سعر الــ valve body ??

**safyyy** · 11-09-2010 04:41 AM

السلام عليكم

للاسف الشديد العربيه باظ فيها الــ body valve و ربنا ما يكتبها على حد بجد يا جماعه .. دى مشكله فظيعه و ممله فى العربيه . مش حا اطول عليكم .. اسئلتى هنا

هل فعلا سعره 13000 جم ؟
هل ممكن تركيبه مستعمل ؟
منين اجيبه مستعمل ؟؟ ( قلبت الدنيا عليه )

المشكله بقالها تقريبا معى 6 شهور .. هل ممكن فعلا تحصل مشاكل اكثر بسبب العطل ده ؟؟

انا اسف على اطالتى

**safyyy** · 12-09-2010 03:29 AM

انتوا فين يا شباب ؟؟؟؟ [marq="6;down;2;alternate"]رجاء المساعده [/marq]

**MuhamedNabil** · 12-09-2010 03:30 PM

هو اه البيحصل بظبط و انت ماشي أو فالنقلات
والعربية automaticولا manual

**safyyy** · 12-09-2010 04:54 PM

العرببيه اوتوماتك

الى بيحصل باظبط ان من النقله التانيه الى التالته المتور بيلف على الفاضى اكنى عملت مور و لازم اشيل رجلى من على دواسه البنزين علشان تنقل و برضه و انا ماشى عادى خالص بيحصل نفس الموضوع .. بس المشكله دى بتحصل فى النقلات المنخفضه و ليس على الخامس او السادس .. و ايضا على شاشاه النقلات امامى ساعات كلها تنور من الاول حتى السادس اكن الكمبيوتر بتاع العربيه مهنج بالظيط ... داه غير الخبطه لما الجير بيجى بنقل لما بيحصل الموضوع ده

**Adham** · 12-09-2010 05:15 PM

عربيتي الهوندا اكورد عملت كدة من سنين و كانت بعد التالت الرابع يبقى ضعيف قوي و مجرد ماتدوس بنزين تفوت و تلاقي الار بي ام بيطلع عالفاضي

غيرت بودي فالف

غيرت قربة

غيرت طقم كلاتشات

صرفت يمكن 7000 جنية

و في الاخر نزلت بورسعيد جبت فتيس استيراد

قصر على نفسك و هات فتيس استيراد

يا خوفي تكون بتصلح الفتيس عند مجدي اوتوماتيك اللي في احمد سعيد

هو كل ما ميعرفش يصلح فتيس يقولك عيب بودي فالف علشان عارف انة مش بيتباع استيراد لوحدة لانة حايهدر فتيس

انا شاكك ان ممكن كلاتشات مفوتة عندك

ولو مصر تصلح يبقى انزل الحرفيين و ادخل اول يمين بعد المزرعه و اسأل على محمد الونش و وريلة عربيتك و شوف رأية دة محترم و فاهم قوي و متخصص فتايس اوتوماتيك و محدش اشتكى منة و مافيش عربية وقفت معاه

**inspiron** · 12-09-2010 05:22 PM

المشكلة اللي بتقول عليها دي مش مشكلة BodyValves.لو سمحت أول حاجة تعملها تاخد العربية علي واحد إسمه رامي شعبان في الهرم وده رقم تليفونه 0100429378 وخليه يوصل العربية علي الكمبيوتر وتشوف العطل فين بالظبط وهو هيقولك علي كل حاجة..

هي العربية موديل كام؟؟ وعاملة كام كم؟

**inspiron** · 12-09-2010 10:24 PM

المشاركة الأصلية كتبت بواسطة Adham

اعطال الكلاتشات و البودي فالف ماتبانش عكمبيوتر لان دي اعطال ميكانيكية مش كهربية

يعني تفويت كلاتش بسبب تآكل الكلاتش او تهريب زيت من اورينجات البودي فالف دة مش عطل حساس كهرباء (سنسور) يبان على كمبيوتر

انا لو منك اغير زيت الفتيس و اشوف حاجتين

اولاً لو الزيت نازل محروق و لونه اسود و ريحتة شياط يبقى كلاتشات بايظة

و ثانيا لو نضيف و احمر يبقى عيب تفويت زيت من اورينجات البودي فالف

و ممكن لو ربنا يكرمك و يطلع فية نقص زيت كتير او ان الزيت وحش تلاقيها ظبطت بعد تغيرر الزيت

بس تجيب زيت من شل او موبيل و اوعى تجيبة من محل زيت بتوع المضروب و متعبي ابرو و لا ماج

باشا أنا كلامي واضح..أنا مجبتش أصلا سيرة كلاتشات..وأنا عارف طبعا إن أي عطل ميكانيكي في الفيتيس مش هيظهر علي الكمبيوتر..أنا قولت قبل أي شئ يوصل العربية ويشوف هل مسجلة error ولا لا..وبعدين زيت الفتيس مش بتاع شيل ولا موبيل.ده كده يودي الفتيس في داهية..زيت الفتيس بتاع الأوكتافيا ATF في علبة رمادي أو أبيض وعليها ستيكر أحمر وسعر الكيلو 135 جنيه.غير كده مينفعش.

**inspiron** · 12-09-2010 11:21 PM

المشاركة الأصلية كتبت بواسطة MuhamedNabil

السلام عليكم

بص يا باشا العيب دة بيكون نتيجة إن ضغط زيت الجيربكس مش مظبوط و د بيكون له أسباب كتير منها الزيت قليل أو في حاجة اسمها shift solenoids دول بيزبط ضغط الزيت بتاع ال-gearbox عشان ينقل و أحياناً ممكن يكون في حاجة ذي رجلش كدا جوا الbody فالف بيكون مع هبد النقلة والمطبات كتير فك شوية و د كنت الفي عربيتي 307 و الزيت ذي ما
inspiron قال هو زيت أبيض esso atf حتلاقي الاصلي من برد موجود في peugeot ب-125 العطل د بيظهر الى كمبيوتر الاعطال إن oil pressure fault طبعاً مش لزم يكون حرفياً كدا يعني د كان فال-peugeot عندي كدا ، روح إكشف أبل أي حاجة و متشترش أي قطعة أبل متكشف ممكن تطلع حاجة بسيطة زيت ناقص أو كدا و حاجات دي حول تعملها فالتوكيل أو مركز صيانة محترم اشاً لو ظهرت تاني أو متصلحتش من أول مرة المصنعية مدعش عليك. و تاني الزيت دة ملوش بديل لزم دة بعينو

برد ممكن تاخد فكرة من ال-internet google search موديل العربية + gearbox fault / gearbox problems و ربنا يوفقك

هوا دا الكلام...وبرده أرجو من صاحب الموضوع ذكر موديل العربية وعاملة كام كيلومتر..لأن لو أقل من 60000 كم يبقي إستبعد إطلاقا موضوع الـ body valves errors.