الموضوع: لحظه من فضلك

أية دة انا اسمى موجود فى الصورة ( على طريقة الناس الى كانو بيطلعو ورا طارق علام فى كلام من دهب ويعملو باى باى للكاميرا ):D:D:D
:D

بس والله بشارك :)


شكرا لحضرتك على فكرة الموضوع .. بس انا ليا وجهة نظر فى الموضوع دة ....

لو شوفت موضوع .. ومعجببنيش محتواه او مافيش حاجة اقولها ... بصراحة بقفلة من غير مأرد .

الحاجة التانية مش حاجه ظريفة لما اشوف موضوع مهم مثلا .. كل الردود فية بكلمه شكرا , متشكرين , مشكور ... وبدون تفاعل .. ( بلاها كلمة الشكر ) احسن .

الحاجة التالتة الى بيكتب موضوع ..المفروض انة لا ينتظر كلمة شكر ... لكن ينتظر التفاعل معاه .

لكن انا حصل معايا موقف مختلف شوية ... عملت استطلاع عن شركات التأمين .. وكنت كاتب نقط محددة الناس الى مأمنة تشرحهلنا بالتريتيب .... عاوز اقولك ان اكتر من 60 واحد صوتو ... والى كانو متفاعلين ممكن مثلا 10 .. والى كتبو معلومات مفيدة .. ممكن تلاته بس ... تخيييييييييل من اكتر من 60 صوتو ..... 3 ولا 4 هما الى يفدونا ويشرحلنا تجاربهم مع الشركه الى مأمنين معاها والباقى ؟؟؟... يعنى بصراحة انا استغربت .. و قولت ياريت ماكنتو صوتو لانهم صوتو للشركة الى هما مشتركين فيها .. ومفهموش قصد الموضوع .. ( دخلو ضغطو على الزرار ) وقفلو الموضوع ؟ طيب صوت لية من الاساس لما انتا مش حتفيدنا ! هل هيا استخصار المعلمومه ولا استسهال ؟؟ ولا اية مش قادر افهم ...

:D بس قشطه مافيش مشكلة عادى وعلاشان كدة بقول لحضراتك ... كلمة شكرا على سبيل المجالمه مش حتفيد .. المهم التفاعل ...

على فكرة يا جماعة انا اعرف ناس مشتركة و مش بتشارك ،
و لما بسألهم ليه مش بتشاركوا بيقولوا ان معندهمش حاجة يضيفوها و هما بس بيشوفوا المعلومة اللي عايزنها و خلاص ,
الحقيقة لو كل الناس عملت كده مش هيبقى فيه اي معلومة لأن مفيش حد هيكتب أو حد هيشجع اللي بيكتب و لو بكلمة و مفيش حد هيتفاعل و يضيف معلومة أخرى في سياق نفس الموضوع ,
لازم نتفاعل و اذا مكنش عندك حاجة تضيفها يبقى من باب المجاملة أو من باب التشجيع أو انك تقول انك قريت حتى الموضوع و لو بكلمة.
وإذا مكنش من أي باب يبقى من الشباك حتى ....... :)