Fiat x 1/9 اجمل عربية سبور كابورلية انتجتها فيات من 30 سنة

**Adham** · 11-09-2010 04:18 PM

زمان و انا في الجامعه قبل ما اشتري الهوندا سيفيك (اول سيارة) كنت باحلم اشتري العربية دي

و للعلم دي فيات انتجتها من السبعينات (1972- 1982) و مشهورة في مصر بإسم ال 128 الكابرولية

موتورها ورا 1300 او 1500 سي سي (الأوريجينال) و اتنين كرسي بس و فوانيسها كهرباء وزنها 880 كيلو بس وهي تطوير للفيات ال 850 السبايدر Fiat 850 - Wikipedia, the free encyclopedia

و من تصميم برتوني اشهر شركات تصميم سيارات اسبور في ايطاليا و بتصمم فيراري و لامبورجيني من اكتر من 40 سنة Gruppo Bertone - Wikipedia, the free encyclopedia و استمرت برتوني في انتاجها لسنة 1989بعدما توقفت فيات من سنة 1982

و سقفها من النوع الهارد ليس جلد و لة كليبسات تربطه و تقفلة باحكام من الداخل و عند خلعه مكانة في شنطة السيارة في الامام, و متصمم بحيث ان يتم وضعه مستقراً بها و لها شنطة اخرى بالخلف (خلف الموتور حيث ان وضعيتة وسطية)

و عندي ليها مكتبة صور من زمان حبيت اشاركها معكم

و كل عام و انتم بخير

http://en.wikipedia.org/wiki/Fiat_X1/9

**Adham** · 11-09-2010 04:19 PM

ودة بقى اقوى موتور ممكن يسقط في العربية دي

موتورالريتمو ابارث ال 130

وممكن كمان موتور الأونو التربو يسقط فيها بالطبع

**semsem_uno** · 11-09-2010 04:21 PM

ايه يا باشا الموضوع التححححححفة ده
اسمحلي انقل الصور عالفيس بوك عندي :)

**Adham** · 11-09-2010 04:33 PM

اتفضل يا سمسم باشا

و كل سنة و انت طيب

**yoko** · 11-09-2010 06:02 PM

العربيه دي أصلا تحفة فنيه

**ahmedsamir5edr** · 11-09-2010 07:30 PM

شكرا علي العربيه الجميله
دايما بسأل نفسي بعد المواضيع دي : هل العربيات دي لصحاب المزاج و لا أي حد ممكن يشتريها ؟؟
يعني قطع غيار و كده

**Adham** · 11-09-2010 07:34 PM

العربية دي موتورها هو موتور الفيات ال128 ال 1300 و نادرا فيها بموتور 1500 زية زي موتورالريتمو و الريجاتا وممكن الاونو كمان يركب عليها يعني حاجتها متوفرة بالنسبة للموتور و الفتيس كذلك و اعتقد ان عفشتها معظمها عفشة ال 128 من حيث المقصات و علبة الدركسيون و المساعدين الطنابير و التيل (على ما اعتقد فهي معلومة لست متأكداً منها)

مشكلة العربية دي ان تلاقيها رفرف او باب او فانوس خلفي او هواية الجنب او اي حاجة في التابلوة او اكصدام او زجاج باب او شراعه

بس اعتقد دلوقتي سهل ان الموضوع دة يتحل بالفايبر جلاس تقدر تعمل اي رفارف و تنفيخات فيها و تنسى رفارفها الاصلية و أكصداماتها

او اي سمكري شاطر يقدر يفصللها طبلة باب او رفرف بإحترافية شديدة

الفوانيس الخلفية ممكن تتصب في الاهلية للبلاستيك الوشوش بتاعته او تتعدل لاي فاتوس شبية و ليكن فانوس الدبابة النص نقل شبهه كتير
و بالنسبة للفوانيس الكهرباء اعتقد سهل تركيب فوانيس الهوندا البريليود 84-89 او الاكورد 87-88 عليها

و في الاخر دي عربية ترويش تخرج بيها تتمشي العصاري عالكورنيش و انت فاتح السقف مش عربية اسرة و لا عربية استخدام يومي

يعني لازم عربية تانية في البيت جنبها للاسرة و الاستخدام المعتاد

**nabaster** · 11-09-2010 08:29 PM

تسلم ايديك يا استاذ ادهم

العربيه دي انا بموت فيها

وهقولك علي حاجه

موتور الريتمو مش هوا اكبر موتور بينزل فيها

انا شوفت بروجيكت علي النت لعربيه متسقط فيها الفولمكس الـ 2000 سي سي

بتربو او سوبر اتشارجر بتاع المكنه نفسها

بتعديلات طفيفه جدا بس مبدايا لغي الشنطه الخلفيه

ونقل التانك (مكانه الاصلي ورا كرسي الراكب الامامي)

ووقفه ورا مراية الفوانيس الخلفيه

واتفرج بقي لما مكنه زي دي لما تكون في (وضع وسطي) علي عربيه ميزيدش وزنها عن طن

علي فكره انا بتكلم بجد وبدور علي واحده

لو قدامك حاجه بلغني

A.Yakout