السلام عليكم و رحمه الله و بركاته
سيتم ان شاء الله قريبا جدا ان لم يكن قد بدأ تجميع السيارة الbyd-f3 بمصانع شركة لادا ايجيبت بالعاشر من رمضان و بالتالى سيكون ثمنها منخفضا عن المستوردة..و هذة المعلومة من احد المهندسين بالمصنع .
عرض للطباعة
السلام عليكم و رحمه الله و بركاته
سيتم ان شاء الله قريبا جدا ان لم يكن قد بدأ تجميع السيارة الbyd-f3 بمصانع شركة لادا ايجيبت بالعاشر من رمضان و بالتالى سيكون ثمنها منخفضا عن المستوردة..و هذة المعلومة من احد المهندسين بالمصنع .
دة خبر رائع يا مسهل
شكرا على الخبر يا باشا
انا ركبت النوع دة بس فلاير هي على قد فلوسها بس تقفيلها تعبان و قطع غيرها حاسس انها غالية شوية
f3 يا باشا حاجة تانية خالص
بالفعل تم التأكيد على الخبر من مهندسى المصنع ولكن لم يتم التجميع الفعلى ..لكن تم البدأ فى تجهيز خط الانتاج بالفعل
صينى وتجميع مصرى تانى
ربنا يستر
ومشاكل الاسبرنزا متتكررش
الامل توكيل طول عمرة زفت شوف لما يجمع عربية صيني هتبقي عملة ازاي
أكيد هنسمع أن صاحب التوكيل هرب بعد المصايب و الديون
يعنى الراجل بيجمع الادا مقلناش حاجة
ولما جة يجمع عربية صينى يبقى ابن ستين * سبعين
يا جماعة شوفوا الشغل وبعدين احكموا
مش قبل الهنا بسنة نقول المصايب جاية
هوا حضرتك معاك لادا
ولا اتعاملت معاهم ازاى
لا انا معايه البريد الايراني ألي قطع غيرها مليا الدنيا ألا عند التوكيل (بيركب اي حاجة مكان اي حاجة و ممكن ميركبش حاجة اصلا المهم تتأخر و تدفع و لو العربية باتة ممكن تلائي الصاج اتغير)
ملاحظة العربية زي الفل لا يعبها اي شئ الا التوكيل عشان كدة قرر مينزلهاش
أنا معايا Byd F3 ودى توكيلها الأمل أروح التوكيل عند 1000 كم ولا إيه ---- أرجو الإفادة
ولا أعمل صيانه 1000 كم عند أى ورشة .
طبعا تروح على الأقل علشان الضمان ميروحشى
يعني يا جماعة اشترى العربية ولة لا؟؟
انااحترت
انا عن نفسى لو فى واحدة مستعملة قدامى وسعرها كويس هجيبها لكن اشتريها زيرو يبقى فى المشمش
مش لما تتجمع فى مصر ده دليل على الاستمرارية ولة ايه يعني تبقي زى الادا مثلا منتشرة ولة ممكن لا؟؟؟
اصل بصراحة بعد لما لفيت و دورت و سالت اللى اشتروها لقيتها حلوة و مش زي باقي الصيني انا عن نفسي شوفت عربية صيني مش فاكر اسمها تقريبا يا شيري او جيلي بس زفت فى التقفيل مع انها صيني و تعتبر غالية برضوة لكن دى مش زيها خالص بل احسن منها بمراحل يعني كانها صنى نمرة واحد عن باقي الصيني و الله اعلم
لأ ده ممكن يكون دليل علي الخيبة التقيلة و ممكن اديكو مثال علي كده فكرين ال faw و غبور و الكام نفر اللي اتنصب عليهم و اشتروا الخردة بتاعت غبور و مش بالضرورة أن العربية لما تتقفل أو تتجمع أو حتي يبيعها أكبر توكيل في مصر أنها عربية ناجحة و أنه حيستمر لغاية لما ينجحها ممكن يعمل زي الغبورية و يبيع الناس و يلبسهم في الحيطة و برضة حيكسب و الخسران الوحيد هما المستهلكين انا شايف أن لو أحسن أجيب أي حاجة في السعر ده حتي و لو صيني هندي موزمبيقي بس تكون مضمونة و ليها سوق
اظن توكيل غبور كما رأيت فى المنتدى هنا كله بيشتكي منه ازاى بقي توكيل كبيرة يقارن بغبور؟اقتباس:
أو تتجمع أو حتي يبيعها أكبر توكيل في مصر أنها عربية ناجحة و أنه حيستمر لغاية لما ينجحها ممكن يعمل زي الغبورية و يبيع الناس و يلبسهم في الحيطة
المفروض التوكيل الكبير يكون ثقة مش نقارنه بغير الثقة انا بتكلم عموما طبعا لان الواحد يفهم منكلام حضرتك كده ان حتى التوكيلات الكبيرة لا نثق فيها؟
على فكرة حضرتك تعتبر اول واحد اشوفه يشتكى من التوكيل!!!! و احترت من كلامك بس الحمد لله و كنت خايف اجيب العربية بسبب التوكيل بس سألت ناس اعرفهم كويس عن التوكيل و ناس عندهم العربية قبل ما اشتري فاكدوا لى انه كويس و محترمين معاهم و انا برضوة بعد لما اشتريت لقيتهم برضوة محترمين معى و الحمد لله