عيد سعيد على الامة الاسلامية وكل الفيلشياوية عايز حد يفيدنى هل السخونة على السرعات العالية هل سببها دورة التبريد ولا جوان الوش واعرف ازاى الفرق وواللة على اجابتكم انا هروح يا اغير ريداتيير وطلمبة او هغير الجوان ارجو افادتى عن تجربة :120146b
عرض للطباعة
عيد سعيد على الامة الاسلامية وكل الفيلشياوية عايز حد يفيدنى هل السخونة على السرعات العالية هل سببها دورة التبريد ولا جوان الوش واعرف ازاى الفرق وواللة على اجابتكم انا هروح يا اغير ريداتيير وطلمبة او هغير الجوان ارجو افادتى عن تجربة :120146b
بص انا الحمد لله لسه امبارح اكتشفت المشكله الي كانت عندي في السخونه مع السرعه العاليه
النهارده كانت تجربه للعربيه كنت ماشي 120 - 130 الحراره كانت بتيجي قبل النص وبتنزل تاني مع العلم ان سايب المروحه تشتغل من نفسها
انا كانت المشكله عندي في ترمبة المايه كان القلاب بتعها المروحه الي ركبا فيها بتفوت يعني مع السرعه العاليه مش بتشتغل انما لما تمشي بسرعه هاديه ممكن تشتغل
انا كنت بقول هغير وش السلندر بس سألت ولدي وقالي عن خبره اكتر من 30 سنه لو لقيت العربيه بتخلط الميه بالزيت ده وش السلندر غير كده مش تقرب منه نهائي
شكرا لمرورك يا باشا وعلى الافادة وياريت لو حد عندة تجربة تانى يرد ويفيد الفليشياوية
السيارة الفيليشيا مصممة للأجواء الباردة وعلية المروحة صغيرة ومركبةعلى قميص مما يقلل عملية التبريد فى السرعات العالية و الصيف
والحل
تغيير المروحة بأخرى كبيرة تغطى كل الرادياتير لتناسب أجوائنا الحارة
[QUOTE=zico2009;3873028908]طالما العربية بتسخن علي السرعات
1-تلف جوان وش السليندر او شرخ في الوش
2-طرمبة المياة ضغطها ضعيف
3- ترموستات الكوع تالفة
الاحتمال الاول بنسبة 90 %[/QUO
اولا شكرا لمشاركتك يا zico بس الجوان لية علامات زى الزيت والمية بيدخلوا على بعض ولا ممكن يضرب من غير مايبان انا عندى الزيت والمية تمام ارجو الافادة
شكرا يا ابو خليل على الافادة بس عندى سؤال هل يوجد علاقةبين تبريد الهواء المقابل على السرعات العالية والمروحة وهل القميص كوييس ولا لا وعلى فكرة احنا اسكندرانية زى بعض ممكن تقوللى لو عندك ميكانيكى شاطربتتعامل معاة
يعنى يابو خليل القميص دة ممكن يتشال ولا لا وشكرا على مرورك يا باشا
يتم رفع القميص بالمروحة و تركيب مروحة كبيرة تغطى الرادياتير
ودا حيخلى الحرارة منخفضة وانسى السخونة فى جميع الاحوال
تسلم يا ابو خليل بس هل انت جربتها ولا لا ولو جربتها
جبت المروحة منين وبكام وبتاعة عربية اية اساسا ارجو افادتك يا بلدياتى
المشكلة دي قابلتني واتحلت بعد ما ضبطت الكهرباء ( توقيت الإشتعال ) لأنها كانت مأخرة
شكرا لمرورك يا دكتور وعلى الافادة وهخلى ميكانيكى يكشف عليها
شوف عشان تستريح من الاخر السخونه مع السرعات العاليه فيه له اسباب كتيره فأذا كان مؤشر الحراره بيعلي و مبينزلش مع السرعات العاليه ده معناه ان وش السلندر فيه حاجه لو ان بينزل ده يبقي لخبطة ترموستات و غالبه بتكون الترموستات دي مش اصلي و هي 3 طرف اللي بتخلي المروحه سرعتها تزيد مع السرعات العاليه لان المروحه بتكون 2 سرعه
الحاجه التانيه ممكن يكون دورة التبريد فيها تسريب او سدد في الردياتير فده بيقلل من اندفاع الميه بالسرعات المطلوبه
ثالثا التكيهات لو مش مضبوطه ده يسبب الحراره العاليه
رابعا طرمبه الميه و ده ممكن تعرفه لو فتحت الاربه و بصيت علي سرعه اندفاع الميه خاصة و سخان العربيه شغال لو لاقيتها منتظمه و كويسه يبقي مفيش مشكله في الطرمبه لو الميه مقطعه يبقي في مشكله في الطلمبه
خامسا نصيحه مفيش حاجه اسمها ان القميص بتاع المروحه هو السبب لان ده غلط
معلش يا احمد هو السخان دة فين حد يفيدنى
يا جماعه محدش يقرب من وش السلندر غير لما يخلط مايه بزيت يكون اللون طحيني يا جماعه حرام كده واللهي
وبعد دور علي دورة التبريد كويس اكيد فيها عيب مش تعمل زيي انا بروح للمكانيكي بيبص علي العربيه يقولي دورة التبريد تمام مش فيها حاجه ولما زهقت روحت لواحد تاني شاف الرداتير وبعدين بص علي الطرمبه ولقي العيب فيها وخصوصا ان عربيتي فعلا لو انا ماشي في القاهره مش بتسخن طلعت بره ومشيت علي الصحراوي الامبير بيزيد
وطلعت الطرمبه بتفوت يعني القلاب بتها مش ماسك كويس لما السرعه بتزيد المفرود سرعت دورانه تزيد لا ده كان بيقف ولما اخف بنزين العربيه تهدي لان سرعة دوران بتقل في القلاب بيشتغل
نصيحه ابعد عن وش السلندر مش تفتح علي نفسك باب
احسبها بدماغك كده العربيه بتسخن يبق عيب في دورت التبريد وخدها باقل شئ ممكن يكلفك
بداية تلف الجوان لا يختلط الماء بالزيت و يمكن معرفته عند زيادة درجة الحراره تجد ضغط هواء بالدوره و تجد المروحه لا تعمل و عند فتح الغطاء يتم تفريغ الهواء من الدوره و تعمل المروحه و تلاحظ سرعة انخفاض الحراره، كما انه يمكن ان تكون زيادة درجة الحرارة نتيجة تلف او انسداد الرادياتير
انا فعلا بيحصل معايا كدة يا شيمي شكرا لمرورك انشاء اللة هكشف على الجوان