الموضوع: اختيار صيانة صعب عد التوكيل ولا برة التوكيل

والله يا أستاذ أيمن أنا رأيي تخليك برة مع مركز صيانة محترم
حضرتك كنت بتقول ان في مهندس كان في منصور وفاتح مركز
في وطنية بجوار مسجد السلام .. طب ايه المانع تكمل معاة و قطع الغيار تخليها من برة.

و ممكن تخللي منصور للصيانات التقيلة اللي ممكن يكون فيها شغل
زي الكاتينة او تغيير حاجة في العفشة ... يعني
ده رأيي المتواضع.

المشاركة الأصلية كتبت بواسطة zanativich

اولا ربنا يجعله عيد سعيد على الناس كلها
ثانيا انا مع الوكيل حتى لو حمار
انا عن نفسى عامل 80000 ومازلت مع التوكيل بيريح الدماغ مش اكتر

كلام حضرتك صح جدا بس التكلفة مغالى فيها جدا
يعنى هاديك مثال
تنظيف فلتر التكيف فى التوكيل مصناعية 30 ج خارج التوكيل 10 ج
تنظيف مجمع تجميع البنزين 50ج و دة انت ممكن تعملة بأيدك او ب 5ج عند اي حد ( ممكن يحاسبك علية او لأ حسب مزاج الفنى )
و الحاجات دى مش فى الصيانة الدورية
لو حسبت الاشياء الى بيقوم بها التوكيل فى الصيانة الدورية و بياخذ مصنعية من 155ج الى 195 ج هتلاقى لو عملت نفس الحاجات بالضبط عن مركز صيانة غير الى تابعين او وكلاء لمنصور لن تتعدى 50 او 60 ج
و خلى بالك انا عامل اكثر من 12 صيانة يعنى حافظ جميع الصيانات
دة غير ان قطع الغيار الاصلية بتاعتة بتكون ارخص عند الموزعين المعتمدين
بس هى الفكرة هايقدر المركز يشوف العيوب الى متوقع تحدث فى كيلو متر معين و لا هايسيب المشكلة تحدث الاول و هل هايقوم بجدول التغيرات زى التاب ما هايقول ولا لأ
دة الى محيرنى فى القرار

المشاركة الأصلية كتبت بواسطة dark_smoky

والله يا أستاذ أيمن أنا رأيي تخليك برة مع مركز صيانة محترم
حضرتك كنت بتقول ان في مهندس كان في منصور وفاتح مركز
في وطنية بجوار مسجد السلام .. طب ايه المانع تكمل معاة و قطع الغيار تخليها من برة.

و ممكن تخللي منصور للصيانات التقيلة اللي ممكن يكون فيها شغل
زي الكاتينة او تغيير حاجة في العفشة ... يعني
ده رأيي المتواضع.

رأى يحترم جدا
طب اية رايك اروح منصور كل 10000 واخلى الصيانة الى فى النص ( كل 5000 ) فى مركز برة ؟

المشاركة الأصلية كتبت بواسطة afrtow

سياده لعميد
طيب معلش
ايه فايده التوكيل واسعاره الغاليه من غير ضمان
طيب هل ممكن تشتري ضمان للعربيه
ايوه بس ده طبعا مش مع الوكيل
انا كنت سالت قبل كده علي امكانيه الاستفاده من عرص تكنو وان لصيانه الكيا لخليجي ورد عليا بالايجاب وده بعد فحص العربيه
انا شاايف ان الحل ده ظريف
مركز مشهود ليه بيعمل صيانه لعربيات حديثه وناس كتير مرتاحه معاه
وحيدينا ضمان
يبقه فاضل ايه تاني
اسم منصور اعتقد حضرتك عارف ان البعد عنه احسن منه كفايه وجع القلب والماهده عشان تعمل الحاجه .
انا والله ناوي علي الحل ده بس لما ارجع من الحج وخصوصا ان انا مش ناوي اغير العربيه قبل سنتين .
اللي انا بعمله اني بغير الزيوت في البنزينه , الفلاتر وتربيط العفشه عند لميكانيكي بتاعي , كذلك مشاكل الاضائه عند الكهربائي عادي وده كله لما بحتاج اشتري حاجه بشتريها يا اما من التوكيل مباشره او من بره اصلي وفيه حاجات انا ارتحتلها ذي التيل جبته مش الاصلي وشايفه ممتاز جدا .
انا دلوقتي عامل 80000 ولسه الصيانه الكبيره عليها شويه بس لو كنت اضطريت اعمله بصراحه كننت رحت التوكيل علي طول لاكن مع مركز محترم حتابع معاه ويديني كمان ضمان اعتقد اني حيكون بالي بنسبه كبيره مرتاح .
ربنا ان شاء الله يوفقك ويبصرك بالخير .

حبيب قلبى ابو يحي
ماهو علشان منصور انا باخذ القرار دة
و فكرة شراء ضمان فكرة هايلة جدا بصراحة ما جتش على بالى خالص
طيب انت سألت عن عرض تكنو وان اية التفاصيل بتاعتة ؟
وطيب هم ليهم فى الشيفورلية بنفس الكفائة الى فى الكيا ؟
ياريت لو تعرف حاجة عن الموضوع دة تقولهالى
معلش هاتعبك و اعطلك

المشاركة الأصلية كتبت بواسطة aymanmaly

رأى يحترم جدا
طب اية رايك اروح منصور كل 10000 واخلى الصيانة الى فى النص ( كل 5000 ) فى مركز برة ؟

ممكن برضة .. مع إني مش مقتنع بموضوع ان الصيانة لازم كل 5000 ، عندك توكيل كيا مثلا كل 10000 .. بيتهيألي غالبية التوكيلات في مصر بتخللي الصيانات كل 5000 كاشيىء من الربح السريع لأن المكسب من ورا الصيانات للوكيل بيتهيألي مكسب خرافي ... وقال يعني هم خايفين علي عربيتنا !

المشاركة الأصلية كتبت بواسطة dark_smoky

ممكن برضة .. مع إني مش مقتنع بموضوع ان الصيانة لازم كل 5000 ، عندك توكيل كيا مثلا كل 10000 .. بيتهيألي غالبية التوكيلات في مصر بتخللي الصيانات كل 5000 كاشيىء من الربح السريع لأن المكسب من ورا الصيانات للوكيل بيتهيألي مكسب خرافي ... وقال يعني هم خايفين علي عربيتنا !

هاهاهاها وجة نظر
اصلك مع منصور انت فى ايد امينة ( لسة بدور على امينة )