مش عارف اركب سنتر للفورد فيستا ابدا ياريت اللى عنده فيستا يدخل

عندى فورد فيستا موديل 1997 الشكل القديمب
بالصدفه الباحته لقيت قدامى سنتر بانذار
بريموت وسعرهم كويس جدا وفى نفس الوقت
عندى مفتاح واحد بيفتح كل حاجه البابين والتانك
والشنطه والكونتاكت يعنى كل حاجه فقلت اريح ده كله
واخلى العمليه اسهل شويه علشان الكوالين متبوظش واضطر
اجيب كالون جديد بمفتاح جديد وهكذا خدت السنتر للراجل
الكهربائى قعد يومين يحاول معاه معرفش قاللى علشان
المسوجر بتاع الباب منه فيه زى ما انتوا عارفين وقاللى روح لبتاع
بيبان رحت قاللى نفس الكلام وعندى واحد معرفه قاللى على واحد
من افضل الناس اللى بتركب سنتر تقريبا فى مصر راح مكلمه قاله
الفيستا دى مش بيركبلها سنتر لانه معقده شويه ومحتاجه تعميل وحوارات
فانا صرفت نظر عن الموضوع علشان مش عايز ابوظ حاجه وارجع اندم
ولكن بالصدفه على النت لقيت نفس عربيتى وفيها سنتر وانذار وكمان موديلات
احدث من بتاعتى ونفس نوع الكالون وبرضه نازله بسنتر من التوكيل
هل بقى فى مكان معين ممكن اروحله والا اروح التوكيل نفسه وخلاص
والموضوع ده فى التوكيل هيتكلف كام تقريبا

اولا عربيت حضرتك و عربيتي و عربيات ناس كتير هنا ملهاش دخول للتوكيل من الاساس
موضوع السنتر اولا تتاكد ( عند حد بتاع ابواب ) او العربية مفيهاش سنتر و ملغي او فاصل كهرباء الاول و بعد كدة نتكلم

السلام عليكم ياباشا
روح التوفيقية عند واحد مش فاكر إسمه بالظبط بس هو محل كماليات كبير لو وعندةصنايعية بتركب السنتر قدام المحل انا كنت روحتله وقالي هو صعب وتركيبة مقرف وبياخد وقت بس هما ركبوه قبل كدة علشان كدة كمان مصنعيتة غالية كان قالي هياخد 150 تركيب بس غير تمن السنتر

بص انا هوصفلك مكانة علشان والله مش قادر أفتكر إسمه

لو دخلت شارع التوفيقية الرئيسي من شارع رمسيس (هو أصلا خارج بس ممنوع الدخل بس انا بقولك الوصف) هتلاقي أول حارة على إيدك الشمال فيها بتاع قطع الغيار الفورد اللي إسمه بدروسيان (على فكره حرامي متشتريش حاجة منه) تميش زي مانت في نفس الشارع ده حوالي 300 متر هتلاقي على إيدك اليمين محلات بتاعة كماليات هو أخر واحد فيهم قبل التقاطع علطوول

بس نصيحة بلاش السنتر يكون صيني لأن الطرمبة بتاعت الستنر الصيني بتبوظ بسرعة ولو باظت بتقفش يعني لو الباب مقفول بيفضل مقفول مش هتعرف تفتحة إلا لو فورت الطرمبة طبعا علشان توصلها والباب مقفول هتبوظ بطانة الباب علشان تعرف تفكة

ريموز باشا ازيك
على فكرة لو العربية عنده نازل فيها سنتر و مش شغال او ملغي تصليحة افضل من تركيب جديد

انا العربية كانت نازلة بالسنتر بتاعها هي كانت موديل 99

السلام عليكم

لو كنت عايز يا صديقي عندي طقم كوالين بالسنتر لوك فيستا اصلي + 2ماكينه زجاج كهرباء اصلي

للتواصل محمود الحريري 0122460386

الراجل معاه 1100 يا محمود مش 1300 هل هيا نفس الكوالين ؟؟