ايه علاقه النيتروجين باستهلاك البنزين !!!

**farfora20082008** · 11-09-2010 02:20 PM

السلام عليكم

انا من 7 ايام روحت بريدج ستون وفضيت الكاوتش بتاعي ومليتهم كلهم نيتروجين - انا قلت للولد اللي هناك اظبط الضغط علي 30 قالي لا مش ينفع عندك مكتوب علي الباب 32 " النترا " قولتله يا عم اظبطه علي 30 قالي لو ظبطه علي 30 الكاوتش هيتاكل من الجوانب بسرعه

علي العموم فيه حاجه غريبه بقي انا ملاحظ ان استهلاك البنزين بقي اعلي بعد ما غيرت للنيتروجين مش عارف ليه - اصلا انا مكونتش اعرف الكاوتش قبل ما املاه نيتروجين كان مظبوط علي كام لاني سيبته باللي كانت جايه بيه زيرو شهر ونص

ممكن تقولولي اعمل ايه عشان انا كنت فرحان باستهلاك عربيتي ويا فرحه ما تمتشي

هل فعلا الاستهلاك زاد عشان غيرت لنيتروجين ولا لسه عشان العربيه زيرو !!! هي عامله 1500 كيلو

**ahmad--ezzat** · 11-09-2010 02:25 PM

تهيؤات يمكن؟؟؟

**shooter123** · 11-09-2010 03:03 PM

اظبط عدادك وحط بنزين وجرب بتركيز لان كلامك عكسه هو الصحيح اي ان النتروجين بيقلل من استهلاك البنزين
جرب تاني واحنا في انتظار النتيجة

**BrainStorm** · 11-09-2010 03:40 PM

النيتروجين ملوش أي علاقة بزيادة معدل استهلاك البنزين خالص !!
كل فايدة النيتروجين إنه بيحافظ على ضغط الكاوتش وده علشان هو مش بيتأثر بالحرارة زي الهوا العادي فـبالتالي لما تمشي مسافة كبيرة, الكاوتش مش هيسخن (من جوه) وبالتالي الضغط هيفضل شبه ثابت.
يعني فايدة النيتروجين هي الأمان فقط .

**Ahmed Hassan** · 11-09-2010 04:17 PM

المشاركة الأصلية كتبت بواسطة brainstorm

النيتروجين ملوش أي علاقة بزيادة معدل استهلاك البنزين خالص !!
كل فايدة النيتروجين إنه بيحافظ على ضغط الكاوتش وده علشان هو مش بيتأثر بالحرارة زي الهوا العادي فـبالتالي لما تمشي مسافة كبيرة, الكاوتش مش هيسخن (من جوه) وبالتالي الضغط هيفضل شبه ثابت.
يعني فايدة النيتروجين هي الأمان فقط .

+1

اللي ليه علاقه باستهلاك البنزين هوه ضغط الكاوتش مش النيتروجين و لا الهواء. الضغط الناقص ممكن يزود الاستهلاك و فعلا بيقصر عمر الكاوتش.
لو زي ما بتقول سيبت العربيه على ضغط الكاوتش من الزيرو يبقى الكاوتش ضغطه كان في حدود ٤٠ لان ده الضغط بتاع التخزين.
لو مكتوب عندك ان الضغط المفروض يكون 32 يبقى المفروض تضبطه على كده... بس في جميع الاحوال 30 مش هيعمل فرق كبير في الاستهلاك.

**allinone** · 11-09-2010 04:59 PM

علي فكرة الضغط الزائد اللي بتبقي العربية جاية بيه ..

بيخلي العربية ما تستهلكش بنزين كتير ..

كان لازم تضبطه اول ما استلمت العربية ..

عشان كده حسيت بفرق وده عادي طبعا ..

**ahmedzizo131** · 11-09-2010 07:16 PM

المشاركة الأصلية كتبت بواسطة ahmed hassan

+1

اللي ليه علاقه باستهلاك البنزين هوه ضغط الكاوتش مش النيتروجين و لا الهواء. الضغط الناقص ممكن يزود الاستهلاك و فعلا بيقصر عمر الكاوتش.
لو زي ما بتقول سيبت العربيه على ضغط الكاوتش من الزيرو يبقى الكاوتش ضغطه كان في حدود ٤٠ لان ده الضغط بتاع التخزين.
لو مكتوب عندك ان الضغط المفروض يكون 32 يبقى المفروض تضبطه على كده... بس في جميع الاحوال 30 مش هيعمل فرق كبير في الاستهلاك.

بسم الله الرحمن الرحيم
الكلام دة منطقى 100 ×100
الكلام كدة على ضغط الكاوتس سواء ( هواء / نيتروجين )

**ahmedsamir5edr** · 11-09-2010 07:22 PM

المشاركة الأصلية كتبت بواسطة ahmed hassan

+1

اللي ليه علاقه باستهلاك البنزين هوه ضغط الكاوتش مش النيتروجين و لا الهواء. الضغط الناقص ممكن يزود الاستهلاك و فعلا بيقصر عمر الكاوتش.
لو زي ما بتقول سيبت العربيه على ضغط الكاوتش من الزيرو يبقى الكاوتش ضغطه كان في حدود ٤٠ لان ده الضغط بتاع التخزين.
لو مكتوب عندك ان الضغط المفروض يكون 32 يبقى المفروض تضبطه على كده... بس في جميع الاحوال 30 مش هيعمل فرق كبير في الاستهلاك.

+11111111111111

**yoko** · 11-09-2010 07:25 PM

نصيحة إظبطة 32 زي الكتالوج ولو العربيه لما جبتها كانت على ال40 فده أكيد هيقلل إستهلاك البنزين بس هيدمر العفشة وكمان هيضيع الثبات (لو حصل تغير في شكل الفرده من كتر الضغط)

-

الموضوع: ايه علاقه النيتروجين باستهلاك البنزين !!!

LinkBack

أدوات الموضوع

عرض

ايه علاقه النيتروجين باستهلاك البنزين !!! - انشر الموضوع فى :

-

-

-

-

-

المواضيع المتشابهه

هل ال tps له علاقه باستهلاك البنزين ؟؟

علاقه زيت الباور وتنظيف دوره البنزين

سؤال عن علاقة الفيوزات باستهلاك البنزين فى اللانوس 1 ؟؟؟

تجربة خاصة باستهلاك البنزين فى الصنى 2010

لو سمحتوا يا جماعة للضرورة يعني ايه الcc؟ و هل هو ده المرتبط باستهلاك البنزين؟؟؟

الكلمات الدلالية لهذا الموضوع

المفضلات

المفضلات

ضوابط المشاركة