-
اسماعيلية
كل سنة و انتم طيبين
كنت بفكر اروح بكرة انا و العيلة الاسماعيلية ,
بس و انا ماروحتش اسماعيلية قبل كده بس اسمع انها بلد هادية و جميلة
فياريت لو حد عنده معلومة نروح فين و ايه نظام الاسعار ,انا كنت سمعت ان فيها حاجة زي شاليهات على بحيرة التمساح تقريبا فلو حد عنده معلومة يقولي لاني بفكر اطلع بكرة الصبح انشاء الله.
شكرا مقدما على مساهمتكم
كل عام و انتم بخير
-
-
الاسماعيلية بلد فعلا السحر والجمال
لو ليك فى البحر وكدة معتدقش ان اسماعيلية هتعجبك لان هى على بحيرة انما كخضرة وكدة فعلا هى بلد جميلة
بخصوص الشاليهات فى شاليهات تبع المحافظة فى البلاجات جميلة جدا بس معلش مش عارف الاسعار بصراحة
المهم انت قولى دماغك اية خضرة ولا بحر وانا ان شاء الله اقول لحضرتك على الاماكن الحلوة
-
انا روحت الاسماعيلية مرتين قبل كدة عايز تروح انضف مكان فى قرية 25 يناير بتاعت الشرطة شاطئ بتاعها نضييف جدا وبسين بس مش عارف نظام حجز الشاليهات اللى ع البسين اية يعنى ممكن تتصل بيهم تشوف اية النظام لكن بالنسبة للدخول بتاع القرية المرافق مع الظابط بيبقى ب 20 جنية مش عارف لو مش هتعرف تجيب كارنية هيبى بكام بس ممكن تكون ب 20 بردو هات النمرة من الدليل واعرف كل حاجة منهم
وكل عام وانتم بخير واجازة سعيدة عليك انشاء الله
-
شكراا ليكم يا جماعة و كل عام و انتم بخير
eng Mostafa
انا عايز حاجة استجمام و هدوء مش نزول بحر
-
-
لو حضرتك عايز خضرة وجناين وكدة بس مفيش بحر
فى الواحة فى طريق البلاجات وفى الساحة الرياضية فى الطريق الدائرى
ولو حضرتك عايز بحر وعايز خضرة يبقى حضرتك تروح نادى الدنفا نادى جميل جدا ونظيف جدا تبع هيئة قناة السويس وميزة النادى كمان انة على قناة السويس فحضرتك بتشوف السفن وهى معدية فى القناة وبتبقى قريب منها
سعر دخول النادى 20 جنية للفرد
وبخصوص الاكل وكدة لو فى اى استفسارات انا موجود ونصيحة بلاش اكل كشري فى الاسماعيلية لانة مش حلو زى اللى بيتباع فى القاهرة
كان نفسي اكون فى اسماعيلية علشان اتشرف بمعرفة حضرتك
وياريت بلاش جرى على الطريق لان غالبا بيبقى فى ردار واللجنة بتعتة عند المركز الطبي العالمى ومن بعد الكرتة بيبقى فى ردار
وحضرتك راجع ان شاء الله من الاسماعيلية فى اتجاة القاهرة هتلاقى فى جتة لسة مرصوفة جديد ياريت هى مسافة كبيرة شوية بس معلش امشي على مهلك فيها لان اخرها فيها كسر غبي
اتمنى لحضرتك يوم سعيد
ودة رقمى علشان لو فى اى استفسارات انا موجود
0104866256
-
في شاليهات النورس بتبدا ب 200 جنيه اليوم بس منصحكش باسماعليه كمصيف المياه وحشه جدا هو انظف حاجه هناك الدنفاه
والشمس بتاعتها جامده اوي دي مره سيحت لي الغطاء البلاستيك بتاع لمبه الستوب الخلفي
لكن الخضره هناك حلوه جدا والجناين كتيير
بالنسبه للاكل حسن ابو علي جامد جدا في السمك وسعره كويس وفي كمان سي جل بس غالي شويه وفي محل حضر موت جنب الموقف بيعمل مندي وبرياني جامد اوي وفي مشويات حلمي والفروج الزهبي حاجه كده زي كنتاكي حلوه اوي
وبالنسبه للحلويات محلات طيبه جامده جدااا
-
بصراحة الف الف شكر ليكم انتم ناس 100 100
للأسف احنا قولنا ناجلها للأسبوع الجاي نكون رتبنا من بدري و تسلموا على خدماتكم
شكرا
-
المانجو الحلوة الرخيصة
من اين يا بشوات الاسماعيلية
و كمان السمك الجميل نشترية من اين فى الاسماعيلية
Content Relevant URLs by
vBSEO 3.6.0 PL2