عايزة اتجوز-------------------------(1)

**MaZaGAngeE** · 11-09-2010 05:49 PM

البنات قبل ما تتجوز بتبقى هتموت و تتجوز
بعد ما تتجوز بشوية تروح بصالك بطرف عين كده و تقولك على ايه ده كله اللي خدته القرعا تاخده ام الشعور

انتوا بتاخدوا الرجالة لحم و ترموهم عضم
ربنا يعوض علينا

**ahmed88hassan** · 11-09-2010 05:58 PM

المشكلة مش بس المعايرة
في مشكلة تانيا وهيه في الظاهر تبان انها احاسيس ومشاعر انسانية طيبة
وهي : الشعور بالإشفاق ع علي اللي بتتأخر في الجواز ( علي اساس ان خلاص حياتها خلصت )
وده برده بيضايق وبيديها احساس بالضعف والفشل

**Adham** · 11-09-2010 06:13 PM

انا متابع مدونة غادة عبد العال wanna-b-a-bride.blogspot.com من سنة 2006

و مش عاجبني اسلوبها بتاتاً وشفت المسلسل و جاء برضة اكثر عبطاً و استهبالاً و صورة مبتذلة بيحاولوا يجعلوها كوميدية

و البنت (غادة عبعال) اتشهرت و فرحت بنفسها قوي عالمدونة و المسلسل و لما حولوها لكتاب و اتترجم للايطالي بقت فاكرة نفسها توفيق الحكيم او طه حسين

مش فاهمه ان الايطاليين واخدين الموضوع كصورة متخلفة للعادات و التقاليد البالية في الدول الشرق اوسطية و العالم النامي الثالث

و زادتة ابتذالاً في المسلسل بطريقة فجه انا باعتبرها مهانة و استهانة بعواطف كل فتاة او اخت تأخر زواجها قليلاً لعدم توفيق في الحصول على زوج مناسب ترضى دينة و خلقة قبل اي شيء
و مهانة و استهانة بكل شاب بيتقدم لخطبة واحدة ربما تفوقة مركزاً اجتماعياً او مادياً او هي ترى انة غير مناسب لسبب او لأخر

انما ان يتحول الموضوع لمسخرة انها بترمي العرسان من باب الشقة عالسلم و انها لو حد قاللها "حضرتك مرتبطة" بتهر على روحها دة قمة الأسفاف

و لا يختلف عن التخلف و الابتذال في اجتلاب ضحكات مفتعلة من خلال كوميديانات زي اللمبي و بوحه و غيرهم و غيرهم

و اخيرا تقبلي مروري و تحياتي

**maka** · 11-09-2010 07:53 PM

انا بصراحة قريت الموضوع تخطيف بسرعة علشان طويل فحت

و لو عن مسلسل هند صبرى فهو اتم اتمة السنين و اهبل و يجيب بلهة و فكرة مرفوضة لانها ممكن تجرح ناس ملهاش اى ذنب غير انه واحدة طلعة تتسهوك فى شهر كريم

المشاركة الأصلية كتبت بواسطة askafrawy

بس الموضوع دة معتقدش انه لسة موجود....لان زى ما سن البنات تعدى العشرينات و الثلاثينات...الرجالة كمان تعدى سنهم الثلاثين و الاربعين ولسة متجوزش
الموضوع ملوش علاقة بسن اكتر منه ان ظروف المعيشة هى الخلت سن الزواج يتعدى السن الكان معروف قبل كدة فى القري و المدن
يعنى ولا البنت ولا الولد لهم ذنب فى مشكلة العنوسة
ظروف المعيشة وغلاء الاسعار و ...............
هم السبب

صح يا باشا تاخر سن الجواز رجالة و ستات مش ستات بس

و ده لاسباب كتيرة : اجتماعية , مادية و غلاء المعيشة و ظروف اقتصادية زى الزفت , و انك تلاقى بنت الحلال و يحصل قبول و لا لا

و تقريبا جيلى سن جوازها هيبقى بعد ال 30

المشاركة الأصلية كتبت بواسطة mazagangee

البنات قبل ما تتجوز بتبقى هتموت و تتجوز
بعد ما تتجوز بشوية تروح بصالك بطرف عين كده و تقولك على ايه ده كله اللي خدته القرعا تاخده ام الشعور

انتوا بتاخدوا الرجالة لحم و ترموهم عضم
ربنا يعوض علينا

بيبقوا خدوا غرضهم يا باشا

و البنات من النوعية دى مش بيبقوا عاوزين يفتحوا بيوت وبيعمروها

فبالتالى التغيير هيكون مطلوب

**Khaled_Nowaihy** · 11-09-2010 08:07 PM

العنوسة مش عيب ... وانا اعرف فى محيط العمل آنسات كتييييييييييييييييير تجاوزوا ال 50 و على قدر عالى من الجمال والعلم
بس بمزاجهم أو بسبب ظروفهم !!!!!
وما بيحسوش بأى حرج لما بنغلط ونقول لهم يا مدام على سبيل التوقير
اللى عاوز اقوله ان المجتمع ماعادش زى زمان ... لأن عدد الغير متزوجات يزيد باستمرار باختلاف الأسباب
وكلمة عانس بتطلق على نوعية محددة منهم معروفة جيداً - قبل ما تفهموا غلط النوعيات الاستفزازية فقط !!!!

**أبومعاذ** · 11-09-2010 10:12 PM

لو ترجع سنة التعدد مش هيبقى في كلمة عانس

**زينة الله** · 12-09-2010 11:11 AM

أنا ملاحظة إن كل المشاركات تقريبا من الشباب و يمكن أنا أول مداخلة بناتى بعد صاحبة الموضوع
و مع إن مواقف كتير من اللى جت فى المسلسل (بغض النظر عن الانفعال الزايد لهند صبرى ) فعلا حصلت لى و خصوصا الحلقة اللى كان أبن الخالة جايب لها العريس لدرجة إنى قعدت اضحك وعنيا تدمع لحد ما عيطت بجد
بس ما علينا لو كنت شاب أو بنت و اتأخر جوازك و عديت التلاتين بالنسبة للبنات أو الأربعين بالنسبة للشباب

ممكن تقبل تتجوز من حد عنده ظروف خاصة ؟؟؟؟

يعنى أرمل أو مطلق أو أرملة أو مطلقة مثلا بدون أولاد

أو عنده أو عندها أولاد صغار و حتتصرف معاهم ازاى باعتبار أنك عايز تراعى ربنا فيهم و فى نفس الوقت ما تظلمش نفسك