ريحة مع التكييف في الكروز

**kamalsalem** · 11-09-2010 02:50 PM

يا جماعة انا عندي استفسار صغير وارجو الافادة من اصحاب الخبرة

التكييف عندي شغال الحمد لله تلاجة ما شاء الله عليه... لكن ساعات وهو شغال كده.. ألاقيه فجأة بقى ساقع بزيادة كده كأنك فتحت باب فريزر وابقى بردان.. والاقي ريحة غربية كده في الكابينة

انا خايف جداً يكون التكييف بيسرب فريون... بجد مش هستحمل العربية يطلع فيها مشاكل من دلوقتي

اعرف منين انه التكييف بيسرب ولا لأ... أوديها لحد يبص عليها ولا أدخلها التوكيل؟ ولا ممكن دي تكون ريحة طالعة من الفلتر عشان جديد؟

العربية دلوقتي عاملة 1200كم

يا ريت حد يطمني الله يخليكوا

تعديل: الموضوع ده حصل مرتين من ساعة ما استلمت العربية, وفي المرتين التكييف كان شغال ع الفاضي يعني على اقل درجة لمجرد انه ابقى قافل الزجاج...

انا قريت على منتدى اجنبي بتاع هوندا انه الريحة دي بتبقى زي ما تكون ريحة رطوبة... وده تقريباً كده اللي عندي.. وانه المشكلة دي سببها ساعات في الرطوبة انه قطرات ندى بتتجمع في المواسير وتطلع في الكابينة تعمل ريحة.. وانه الموضوع مش مشكلة

مستني الردود الله يخليكوا

**aymanmaly** · 11-09-2010 03:06 PM

لا ازعل اوى منك لو شكيت فى العربية
موضوع الريحة دى بتبقى نوع من البكتريا
حلها كالتالى
تنظيف الفلتر
شغل التكيف على السخن لمدة 30 دقيقة كحد اقصي و انت قافل العربية ( ان شاء الله الريحة هاتروح على طول )
و دة ظبيعى ما تقلقش
بس اوعى تقعد فى العربية وانت مشغل التكيف سخن ( احنا عايزينك )
و ممكن تبداء بعمل التكيف سخن بدون تنظيف الفلتر
و كدة كدة انت فى الضمان اوعى تخاف انت مع منصور فى ايد امينة ( اول ما امينة ترجع لمنصور )

**kamalsalem** · 11-09-2010 03:11 PM

متشكر على الرد المطمأن... بس انا عايز اأكد انه الريحة بتيجي فجأة وبتروح... وليه بتخلي السقوعية تزيد؟

**aymanmaly** · 11-09-2010 05:24 PM

90% التورمستات بتشتغل و تفصل لما بنشتغل بتحس ان البرودة زادت بس علشان هوايات التكيف فى العربية بتبقى قربة منك فبتحس
لو قلقان زيارة سريعة لمنصور

**أشرف العدوي** · 11-09-2010 05:47 PM

انا متهيألي ما فيش مشاكل خالص
ممكن تكون علشان العربية جديدة و الله اعلم
او ممكن يكون الفلتر محتاج تنظيف

هي ريحة عاملة زي ريحة كمكمة كدة صح ؟

انت بتشغل التكييف على اهي مود
يعني تدوير الهواء داخل السيارة
و لا هواء من خارج السيارة

هي حصلت معايا في الأفيو و غيرت الفلتر و حطيت عليه نقطة معطر أسمه أكسجين تحفة
و بقى يطله ريحة حلوة دلوقتي

لو هتعمل حوار المعطر ما تزودتش عن نقطة واحدة

**أشرف العدوي** · 11-09-2010 05:54 PM

المشاركة الأصلية كتبت بواسطة kamalsalem

حبيبي متشكر والله...أنا رحت مشوار بالعربية ودرجة الحرارة برة 43... ومراتي كانت بردانة... ف أظن انه لو التكييف بيريح او الفريون بيفنس... كان زمانه مبقاش بيسقع

ان شاء الله ما فيش مشاكل
هو انا بالنسابالي ( و طبعاً ما تقارنش الأفيو بالكروز )
كنت بشم الريحة دي لما الكمبريسور يفصل

انت اعمل زي ما الأخوة قاللوك شغله على السخن شوف ايه الي هيتم و ان شاء الله لما تروح الصيانة خليهم ينظفوا فلتر التكييف و بأذن الله المشكلة تتحل

**ahmedsamir5edr** · 11-09-2010 07:28 PM

المشاركة الأصلية كتبت بواسطة aymanmaly

لا ازعل اوى منك لو شكيت فى العربية
موضوع الريحة دى بتبقى نوع من البكتريا
حلها كالتالى
تنظيف الفلتر
شغل التكيف على السخن لمدة 30 دقيقة كحد اقصي و انت قافل العربية ( ان شاء الله الريحة هاتروح على طول )
و دة ظبيعى ما تقلقش
بس اوعى تقعد فى العربية وانت مشغل التكيف سخن ( احنا عايزينك )
و ممكن تبداء بعمل التكيف سخن بدون تنظيف الفلتر
و كدة كدة انت فى الضمان اوعى تخاف انت مع منصور فى ايد امينة ( اول ما امينة ترجع لمنصور )

أنا شايف أنه أفضل حل
لأنه حتي لو في حاجه .. حتموت من السخونيه

**aymanmaly** · 12-09-2010 02:59 AM

المشاركة الأصلية كتبت بواسطة khaled ayman

هات العربيه لفه و انا اظبتلك الحوار ده

مبلاش انت عربية الراجل جديدة ربنا يحمهالة و يباركلة فيها
و يكفية شرها و يعطية خيرها

-

-

الموضوع: ريحة مع التكييف في الكروز

LinkBack

أدوات الموضوع

عرض

ريحة مع التكييف في الكروز - انشر الموضوع فى :

-

-

-

المواضيع المتشابهه

أرجوا المسااااااعدة من أهل الخبرة ، ريحة شياط من التكييف

ريحة التكييف

ريحة التكييف

ريحة التكييف

ريحة وحشة من التكييف

الكلمات الدلالية لهذا الموضوع

المفضلات

المفضلات

ضوابط المشاركة