الموضوع: عايزة اتجوز-------------------------(1)

عريس يا بوى طخه بس متعوروش يا بوى

كلنا عارفين نبيلة السيد فى الفيلم
مش دى الصورة التقليدية للعانس
واحدة قبيحة(مع اعتراضى على وصف اى فتاة بكده لأن الجمال نسبى ولأن ده استهزاء بخلق الله)
محدش بيتقدم لها ومحدش عايز يتجوزها ده كان زمان
================================================== ======لفظ عانس طبعا عرفة التعليقات مرهفة الحس اللى هلاقيها من بعض الأعضاء مش مهم لو قدرت انقذ اى عدد من النساء سواء مطلقات ارامل او بنات من جرح المشاعر هكون سعيدة
لأن ده مش موضوع بكتبه وخلاص دى رسالة وطبيعى موجهة لأى حد بيجرح حد وهو مش قاصد لأن اللى معندوش شوية من اللى احمر كلامى مش هيفرق معاه واللى متعمد يعاير حد بنعمة ربنا اللى من عليه بيها سواء زوج يعنى سكن ومودة ورحمة
او مال واولاد يعنى زينة الحياة الدنيا وفاكر ان هو اللى اتحصل عليهم او هى بالشطارة او الذكاء او الجمال فالمخ التعبان ده علاجه مش هنا

النعمة اللى ممكن ربنا يعاقب اى انسان او يبتليه بحرمانه منها فى اى لحظة
================================================== ======
خلينا فى البنات الأول بما ان المسلسل لسه خلصان
هو لازم انسان يتبتر منه عضو عشان يحس بواحد قدامه حصلت له حادثة فظيعة او لازم ابنه يكون فى 57357 عشان يحس بيهم او لازم يكون بات فى الشارع بردان عشان يحس بالمتسول ولا لازم تكون واحدة قريبة منك قوى مرت بانفصال وشفت المها ومعاناتها عشان تفهم ابدا امال ليه المجتمع وصل للدرجة دى
بلاش يحسو لو مش قادرين بس على الأقل لا للأهانة وجرح المشاعر
++++++++++++++++++++++++++++++++++++++++++++
اللى قرأ المدونة هيفهم المسلسل عايز يقول ايه واللى لأ على رأى هدية فى الكبير قوى
انى اجولك

مع تحفظى طبعا على الهطل وانعدام الكرامة اللى علا فيهم اهى عقلت فى الآخر بعد ما جالها انهيار عصبى يلا منستعجلش ماهو المسلسل زودها قوى عشان يبقى الضحك للضحك وتحفظى على كمية الحقد والغل الفظيعة مفيش حد قلبه سليم فى 50 بن آدم اعوذ بالله

================================================== ===========
لفظ عانس متغير بتغير الظروف الاجتماعية والتطور الزمنى للمجتمع
فهو السن السائدة والمتعارف عليها وسط المجتمع للزواج وبالتالى يختلف فى الماضى عن الحاضر وفى الريف عن الحضر يعنى فى الماضى كان فى اوائل العشرين والآن بمجرد دخول بوابة ال30
وفى اللغة عنست البكر تعنس بالضم وعنوسا وعناسا اى طال مكثها فى بيت اهلها بعد ادراكها ولم تتزوج

والرجل اسن ولم يتزوج فهو ايضا عانس

هيه هيه خدتو بالكو طب والراجل اذا لم يعثر على الشريكة المناسبة او هه او رفض الزواج برغبته او عجز عنه
يحتفظ بلقب الطف (عازب)

بينما المرأة رغم كونها الأضعف نفسيا خاصة اذا انصرف الأخوة الى حياتهم ومات الاب والأم ونظر لها المجتمع تلك النظرة السلبية تحمل اللقب الذى يحمل اساءة نفسية وضغط اجتماعى كريه واحباط
ويعتبر الزواج مسألة اختيارية وليس قضاء وقدر ورزق من الله قد يؤخره لحكمة
هى الناس متعرفش ان الزواج مكتوب قبل خلق الخلق وانه هيكون فى موعد محدد لن يتأخر او يتقدم

ممكن ده يضطرها لقبول اى شخص غير ملائم لها فى حياة زوجية بائسة غير متكافئة لمجرد تجاوزها السن المناسب من وجهة نظر المجتمع
فرضا ربنا قدر لها تعيش عزباء تروح تنتحر ملهاش لزمة كأنسان ولو ده قدرها والله لو عملت ايه وقبلت بمين وتنازلت عن ايه ما هتتجوز عمرك انت كشاب ما مشيت فى موضوع وباظ على اتفه سبب ياما ناس فرشت الشقة ولا كانت فى الأستوديو والناس فى القاعة وبرضه متجوزوش ده قدر
وعلى فكرة الشاب اللى مبيتجوزش خصوصا لو الناس عرفة انه مقتدر او مسافر بره مبيسلمش من كلام فظيع انتو عارفينه كويس
محدش هيقبل منه انه انسان وميقدرش يربط حياته كلها غير بواحدة متفاهم معاها ومستنى لما يلاقيها مش اى حاجة وخلاص هم مش هيفهموا ده وعنهم ما فهموا
امتى هيتقال عليه عانس؟
تؤ تؤ الراجل ما يعيبوش الا جيبه فى الشرق
===================================
الكلمة حرام شرعا ايه رأيكو بقى والكلام ده من دكاترة فى تفسير القرآن
" يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالألقاب بئس الاسم الفسوق بعد الأيمان ومن لم يتب فاولئك هم الظالمون"

لا تتداعوا بالألقاب التى يسؤ الشخص سماعها اظن معروف اللى بيتقال عليها عانس وبايرة ........الخ بتحس بايه

قال ابن جرير غير جائز للمسلم ان ينبز اخاه باسم يكرهه او صفة يكرهها

قال ابن عباس التنابز بالألقاب ان يكون الرجل عمل السيئات ثم تاب فنهى الله ان يعير بما سلف

قال ابن عاشور اللمز ذكر ما يعد ه الذاكر عيبا لأحد مواجهة فهو المباشرة بالمكروه

عن الحسن البصرى ان المستهزئين بالناس يفتح لأحدهم باب من الجنة فيقال هلم هلم فيجىء بكربه وغمه فاذا أتاه اغلق دونه فما يزال كذلك حتى ان الرجل ليفتح له الباب فيقال له هلم هلم فلا يأتيه

وروى ابن حبان فى صحيحه ان الرسول صلى الله عليه وسلم من سمع يهوديا او نصرانيا فله النار
يعنى اسمعه بما يؤذيه يسخر منه ويستهزىء به فما بالك بأذية المسلم

وسخرية المتزوجة من غير المتزوجة التى قد تكون اكرم منها عند الله واحب فقد ابتلاها ولو قالت حسبى الله ونعم الوكيل الكلمة اللى زى الخنجر المسموم دى ممكن تقعد لبنتها
او ربنا يأخرها ليوم القيامة
ة

قال الشيخ منصور صالح المنهالى رئيس قسم الوعظ والأرشاد بالأمارات
لا توجد سن معينة للفتاة تصلح فيها للزواج او لا تصلح من الناحية الشرعية لأن الدين الأسلامى لم يضع سن معينة للزواج واخبر الرسول صلى الله عليه وسلم تنكح المرأة لألربع لدينها ومالها وجمالها وحسبها فاظفر بذات الدين تربت يداك

ودعا د سلما ن بن فهد العودة الى استبدال كلمة عانس بعزباء حيث انها ليست مسئولية الفتاة وحدها ولأن سؤ استخدامها جعل لها دلالة سلبية وحتى لا يشعرنا ان تأخر زواج المرأة هو مشكلة بخلاف الرجل
ويفترض ان الأهل يشعرون ان طول بقاء البنت عندهم فى البيت عز وشرف وليس عبء


================================================== ====
وقبل ما تقولوا
الطلبات والمهر وبلا بلا بلا اهى علا فى المسلسل ملهاش اى طلبات وبرضه مواضيعها بتقف وبعدين افرضو كانت مغالية وهو ده السبب هتربوها برضه مكنتش هتجوز الا فى الوقت اللى ربنا محدده وكاتبه حتى لو تنازلت عن الشقة والعفش ووافقت تبات فى الشارع كمان الموضوع كان هيقف برضه


والكلام لسه مخلصش

انتو عارفين لما بحط فى دماغى حاجة