تجربتى فى استلام الصنى ونور الطابلوه

**sameh200005** · 10-09-2010 04:16 PM

انا عندي تجربه عايز احكيها للزملاء في المنتدى...
انا اشتريت الصني السوبر صالون بعد لما بقت موديل 2011 من عبد اللطيف جميل باسكندرية المهم بعد لما استلمتها ومشيت بيها شويه فوجئت وانا في اشارة من الاشارات نورت لمبه في التابلوه فجأه بشكل مستمر علامتها دي
وفضلت منوره على طول حتى لو طفيت الموتور وشغلته تاني لما جننتني ازاي عربيه زيرو تبأى كده لاني بعد ما قرأت الكتالوج تبين لي انها لمبة بيان خاصة بوجود خلل في نظام التحكم بالموتور المهم اتصلت بالموزع وما سبتهوش الا لما اتصلي بمهندس الاستقبال في مركز الخدمة بتاع اسكندرية اللي في الصحراوي المهم رحتلهم كانت الساعة حوالي 30-1 الظهر بصراحة استقبلوني استقبال كويس كدا على الرغم من نرفزتي لاني كنت متضايق جدا للموقف المهم خدها وساقها لداخل المركز وبعد حوالي اكتر من ساعة جالي وقالي ان كل شئ تمام وكان السبب نتيجة ركنة الرعبية فترة طويله وان ممكن عادي يحصل للعربيات الجديدة قاللي ان كان في سنسور معلق وبعد كده اختفى العيب
اسف للإطاله بس حبيت احكي اللي حصل معايا بالتفصيل ويا ريت حد يكون عنده تعليق على الموقف ده وشكرا ....

**HOSSAM_GABRE** · 11-09-2010 06:26 AM

الحمد لله ان المشكلة طلعت بسيطة
وفعلا توكيلات الصيانة لنيسان محترمة
ومشاكل العربية مهما كانت والحمد لله محلولة
والمشكلة دى بسيطة وواردة فى اى معدة جديدة مش موتور عربية بس وهى ان الحساسات بتدى اشارات خاطئة لمشكلة غير موجودة فعليا