم يعمل الحجامه لانى سمعت عن مركز طبى بيعلم الحجامه مجانا فى القاهرة
ولا عايزه واحد متخصص او دارس ولا ايه؟

معلش طولت عليكم

الحجامه سهله جدا وتقدر تتعلمها وتعملها في البيت
دي حاجه ولا محتاجه تعقيم ولا اي حاجه

اخويا جاب مكنه ليها وعملهالنا كلنا في البيت

وهوا مكنش بيعرف يعملها
والموضوع سهل

تحياتي

اقتباس:

---

المشاركة الأصلية كتبت بواسطة hm414

الحجامه سهله جدا وتقدر تتعلمها وتعملها في البيت
دي حاجه ولا محتاجه تعقيم ولا اي حاجه

اخويا جاب مكنه ليها وعملهالنا كلنا في البيت

وهوا مكنش بيعرف يعملها
والموضوع سهل

تحياتي

---

شكرا ليك يافندم على الرد بس منين اجيب الجهاز؟ وبكام؟ واعرف طريقتها ازى؟

والله ياعزيزي مش عارف اخويا كان جابه منين لان الكلام ده من فتره كبيره
هوا مش جهاز بمعنى جهاز
انما هيا الادوات بتاعتها جاهزه بتتباع كطقم للحجامه

وكانت الطريقه في الكتالوج
عموما
الطريقه اللي ممكن تعملها في البيت واللي انا اعرفها بس معملتهاش (وهيا نفس فكرة الجهاز)
انك بتجيب كبايات زجاج وتحط في الكبايه منديل مشتعل وتكتم بيها على المكان اللي هتعمل فيه الحجامه ومتقلقش المنديل هيطفي لوحده بمجرد انك تقفل الكبايه عالجلد مكان الحجامه
والهدف من العمليه دي انه يحصل ضغط عكسي جوا الكبايه فتشفط الدم وبعد كده بمشرط معقم يادوبك كده شرط خفيفه فوق كل تجمع دموي وخلص الموضوع على كده

ده الشرح ببساطه شديده وعارف ان ممكن شرحي يكون يحسسك انها حاجه فيها نار ومشارط وكلام كده بس هيا والله سهله جدا

اتفرج عالفيديو ده وهتشوف ازاي بتتعمل وقد ايه هيا سهله

http://www.almalaky.net/hijama.WMV

انا عملتها وانا في ثانويه عامه من باب التجربه والحمد لله كانت ممتازه واتمنى لو اخويا معايا حاليا كنت هخليه يعملهالي تاني....

تحياتي

نصيحتي
الدكتور ده نصاب وبلاش تروحله تاني
وبرضه بلاش تعمل الحجامة بنفسك وشوف حد معروف عنه الخبرة في الموضوع ده، وطالما هي لوالدتك فالمفروض تشوف واحدة مش واحد هي اللي تعمل الحجامة..وده هتلاقيه إن شاء الله لو سألت..أتمنى إني كنت أقدر أدلك على حد لكن للأسف لا أعرف أحدا يقوم بذلك في القاهرة
ألف سلامة على الوالدة وطهور إن شاء الله

ابعد عنة خالص
الحجامة لاتتعدي ال50 جنية وبتاخد الكاسات كمان معاك حتي لو اتعلمتها مينفعش تعملها لان ليها ادعية وليها اماكن معينة مش اي مكان تتحط فية الكاسات
غير ان الحجامة 3 انواع جافة ومنزلقة ورطبة
انهي نوع الي محتاجاهة الحاجة انت متعرفش يبقي انسي انك ممكن تعمل حاجة زي كدة

اقتباس:

---

المشاركة الأصلية كتبت بواسطة hm414

والله ياعزيزي مش عارف اخويا كان جابه منين لان الكلام ده من فتره كبيره
هوا مش جهاز بمعنى جهاز
انما هيا الادوات بتاعتها جاهزه بتتباع كطقم للحجامه

وكانت الطريقه في الكتالوج
عموما
الطريقه اللي ممكن تعملها في البيت واللي انا اعرفها بس معملتهاش (وهيا نفس فكرة الجهاز)
انك بتجيب كبايات زجاج وتحط في الكبايه منديل مشتعل وتكتم بيها على المكان اللي هتعمل فيه الحجامه ومتقلقش المنديل هيطفي لوحده بمجرد انك تقفل الكبايه عالجلد مكان الحجامه
والهدف من العمليه دي انه يحصل ضغط عكسي جوا الكبايه فتشفط الدم وبعد كده بمشرط معقم يادوبك كده شرط خفيفه فوق كل تجمع دموي وخلص الموضوع على كده

ده الشرح ببساطه شديده وعارف ان ممكن شرحي يكون يحسسك انها حاجه فيها نار ومشارط وكلام كده بس هيا والله سهله جدا

اتفرج عالفيديو ده وهتشوف ازاي بتتعمل وقد ايه هيا سهله

http://www.almalaky.net/hijama.WMV

انا عملتها وانا في ثانويه عامه من باب التجربه والحمد لله كانت ممتازه واتمنى لو اخويا معايا حاليا كنت هخليه يعملهالي تاني....

تحياتي

---

شكرا ليك على الافادة وعلى الموقع الجميل:S_thum1[1]:

اقتباس:

---

المشاركة الأصلية كتبت بواسطة بحري

نصيحتي
الدكتور ده نصاب وبلاش تروحله تاني
وبرضه بلاش تعمل الحجامة بنفسك وشوف حد معروف عنه الخبرة في الموضوع ده، وطالما هي لوالدتك فالمفروض تشوف واحدة مش واحد هي اللي تعمل الحجامة..وده هتلاقيه إن شاء الله لو سألت..أتمنى إني كنت أقدر أدلك على حد لكن للأسف لا أعرف أحدا يقوم بذلك في القاهرة
ألف سلامة على الوالدة وطهور إن شاء الله

---

ربنا يبارك فى حضرتك ويكفيك شر المرض وان شاء الله نشوف واحدة كويسة تعملها الحجامة اما الدكتور ده ففعلا شكله نصاب:U_thin1[1]:

اقتباس:

---

المشاركة الأصلية كتبت بواسطة phantiza

ابعد عنة خالص
الحجامة لاتتعدي ال50 جنية وبتاخد الكاسات كمان معاك حتي لو اتعلمتها مينفعش تعملها لان ليها ادعية وليها اماكن معينة مش اي مكان تتحط فية الكاسات
غير ان الحجامة 3 انواع جافة ومنزلقة ورطبة
انهي نوع الي محتاجاهة الحاجة انت متعرفش يبقي انسي انك ممكن تعمل حاجة زي كدة

---

لا وعلى ايه ربنا يهدينا ونشوف واحدة متخصصة فى الموضوع ده وهى اللى تحدد انهى نوع
ربنا يبارك فيكم ويجعله عيد سعيد علي الكل بأذن الله:vctry:

الف الف شكر

أسأل الله ان يذهب البأس ويشفي والدتك
بالنسبة للعلاج بالحجامة فلازم يتم عند متخصص
وانصحك عن تجربة بفريق العمل المصاحب للدكتور أمير صالح وهو متخصص في الطب البديل والعلاج بالحجامة ويدرس هذا في كثير من جامعات العالم وخاصة في امريكا ولا نزكي على الله احدا
عن تجربة شخصية ومع اكثر من شخص ناس فاهمة ويقوم هو بتدريبهم شخصيا. واغلبهم من كلية علاج طبيعي بالجامعات المصرية
هو يقوم بالتشخصيص بناء على شكوى المريض او تحاليل مطلوبة سابقا ثم يحديد اماكن الحجامة ويقوم اكثر من طبيب بعمل الحجامة للرجال و طبيبة مسلمة او 2 بعمل الحجامة للنساء.
عيادته في مدينة نصر لكنها لا تعمل بشكل مستمر طوال الشهر نظرا لظروف سفره ..
لو اردت الذهاب إليه ارسلي على الخاص

لا اله الا الله
الله يمسيه بالخير مكان ما هو موجود واحد كنت اعرفه كان بيعملها مجانا لوجه الله تعالي وانت تجيب الادوات او هو بيستخدم ادوات من عنده ويديها لك بعد ما يخلص ويا دوب هو تمن الادوات واحيانا كان بيرفض ياخدها من الناس

نفسي واحد من مدعي الطب اللى بيطلعوا في التليفزيون يطلع صادق بجد وبيعامل ربنا زي ما بيظهروا في التليفزيون

اقتباس:

---

المشاركة الأصلية كتبت بواسطة ahmadalaaeldin

أسأل الله ان يذهب البأس ويشفي والدتك
بالنسبة للعلاج بالحجامة فلازم يتم عند متخصص
وانصحك عن تجربة بفريق العمل المصاحب للدكتور أمير صالح وهو متخصص في الطب البديل والعلاج بالحجامة ويدرس هذا في كثير من جامعات العالم وخاصة في امريكا ولا نزكي على الله احدا
عن تجربة شخصية ومع اكثر من شخص ناس فاهمة ويقوم هو بتدريبهم شخصيا. واغلبهم من كلية علاج طبيعي بالجامعات المصرية
هو يقوم بالتشخصيص بناء على شكوى المريض او تحاليل مطلوبة سابقا ثم يحديد اماكن الحجامة ويقوم اكثر من طبيب بعمل الحجامة للرجال و طبيبة مسلمة او 2 بعمل الحجامة للنساء.
عيادته في مدينة نصر لكنها لا تعمل بشكل مستمر طوال الشهر نظرا لظروف سفره ..
لو اردت الذهاب إليه ارسلي على الخاص

---

ربنا يكرمك يا استاذ احمد وان شاء الله اشوف الوالدة هتقرر ايه لان زى محضرتك عارف معاملة الناس الكبار محتاجة رعاية ووعى بعض الشئ علشان متفتكرش انى مش عاوزها تروح علشان مستغلى الدكتور ده ومفيش نتيجة ان شاء ربنا يقدم اللى فيه الخير واحاول اقنعها ان شاء الله
ربنا يبارك لينا فى حضرتك

اقتباس:

---

المشاركة الأصلية كتبت بواسطة dr-mohamed

لا اله الا الله
الله يمسيه بالخير مكان ما هو موجود واحد كنت اعرفه كان بيعملها مجانا لوجه الله تعالي وانت تجيب الادوات او هو بيستخدم ادوات من عنده ويديها لك بعد ما يخلص ويا دوب هو تمن الادوات واحيانا كان بيرفض ياخدها من الناس

نفسي واحد من مدعي الطب اللى بيطلعوا في التليفزيون يطلع صادق بجد وبيعامل ربنا زي ما بيظهروا في التليفزيون

---

المصداقية دلوئتى يادكتور محمد شبه معدومه واغلبهم نصب فى نصب الا من رحم ربى وربنا يكفينا ويكفيكم شر المرض يارب

انا نفسي اعملها دائما بشتكي من صداع وتعب

شفت شنطة كامله فيها الكاسات بلاستك والمسدس بتوع الحجامة بيتباعو في صيدلية ب 16 جنيه بس لكن للاسف معرفش حد يعملها فكرت اجيبها واتعلم في نفسي :)